吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 阿女話羡慕親戚同學長假有得去旅行

自由講場今日: 3222|主題: 1303826

收藏本版

回覆發帖

返回列表

跳至頁

查看: 40707 | 回覆: 7

積分: 2064

1^#

發表於 23-1-19 12:36 |顯示全部帖子 |倒序瀏覽 |打印

有冇朋友同我自己一樣長假期都奉旨唔會去旅行，阿女尋晚同我講話點解啲親戚和同學屋企長假期都會去日本泰國星馬泰等等地方旅行，自己屋企永遠唔會去，放長假次次留香港好悶，我究竟點樣答佢好！？
我屋企唔係因經濟問題去唔起旅行，我如果有幾個星期假期好想去法羅群島冰島格陵蘭呢啲地方添，不過真係冇晒年青未結婚生小朋友前去旅行的動力，全家三口就只有我個12歲的女好恨去旅行，唔係經濟負擔唔到，係我地兩夫妻都無晒方動力去旅行。C6長時間在內地工作佢本身又唔鍾意去旅行，連飛機都唔鍾意坐，我就自從生咗個女又要兼顧事業後就冇晒旅行動力，最後一次就係五年前同c6同個女放暑假三口去日本大阪同台灣十日，果次全家玩得好開心，係老公話好攰玩咗兩三日就話攰開始唔願郁，c6升職後做嘢又越來越忙好難抽3日以上時間時間全家去旅行，我就覺得旅行仲攰過返工，次次阿女學校放長假我同c6都唔敢提話去旅行，一來真係冇動力以來，二來驚連自己啲休息時間都冇埋，三來老公好大機會話唔去叫我兩母女自己去，但我又覺得得兩母女去好冇癮，同埋覺得我們兩夫妻好自私，只係因為自己唔想去旅行搞到阿女都冇得去留喺香港，其他家長如果遇到同相處情況，又會點樣拆彈？

0 0 0

私人傳訊回覆引用

snorlax

大宅

積分: 2064

2^#

發表於 23-1-19 14:16 |顯示全部帖子

唔該晒咁多位朋友寶貴意見和批評，我都覺得自己和老公的確有點自私，老公唔想去自己又唔太想去都唔好抹殺個女去旅行的機會，今晚就返去問阿女想去邊度，我只有兩個要求就係唔跟團和唔想自駕，因為以前同父母跟團去歐洲同馬來西亞旅行感覺仲攰過返工，自己手車麻麻地，如果阿女話想去的要自駕先好玩的地方老公又唔去的話，我就愛莫能助。

私人傳訊回覆引用

snorlax

大宅

積分: 2064

3^#

發表於 23-1-19 15:01 |顯示全部帖子

converter 發表於 23-1-19 14:09
近近澳門得吾得啊，有心去玩邊度都得。

澳門其實我地weekend隨時都可以去，不過就唔會過夜即日來回，呢啲就唔算去旅行，我估阿女應該係想我地同佢去歐洲呢啲遠地方，叫埋老公去因為老公手車好佢去的話就可以自駕遊，我地會玩得更加開心，不過我老公自從工作越來越忙就唔鍾意去旅行，我個人又冇乜方向感自由行未必玩得順利，不過我又唔鍾意跟旅行團，因為跟過幾次團仲攰過返工。

如果阿女開聲嘅我都會選擇自由行，會去啲唔需要自駕都方便出行的地方，法羅群島冰島呢啲地方我就冇乜信心可以自己帶到個女一齊去，個女就好想去丹麥法羅群島同冰島，丹麥我都仲應付到，法羅群島同冰島真係搞唔掂，要拉我老公去埋先搞得掂。

私人傳訊回覆引用

snorlax

大宅

積分: 2064

4^#

發表於 23-1-19 15:33 |顯示全部帖子

MM2H 發表於 23-1-19 15:26
唔跟團，唔自駕，你亦話唔鐘意安排行程....

你想個女點答你？

自由行行程唔好編排得咁緊湊早出晚歸攰過返工就得，最緊要係唔洗自駕，以前同父日跟過幾次旅行團如東瀛遊勝景遊，行程緊密，攰過返工，真係怕怕。

私人傳訊回覆引用

snorlax

大宅

積分: 2064

5^#

發表於 23-1-20 22:48 |顯示全部帖子

本帖最後由 snorlax 於 23-1-20 22:49 編輯

感謝各位父母朋友意見批評，今天同阿女商量過，佢最終話想復活節去瑞士，英國或葡萄牙，最初阿女話好想去法羅群島同冰島，但對我來說太高難度同太遠，老公話隨便去，唯一條件係唔好叫佢一齊去，因為佢好討厭坐飛機長途機更加極為抗拒，老公建議阿女同我去瑞士或者英國玩，兩個地方交通同用英文都可以順利溝通，唔自駕去自由行都好容易，旅費方面用信用卡慢慢碌今次全部老公找數，叫我地母女買商務客位，仲話坐經濟位屈住隻腳會有乜乜候群症，同埋坐服務好啲的航空公司唔好同佢慳，估唔到要咁樣打開阿女的心結，希望今次可以完成阿女想去歐洲旅行的心願。

最難一關就應該係諗下復活節點同公司拎十日復活節連假，呢個真係要諗諗辦法，公司唔批我放咁長假就乜都唔使諗

私人傳訊回覆引用