自由講場

收藏本版
發帖
返回列表
跳至頁

首頁
1

尾頁
   0
Pulmma


水晶宮

積分: 62685

2024年龍年勳章 好媽媽勳章


1#
發表於 08-12-14 13:17 |顯示全部帖子
真係好委屈, 好唔開心, 返到屋企, 全身浸在滴露水, 都覺得好唔聚財.

星期六, 一早出門, 家住49樓, lift 落到42樓有個女人入lift, 之後就不停"cut" 唔掩咀, 我已經好大反應, "接" 咗一聲, 用大動作咁掩住我和我個囡的口鼻, 縮在係角, 困係lift 度, 真係好驚, 但係佢仲不等' cut" 忍唔住, lift 落到19樓, 我都忍唔到, 拿拿聲胡亂按button, 總之邊層停, 我就同阿囡走出去, 臨走時, lift 門仲未關, 我就破口大駡個女人冇公德. 真係忍唔住.

之後就搭小巴出去.

點知上到小巴, 坐係後面個個男人, 又係不停cut, 我忍唔到, 掩住口鼻比張紙巾佢, 又叫唔停間車, 因為係tunnel 度. 但係仲係咁cut

車一出tunnel, 都唔理到站未, 飛咗落車, 好興真係好興. 成日都好唔聚財.

到咗晚飯, 一家到time sqaure 食飯, 行行商場, 唔為意, 一個中年男人兜口兜面咁係我塊面度cut 咗一下, 我仲好清楚咁feel 到一陣口水花灑落塊度, 我當時尖叫咗一聲, 圍住我身邊的人都奇怪咁望住我, 我當時真係唔係好顧儀態咁一手捉住個男人件衫, 另一隻手好狼狽咁係手袋度揾tissue, 一路揾一路喊咗出來.

個男人都知咩事, 佢身邊個女人唔知咩事, 再用另一隻手捉住我, 問我係咪儍, 我老公就儍儍下咁, 以為個男人非禮我, 好緊張指住個女人, 喝佢放開我. 當時真係好混亂.

我一路喊, 一路咁駡個男人, 鬧佢cut 唔掩口唔帶口罩, 又問佢有冇病緊, 最近有冇出境.

個男人竟然答我有少少感冒, 我聽到更加委屈, 兩泡眼淚long long 下, 好大聲咁叫: 有病就留係屋企, 我家有大有細, 你咁散播細菌有冇攪錯...... 下刪一百個字駡佢.

dinner 冇心情食, 一家坐老公架車返屋企, 一個人孤令令咁坐係最後坐(七人車) 好怕我有菌染到阿囡. 真係好驚.

返到屋企, 唔係講笑, 由頭浸到落腳. 係咁飯lemon 水.

[ 本文章最後由 Pulmma 於 08-12-14 13:20 編輯 ]
私人傳訊

Pulmma


水晶宮

積分: 62685

2024年龍年勳章 好媽媽勳章


2#
發表於 08-12-14 13:30 |顯示全部帖子
我係直接咁被個病壞噴到成面口水, 唔知點解一日比我遇幾單, 個心好唔順.
私人傳訊

Pulmma


水晶宮

積分: 62685

2024年龍年勳章 好媽媽勳章


3#
發表於 08-12-15 11:41 |顯示全部帖子
原文章由 火石 於 08-12-14 16:51 發表
返到屋企, 唔係講笑, 由頭浸到落腳. 係咁飯lemon 水.

好明白你的感受, 這幾個人真係好難頂 + 冇公德心,
最近在街上時常都見有人咳, 有人打噴嚏, 他們都冇用紙巾

我想知咁那位男人的太太 之 ...


個女人咪話我痴線law

好彩我老公頂番佢, 話佢冇家教, : 妳唔好生小朋友啦, 免得地球上多一件沒家教的人類
私人傳訊

Pulmma


水晶宮

積分: 62685

2024年龍年勳章 好媽媽勳章


4#
發表於 08-12-15 11:44 |顯示全部帖子
各位: 你地唔好話我誇張反應大, 我會記住keep 住帶多d mask 出街啦.

只係, 避都避唔到, 成面口水的核突和驚嚇法, 當時個一刻真係唔知點解會咁.

各位: 昨晚開始, 我發燒啦!!102度.

今天, 好一點. 100度. 成身散晒咁

各位, 各方朋友, 請有點公德心! e+ d 菌真係好惡呀

私人傳訊

Pulmma


水晶宮

積分: 62685

2024年龍年勳章 好媽媽勳章


5#
發表於 08-12-15 12:09 |顯示全部帖子
原文章由 TW 於 08-12-15 11:47 發表
我...唔係想引起罵戰...

但係...樓主...其實你會唔會緊張過龍......俾咁大壓力自己,攪到又喊又食唔落飯...情緒差,會影響身體抵抗力的.........

如果你怕其他人對住你咳~~而你又無可能影響人地的思想及行為~~~不如 ...


係呀, 你講得好啱!!!

如果有人兜口兜面噴口水, 係好清楚feel 到好似有個噴水壼噴晒全個面咁, 或者你會好冷靜面對. 但係個一刻我真係忍唔住, 只係好自然的反應, 捉住個男人, 本來想駡佢一頓, 但係當時駡人的說話激到駡唔出, 眼淚就忍唔住流出來, 情況就係咁.

只係當時我比人噴完, 個一刻唔知點解覺得好污jo.
私人傳訊

Pulmma


水晶宮

積分: 62685

2024年龍年勳章 好媽媽勳章


6#
發表於 08-12-15 14:56 |顯示全部帖子
原文章由 晴B媽 於 08-12-15 14:39 發表
為左他人無公德, 為了怕被感染, 就在街上喊..................樓主你似乎有心理病/情緒病, 去睇睇醫生好喎。

(*唔係串你,講真架喎。)


醫生係睇咗啦, 不過唔係心理醫生, 我唔覺我有問題, 極其量你可以話我eq低.

我eq真係低, 比人口水噴面, 除了我feel 到有口水噴到我個咀, 仲有一大顆口水噴咗落隻眼度, 即時睜唔開眼. 可以想像當時我食得有多應~~~ 喊下發洩下, 我覺得冇咩問題.

是但啦, 多謝各位關心, 明白的感受又好, 幫我講說話又好, 話我低低地都好, 都多謝各位.

只想呼籲各位, 病出街時, 回想一下沙士時的情況.

禽流感變成點又唔知, 除了自保外, 都要有公德.
私人傳訊

Pulmma


水晶宮

積分: 62685

2024年龍年勳章 好媽媽勳章


7#
發表於 08-12-16 12:13 |顯示全部帖子
原文章由 muimuizhe 於 08-12-16 00:32 發表
我試過行行下街俾個人渣吐痰在手上,一篤綠色既痰在手上,我大叫毎人渣扮聽唔到走左,我企係街度流左成幾分鐘眼淚,唔知點處置隻手,最後去左公廁洗手,返到屋企用消毒虊水沖涼. ...


10年前, 我都試過, 痰吐咗落頭頂, 初初以為係雀c, 點知當時係我隔離的friend 尖叫話係痰來(個人渣從天橋向下吐). 當時我都係街都喊咗出來, 而我個friend 就追上去狂鬧個big 6. 個big 6 笑笑口咁, 係天橋上面向下叫: 唔姣e c!!!

當時我真係想殺咗佢~~~~~ (如果唔駛顧後果)

至於鬧人方面, 可能有人會覺得我一樣冇禮貌, 但係, 如果唔鬧, 咁個d 冇公德的人又會唔會覺得自己討厭及危及到其他人呢!

所以. 都係個句, 你地可以話我eq 奇差, 但係唔可以話我做錯. (我覺得)
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見