吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 韓文成人班邊間好？

自由講場今日: 2458|主題: 1303246

收藏本版

發帖

返回列表

跳至頁

樓主: snow.white

韓文成人班邊間好？ [複製鏈接]

은우수호

珍珠宮

積分: 49660

1^#

發表於 21-5-26 10:43 |顯示全部帖子

snow.white 發表於 21-5-26 10:18
邊區？咩人教？

工聯會九龍城區同港島北角都上過，都係韓國人教。

港大都教得唔錯，但工聯會就同老師可以close啲傾到計冇咁chur

私人傳訊

은우수호

珍珠宮

積分: 49660

2^#

發表於 21-5-26 15:10 |顯示全部帖子

本帖最後由 은우수호 於 21-5-26 15:11 編輯

snow.white 發表於 21-5-26 13:50
口碑港大好好，係怕自己能力不足，上得辛苦。工聯會大概幾多人一班？你覺得好在乜嘢？
...

工聯會唔係太記得人數, 因為係早一兩年去讀, 大約廿幾人一班.
韓語初級同中級都係同一個韓籍老師教, 唔會似港大嗰啲要合格先升到班.
但基本上堂堂都會默書, 同埋都要背定課文, 因為老師會同我哋玩即場對答.
上初班係用英語輔助去教,
到上咗中班, 老師會儘量講韓語去教,
上堂會不停同我哋講題外話,
叫我哋儘量用韓語答,
不過只要有備課, 大致上都叫上得輕鬆.

另外都上過一個會話中班, 人數好似比較多, 老師都係韓國人, 基本上大部份堂數都係講完當日嘅基本範圍, 就會儘量叫同學仔自由發揮用韓語答老師啲提問, 呢個班比上文法班再輕鬆啲.

私人傳訊

은우수호

珍珠宮

積分: 49660

3^#

發表於 21-5-26 15:19 |顯示全部帖子

本帖最後由 은우수호 於 21-5-26 15:20 編輯

mypineapple 發表於 21-5-26 15:14
我都想學，算唔算難學？
見到韓文啲符號好似好難咁...

韓語文字絕對唔難,
係一個好有系統嘅文字,
啲符號其實係有規律, 分為天地人嘅系統去創造.
老師會有技巧教你去記.
其實上頭一兩堂韓語初班, 大致會記得哂啲韓文字母點讀點寫,

如果對比起日文嘅平假名、片假名五十音, 仲易記.

過咗頭兩三堂, 基本可以讀到韓文啲字, 即係就算唔明點解都會識讀.

點評

la_source

發表於 21-6-28 14:59

私人傳訊

은우수호

珍珠宮

積分: 49660

4^#

發表於 21-5-26 20:24 |顯示全部帖子

snow.white 發表於 21-5-26 20:15
咁你學得開心嗎？學幾耐呀？

ok呀！老師教得幾好呀！
喺工聯會嘅話，上咗初中兩班，共半年，之後隔咗一段短時間再讀會話中班，三個月。

之後就一直自學！

私人傳訊

은우수호

珍珠宮

積分: 49660

5^#

發表於 21-5-26 20:57 |顯示全部帖子

snow.white 發表於 21-5-26 20:49
咁你聽得明韓劇同韓文歌未？

本帖最後由 은우수호 於 21-5-26 22:05 編輯

一半半，其實有六至七成韓語詞語同廣東話或國語讀音好似，所以就算聽唔哂全句意思，都會大概知意思。

至於歌，歌詞比韓劇台詞簡單，會學得快啲。

但睇綜藝就難好多，因為通常都好多人講嘢同偏快，同埋多俚語，會聽得差啲，會理解錯嘅機會大啲

私人傳訊

은우수호

珍珠宮

積分: 49660

6^#

發表於 21-5-27 09:25 |顯示全部帖子

snow.white 發表於 21-5-27 09:08
你每星期花幾多時間溫下書呀？我煲劇就有心機

早晨呀！其實我學韓文都幾癲

之前上堂學，差唔多係背哂成本教科書同筆記，當時仲去圖書館借topik啲書，將啲cd轉哂落電話，當歌咁聽不停loop。
之後因為冇時間，冇再讀上去，就轉咗喺YT搵教韓語嘅片嚟睇，同埋睇綜藝咪好多時會有特效文字，如果有趣，我會take notes再上網搵啲俚語出處同點解！
係要死記，不過啲漢語詞同外來語對於我嚟講好易記。
仲有我追開嘅韓星，佢有開live，我會download落嚟重複聽，基本上依家偶像開live，會大致聽得明佢講乜。
依家睇劇我係睇生肉，有時間先會睇中字，有時調返轉，睇配音劇時，自己會講返韓文對白，儘量將韓文融入生活中，會易掌握

私人傳訊

은우수호

珍珠宮

積分: 49660

7^#

發表於 21-5-27 09:35 |顯示全部帖子

은우수호 發表於 21-5-27 09:25
早晨呀！其實我學韓文都幾癲
之前上堂學，差唔多係背哂成本教科書同筆記，當時仲去圖書館借topik ...

其實我大部份集中喺聽講上面花功夫，去韓國旅行，係儘量用韓語同人溝通，就算依家去尖咀韓國街買嘢食嘢都用韓語，語言係要搵機會互動先會用得生動。

另外topik個網有試題可以測試，我有一排係成日上去做test，知道自己錯喺邊就去記熟自己錯嘅地方。

另外，因為要追星，每日都會去naver睇自己粒星啲新聞，會睇佢哋啲片。當學新嘢。
慶幸有學韓文，之前試過自己粒星星嚟香港接受訪問，但佢個翻譯有幾次譯錯，如果冇學韓文，真係會聽到一頭霧水！

點評

RAA

發表於 21-6-7 17:07

私人傳訊

은우수호

珍珠宮

積分: 49660

8^#

發表於 21-5-27 22:43 |顯示全部帖子

snow.white 發表於 21-5-27 22:20
你好勤力同有天份，哈哈，韓國街啲韓國人會同你傾偈嗎？韓國綜藝都掌握到又幾好
...

本帖最後由 은우수호 於 21-5-27 22:46 編輯

其實都唔係乜嘢天份，樣樣嘢學起嚟都易學難精，係搵一個啱自己嘅學習方式去學，老土啲講句：『努力係唔會背叛你』
韓國街有幾間買飯卷伴菜嘅舖頭，有間叫清溪川，啲ee好好人，見你入去用韓文打招呼叫外賣俾錢，佢哋會好好笑容，次次俾完錢我都順口講句好生意呀！佢哋會一齊講多謝咖！啲超市我就問嘢多，佢哋冇同鄉喺度吹緊水嘅話都會答你嘅！
之前去韓國玩，食買玩都試同人吹水，尤其廣藏市場，入面啲熟食檔啲ee又係見你外地人但講韓文，佢哋會撩你傾計，其實我係面皮幾厚嘅人，就算講到一舊舊都照講，人哋唔會介意嘅，溝通到就得！其實逢係小店，你肯開聲就實有店員搭咀！

私人傳訊

은우수호

珍珠宮

積分: 49660

9^#

發表於 21-6-8 15:32 |顯示全部帖子

GreenMaDad 發表於 21-6-7 16:48
回覆 은우수호 的帖子

其實韓國人係好大情大性，佢哋做商販的多數好熱情。 ...

啲商販雖然粗聲粗氣嘅多, 但好熱情同埋幾老實.
之前去韓國東大門之類嘅市場入一啲手工飾品配件嘅貨, 只要你買多少少, 佢哋都會送好多嘢俾你,
又試過有一檔賣錶肉嘅舖頭, 我都未問產地, 佢已經講埋個餡係日本, 個外殼係韓國, 所以價錢平啲.

私人傳訊

은우수호

珍珠宮

積分: 49660

10^#

發表於 21-6-28 17:04 |顯示全部帖子

arale1668 發表於 21-6-28 16:41
工聯會師資好嗎

以價性比嚟計, 算OK, 其實去邊度學都一樣, 師資係睇你遇著個乜嘢老師~

學文法嗰個係年紀較大嘅韓國女老師, 好有心機, 同埋教得好快, 又會堂堂背書(當然, 係會喺對上一堂叫你背定, 下一堂就唔睇書玩甲方乙方背課文)、默書, 亦都有功課, 有時仲會講吓啲韓國小知識, 好nice! 因為佢教記字母同讀音時, 係講埋啲文字係點解會衍生咁嘅形狀, 經佢講完, 全部文字都有特定意思, 所以好容易入腦, 同埋唔會有混亂情況出現.

至於喺北角學會話嗰個都係韓國女老師, 不過後生好多, 因為我直接上中班, 但見班上好多同學都同佢好熟, 亦都用韓語溝通, 應該係嘅初班教得幾好, 呢個老師都一樣係快槍手, 教得好快, 可能本身啲同學初班跟開佢, 所以比較流暢唔使磨合.

如果以未接觸過韓語, 唔想花費太大, 想試吓合唔合適讀, 工聯會算係唔錯選擇, 以我個人而言, 如上完覺得有興趣想搵好啲師資, 到時諗都未遲.

私人傳訊

은우수호