夫婦情感

收藏本版
發帖
返回列表
跳至頁

首頁
1

尾頁
   9
wsy201722


大宅

積分: 1212


1#
發表於 21-8-10 02:56 |顯示全部帖子
我係男，識左14年，同你調轉係另一方出軌，建議唔好再諗軟定唔軟，我呢邊聽到係有上床但無比對方入，踢爆之後10個9個都係會求你話重新開始，時間會証明比你睇到，我個心受傷左接近1年，每日都努力付出同改變，但呢邊只係感覺到佢想迫走我，忠誠唔係有無軟，有無入就算，機會可以比，原諒可以原諒一次，大前提係對方願意接受你原諒，同埋睇定d先真係，移民暫時唔建議，就算繼續一齊住，大家既信任已經係零，如果”雙方”都有心建立返先會有用，如果選擇建立繼續行需要無限時間同勇氣，我暫時處於分房訓晚晚折磨差一步就可以走既階段，單方面願意努力真係會一日比一日辛苦，我重睇埋臨床心理醫生，但都係果句，要雙方有一個堅定既心先會有用，小心情緒影響決定，有咩重要決定都冷靜完先好落，加油
私人傳訊

wsy201722


大宅

積分: 1212


2#
發表於 21-8-10 14:07 |顯示全部帖子
Jkjk999 發表於 21-8-10 13:25
你講中左，佢就係話重新開始，叫我比時間去證明比我睇…我諗你都好明白我既感受，我依家已經冷靜落黎，但 ...
唔係為左個女我一早走左，佢根本把口就話重新開始，但做出黎係迫我走咁款，我原本打算為左小朋友去忍佢，但原來係唔得，如果你個心都係咁諗建議你唔好去咁諗，小朋友係父母無愛既情況下長大，個成長係比分開更加難受，到佢成人就會成為佢一生既陰影，同自己內心都唔會好受得去邊，會變左自己好委屈留低係為小朋友好容易一遇負面野就會抑鬱，到時重更加一發不可收拾，最幫到現時局面既，係大家比大家一個適當既距離大家冷靜一下先，就算佢而家對你好，你都係只會覺得佢係扮出黎，係假既，係想補償，你唔會覺得佢係真心，呢個就係因為你對佢無左信任，無論佢做d咩你都唔會開心，所以內心個矛盾只會愈黎愈大，希望幫到你，加油
私人傳訊

wsy201722


大宅

積分: 1212


3#
發表於 21-8-10 15:21 |顯示全部帖子
呢年比到我既經驗，同自己睇過好多出軌心理既書得返黎既結論，當然唔會所有人一樣只係建議，希望幫到你

1 現階段唔建議單方面補償（佢愈補償你只會愈難去消化佢出軌件事，佢愈對你好，你內心折磨感會愈大）

2 雙方比一個時間大家去冷靜，透明度要好高，包括所有野，支出收入，自動報行蹤，盡力做到唔可以比大家有一小小既懷疑

3 當時間消化淡左，好好認真諗下出軌既問題所在，個原頭到底係邊度，問題一定係長年黎累積而成，《出軌》只係一個結果

當然大前提要雙方完全接受曬件事，步伐要完全一致，呢點係真係無乜人可以做到，所以大多都係會選擇逃避最後離婚

我只可以話，一齊得十幾年唔會話一句變心/唔愛 就走去出軌，所有野都一定有原因，但勇敢面對原因去真正解決到，我相信真係無乜人可以做得到，最後真係做到既，都真係一個奇蹟

純個人意見，知道你心情唔會好受得去邊，真係要靠自己，加油，小朋友重要你睇住唔好咁易放棄，以前既我覺得婚姻係無條件一世，婚姻係生活既全部，但今日只係覺得婚姻只係令人去成長既一個過程，而婚姻既考驗，正正係今日先正式開始
私人傳訊

wsy201722


大宅

積分: 1212


4#
發表於 21-8-11 18:31 |顯示全部帖子
馬霸 發表於 21-8-11 18:07
你個女幾大，你會原諒太太嗎？

4歲
有時唔係你想原諒，人地就要比你原諒
佢都完全唔覺得自己有問題，無認過錯
重可以將出軌既責任推晒落我度

無道歉 又點原諒？

點評

beebee67890    發表於 21-8-13 10:49

私人傳訊

wsy201722


大宅

積分: 1212


5#
發表於 21-8-11 22:19 |顯示全部帖子
Jkjk999 發表於 21-8-11 21:53
我識有個同事都係老婆出軌，爸爸爭到撫養權照顧個囡，其實我佢出軌已經係佢唔岩，無論有d咩理由都好…
...

咁佢一直選擇自己逃避，一直都唔願意同我講佢真正內心感受，佢自己都唔知自己想點，我為佢改得既都改曬，對個女都盡曬全力，佢唔願意行一步根本唔會承認自己有錯，我都已經開始恨佢，我用左好多時間去接受件事，受盡無數既折磨，但我已經再無耐性去等佢
私人傳訊

wsy201722


大宅

積分: 1212


6#
發表於 21-8-21 09:29 |顯示全部帖子
普羅旺斯 發表於 21-8-21 08:00
咁你最後有冇離開個家?定繼續忍

本來離開左，但佢父母叫佢試下一齊見婚姻輔導叫我返黎先，但暫時分開左房訓
私人傳訊

wsy201722


大宅

積分: 1212


7#
發表於 21-12-27 13:15 |顯示全部帖子
barbieric 發表於 21-12-27 03:10
咁你地而家好番未呀，我都好明白你

自己搬走左出黎啦..搞緊離婚爭撫養權
私人傳訊

wsy201722


大宅

積分: 1212


8#
發表於 21-12-28 14:54 |顯示全部帖子
Ginnia 發表於 21-12-28 13:42
同路人..對方出軌，想對方接受自己原諒佢都唔係易事...我同樓主都很相似，老公出軌，我選擇原諒佢，但佢仍 ...

所以，唔係你選擇原唔原諒，而係對方願唔願意知道錯而道歉去原諒，但可惜現實係如果知道錯就唔會去出軌，所以出得軌既人，係唔會覺得自己有錯….受左一年，最後搬走左講離婚先知道，原來呢一年都一直比人呃緊，根本就無同個第三者分開過，所以…算啦我都係要放手，已經盡晒力去補救，但對方重係家庭同第三者都要晒，所以根本原唔原諒已經係無意思
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見