自由講場今日: 3301|主題: 1304020

收藏本版

回覆發帖

返回列表

跳至頁

樓主: yanfaifai

積分: 80

1^#

發表於 24-3-14 18:21 |顯示全部帖子

yanfaifai 發表於 24-3-14 16:10
仔女升中後
我不用理功課
工餘時間報了興趣班去做話劇

樓主，我跟你類似情況，我每日在家淨係打理屋企煮三餐（每天送飯俾個細嘅），仔女讀書嘅野吾洗理，生活係好忙，但內心覺得好空虛，因為孩子出世前我都算事業型，為了屋企而ftm,終於上個月開始我逢星期日返part time,我老公堅持要車我去，車我返，但我真的想把這一天為自己而過，我鍾意獨自駕駛，我好享受聽住歌揸車，有時半路中途會停低買杯咖啡飲下，但我老公堅持要接送，佢曾經試過我揸咗架車返工，而佢自己架車去做保養冇車揸，都要搭的士去我返工泊車嘅停車場等我放工！後來有一次佢放病假在家，見到我每天0600-2300的忙碌，買餸送飯家務接放學湊興趣班煮晚餐，佢終於明白，我再同佢講多謝佢星期日幫我睇住屋企俾我出去放鬆下，返下工，使我跟仔女和他也有多些話題，佢而家都好支持,所以如果你老公受軟唔受硬，你更加要感激佢對你體諒，多謝佢嘅支持給你有機會接觸新事物，賣口乖都要㗎喇，不要硬碰！