吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 佢出軌。

夫婦情感今日: 1|主題: 42455

收藏本版

發帖

返回列表

跳至頁

樓主: @discovery

佢出軌。

[複製鏈接]

soso1227

珍珠宮

積分: 37306

醒目開學勳章畀面勳章

1^#

發表於 21-1-22 15:44 |顯示全部帖子

@discovery 發表於 21-1-22 14:33
疫情之前，佢每逢星期六日要返上大陸。而家一年。

你老公點解逢星期六日上大陸？
返工冇理由星期六日先上去喎。佢咁返上去，維持左幾耐？要搞清楚佢地點搭上，搭上幾耐，才可以估計斷唔斷到。
我之前在其他post都講過，男人長時間上大陸，多數都出事。一來寂寞，二來受朋輩影響，三來大陸女人進擊，最後，山高皇帝遠，男人以為瞞得到。你和你老公都中年，正正面對中年危機。
你老公人工俾哂你，層樓寫你名，証明佢信任你，而佢都冇想過自己會離開你。三十年咁長時間，你之前仍覺得自己幸福，亦証明佢平時對你好。我認為值得俾一次機會大家。叫佢交出個女人的個人資料和聯絡方法，証明佢有心斷。你老公算係好男人，無理由益件大陸失婚小三。

點評

varievarie

發表於 21-1-23 10:05

私人傳訊

soso1227

珍珠宮

積分: 37306

醒目開學勳章畀面勳章

2^#

發表於 21-1-22 16:49 |顯示全部帖子

唔需要咁快原諒。要佢自己提出，佢可以做什麼去俾信心你。
我相信真係有豬朋狗友介紹個女人俾你老公，因為佢地好興咁做，要衰大家一齊衰，有共同話題。咁就要知道邊個豬朋狗友咁好介紹，以後可唔可以疏遠佢地？
因為疫情關係，你老公成年冇上大陸見件小三，係不幸中之大幸，至少佢地冇得繼續培養感情。check清楚你老公有冇滙錢俾小三或聘請佢工作，我唔信成年唔見可以齋talking保持關係，好多大陸小三都只係想搵錢搵著數。

私人傳訊

soso1227

珍珠宮

積分: 37306

醒目開學勳章畀面勳章

3^#

發表於 21-1-22 17:06 |顯示全部帖子

樓主，你老公明顯係錯。但佢會唔會改過，佢是否看重你和個家，你應該最清楚。
我只能講我見過不少回頭而又看來幸福的個案，至少我見幾對人退休之後出雙入對，一齊去下旅行，婚姻不夠完美，但已經好過很多人。

私人傳訊

soso1227

珍珠宮

積分: 37306

醒目開學勳章畀面勳章

4^#

發表於 21-1-23 15:19 |顯示全部帖子

回覆 dingu 的帖子

唔單止男人會出軌，女人都可以好濫。有供就有求，根本由阿爺嗰代已經係咁，只是以前嘅狗男女冇咁揚和冇咁厚面皮，正印亦冇網上平台可以講出嚟，大家才不以為意。
如果兩公婆年紀輕，有冇仔女都好，分開搵過個可能易過修補。
但如果兩公婆年紀唔細又相處多年，在大家都清楚對方的優點和缺點的情況之下，雙方仍有誠意保住婚姻，就不妨試下修補，俾一次機會大家。

私人傳訊

soso1227

珍珠宮

積分: 37306

醒目開學勳章畀面勳章

5^#

發表於 21-1-23 18:46 |顯示全部帖子

vivianho 發表於 21-1-23 16:41
多次睇到被出軌女人的分享都提及已經不只一次被背叛，其實女人何苦為難女人？若然男人真心對待妳就唔會出 ...

雖然dingu 嘅行為比較激，但我支持佢喎。

呢個世界咁多男人，小三偏偏揀同人地老公上床，自己攞嚟賤。dingu 出一句聲，佢老公就出手，唔係dingu難為個賤女人，而係個男人當小三nothing。我並非話打人啱，但小三即刻明白自己幾低賤，唔會拖泥帶水，都幾好吖。我唔明點解要將自己和小三比。做小三嘅多數以為自己好特別，我唔會當佢地係正常人，更加唔會有兔死狐悲嘅感覺。至於離唔離開個男人係正印嘅事，想留就留，想走就走，幾時留，幾時走，唔需要和其他人交代。

私人傳訊

soso1227

珍珠宮

積分: 37306

醒目開學勳章畀面勳章

6^#

發表於 21-1-23 20:51 |顯示全部帖子

vivianho 發表於 21-1-23 19:40
一樣米養百樣人，如果一段感情無令你變好反而令你去傷害人，此舉可能會令你受刑責，咁樣應該係選擇錯人。
...

講到尾，我唔係有大愛嘅人。愛情會令我變好，但不代表要好到去包容傷害我嘅人。

dingu老公打小三，就算要受刑責，也是他的選擇。佢肯咁做，直接令小三知衰，而dingu條氣也應該順哂，有利身心健康。唔係正印叫小三勾人老公，邊個為難邊個？女人不應難為女人呢句話留俾小三吧。

雖然我和老公冇問題，但我身邊有不少出軌事件，男人出軌，真的太普遍，佢地好多仲係愛妻號。事件後，大多數都回頭，表面看來也很幸福，但大家都是女人，應該明白有些傷害是一世的，她們只是不捨得離開而己。故此，女人婚後真的不能放鬆，對C6好之外，也要增加自己的籌碼。萬一有什麼問題出現，選擇權也在自己手上。

私人傳訊

soso1227