婆媳關係 今日: 0|主題: 27700

原文章由 KoyeBaby 於 08-11-3 08:52 發表
尋日囡囡啱啱沖完涼,99抱住bb嗰時借d意走嚟我度...

99: bb落樓下玩好無呀,有好多玩具又有小朋友喎!落去玩好無呀?

我(明知佢係對住我講): 你咪落囉...(其實千萬個唔願意因為信佢唔過,但係見係會所嘅遊樂場應該無問題先答應)

99(突然好大聲): 去咩啫!咁都要睇你俾唔俾架!!

我(已經好興但係唔想同佢嘈): 我出得聲你咪去囉!

99: 同嫲嫲出街街,嫲嫲帶你出去玩~

我(知佢仲嬲緊上個星期我唔俾佢帶出街,諗住好聲好氣): 我係驚你睇佢唔住啫...(囡囡啱啱識行會周圍搵嘢玩又易跌)

99(好大聲): 點會睇唔住呀!有幾難呀!點睇唔住呀!!(下刪幾十字)

我唔想同佢嘈已經唔出聲由佢發癲,但係佢又要搵嘢嚟講...

99(好得戚咁): bb,嫲嫲帶你落去玩,唔好成日困喺屋企!

我(聽到真係忍唔住): 朝早先帶過佢出街咋!呢幾日都有出街,點叫困喺屋企呀!!

99: ...

我嬲佢明知我同c6朝早先帶過囡囡出去玩,佢睇住我哋出門口嘅,我仲問過佢去唔去,佢依家講到我個女好似俾我軟禁喺屋企咁!次次我哋出完街佢就對住我講"又出街呀?",出又鬧,唔出又鬧!!佢都痴線架!!!

我唔俾佢帶bb出街唔係因為佢係99,係完全信佢唔過!佢唔識開奶唔識換片,粗手粗腳,成日夾硬扯囡囡手腳,搞到囡囡撞損哂!又污糟邋遢,自己隻手油淋淋都唔洗唔抹摸囡囡!又無觀念bb有咩食得有咩唔食得,囡囡未出牙佢都塞龍眼俾佢食,好彩無哽死咋,但係都痾咗幾日要睇醫生,佢死唔認關佢事!!

我同自己講過,佢呢世都唔駛旨意可以帶我個女出街!我連樓下都唔會俾佢帶!!豈有此理!我真係好鬼憎佢!!!

原文章由 JoJo* 於 08-11-4 08:53 發表
果陣亞仔得歲幾,
夾到隻手之後,
四隻手指扁晒,(因為度門比風扯埋)
跟住唔夠半分鐘,
睇住四隻手指腫到好似皇帝蕉咁,
即時搭的士去最近的醫院,
醫生話BB的骨好幼細,
即時安排去照X-ray;
(正府醫院唔駛等都可以即時入去見醫生, 可想而知係幾咁急症)
照完好彩冇碎骨,
不過醫生話暫時冇事唔代表真係冇事,
所以叫我留意下呢幾日bb的手仔郁動有冇唔妥.
我仲記得當我話要帶仔去醫院果陣,
仲比人鬧我好咁緊張.

所以家陣對於人地的批評,
我只會當唱歌.

原文章由 wmpl 於 08-11-4 06:55 發表

嗰啲變態99,口口聲聲話自己有幾愛錫個孫,又話乜Q都係為個仔同為個孫好,但係一到利害關頭,唔好講利害關頭咁嚴重,就只係佢哋有少少唔like,就乜嘢衰格賤格嘢都夠膽死做,甚至係為求自己洩憤嘅目的而不擇手段,哩啲咁賤格,心胸又非常之狹窄嘅小人,絕對唔可以姑息容忍,粗俗啲講,忍得佢就食得C!!

原文章由 KoyeBaby 於 08-11-3 23:55 發表
99嘅報復!!


我想同大家講多樣嘢,其實我之所以會應承99自己帶bb出去,其中一個原因係我唔知拒絕佢會有咩後果...同佢相處咗2年,我發現99係報復心極強嘅人!佢好鍾意搞埋d小動作,總之搞到你唔開心,嬲,佢先會順返條氣!!

佢唔止一次話帶囡囡出街玩,第一次我reject咗佢,第二晚佢趁c6唔喺屋企,煮全家嘅飯講明唔預我,仲叫我食佢剩低嗰d...

第二次係上個星期,我再reject佢,佢當時已經不停咁講"帶出去俾你休息一日都話唔要,咁都話唔俾出去...",講咗好耐好耐...到第二日嘅中午就發生微波爐事件無啦啦俾佢插!到黃昏嗰時佢衰到專登帶囡囡入廁所教佢拍廁所板嚟玩!我一發現佢就攞個身擋住我,擘大眼講大話,笑笑口咁話囡囡係拍門!!

我好憎佢攞我個女嚟出氣,都唔明呢個女人個腦諗乜!佢鬧我屈我都算啦,仲要咁樣對我個女,佢係咪真係要迫到我發火,大家無彎轉先安樂呀...