我唔知你地頭一年拍拖既情況係點, 但我覺得你應該仲有d野無講比我地聽, 否則你老公唔會同你媽咪講, 層樓我比錢供但只係寫你一個人既名上去, 其實佢唔係介意層樓無佢名, 而係好明顯你仲未知足, 仲有說不完既投訴, 所以佢先會咁講, 其實層樓佢只落你一個人名好明顯在佢心目中你係佔有一個相當重要既地位, 你要明白愛情唔係用錢買返黎, 但起碼可以用錢去睇到你在佢心目中既地位, 咁我都想問你, 你真係仲想佢點呀
你要浪漫
呢家野唔係人人都曉得去形造出黎的, 針無兩頭利 佢搵錢唔多又要供樓咁佢邊有咁多閒錢去同你浪漫呀姐姐
要人送花, 佢都照送, 收到又嚴三嚴四又呢樣又個樣, 你夠膽話你自己知足
我都登你老公辛苦呀對住你 咁我想問你自己又為佢做過d咩呀
最多咪用錢比呢頭家既雜費囉
咁你覺得咁樣就叫做係愛佢呀
個結果咪又係一樣用錢黎衡量緊你地既關係 兩個人在一起既時候有左自己既一頭家, 想個家好個個都要付出架啦
點解你講到好似好偉大咁, 佢搵錢少所以你都唔介意比雜費....:-x 我覺得佢對住你木口木面其中既原因係你太多太多無謂既投訴, 佢做咩你都唔順眼
正如你話齋, 你只識去話人但從來都無自我檢討過一樣:evil: 如果你覺得兩個人性格不合就要離婚的話咁呢個世界唔怪之得離婚數子不斷上升啦 老實講性格不合係用於拍緊拖既人, 不合就分開, 但如果已經有自己既一頭家既時候係好應該學懂包容同體諒, 我同意man4good講, 你根本未係適婚年齡但就夾硬將自己推前一步 攪到今時今日呢個地步, 我覺得你好應該sip高床板諗清楚自己想要d咩先啦 就你所講我覺得個問題係出在你身上, 個男人愛你就唔會去數你, 佢一路選擇包容, 相反你就處處迫人 所以你問佢有咩事, 你叫佢點講呀 佢唯有迫自己做一d佢唔鍾意既野黎迎合你, 遷就你囉試想想當一個人生活在一個唔開心既家庭裡何以仲可以笑面迎人呀 如果你唔想離婚的話, 首要條件係你要學懂咩叫包容, 處處從另一伴既好處看, 少d投訴咁佢開心左, 就自自然然會笑架啦:)
但我想你知道你老公既問題並非只會出現在你老公身上, 我夠膽講我屋企個件同呢到既媽咪個老公亦會有咁既情況出現, 我老公對住佢d朋友一樣眉飛色舞, 但對住我都可以成晚一粒聲唔出只係睇電視
, 咁呢樣係佢既性格黎 我亦相信一個凹一個凸先係咁, 唔好聽既都可以話我同佢性格不合的:tongue:唔通就係因為佢呢個難頂既性格就一走了之咩?-( 唯有著眼落去佢既長處黎同佢相處囉:mrgreen: 咁既關係先會長久的
至於你話佢未結婚時已經肯用你名去買樓更加之覺得佢一早就認定左你啦
樓主呀樓主, 除左我隔離屋有兩公婆都咁健談外, 我暫時身邊既人全部都係一個唔太鍾意講野, 而另一個就濤濤不絶咁講野的 呢個係好正常既現象, 相反我隔離屋個果兩公婆都咁健談傾起上黎我都唔知聽邊個講好, 有點煩同覺得吵耳呀:cry: :cry: 所以三思啦要唔要離婚 都係個句你家陣諗清諗楚自己究竟想要d咩先 然後再同佢傾下有無彎轉, 如果佢依然覺得佢無須改變而你亦無唔著既地方咁咪算囉, 不過我真係希望你諗清楚自己既路向先可以講囉 有時你用行動黎感動佢可能會仲可行d呀 原文章由 lovelife_kar 於 07-10-23 14:02 發表
多謝大家嘅肺腑之言呀, 我知道你地都係鄧我肉緊, 其實我好亂~
一方面都覺得我同老公之間並唔係咩野大問題, 例如滾、賭、吸毒、唔返屋企等等, 但另一方面又覺得溝通唔到~ 而家我30歲都未夠, 佢大我8年, 唔通性格不合 ...
即係你自己買左層樓但結婚後同佢一齊住所以佢比錢供呀
咁.................不過... 我都係想講過實例比你聽
我一結婚無耐就生左bb, 所以同你一樣究竟同呢個人夾5夾一d都唔清楚, 因為始終都係相見好同住難 果然不出我所料, 的確好難頂又大男人, 對我又唔好 唔浪漫唔溫柔唔體貼:evil: 但當時只係覺得佢得一個優點就係顧家同理財有道
個時成日鬧交為左小朋友, 都有試過為錢但甚少因為呢樣野而嘈:-x 兩個人除左性格不合外, 觀點與角度都好唔同 所以好時都會為左d雞毛蒜皮既事嘈交, 冷戰, 極度唔開心既情況下好想離婚, 但礙於有小朋友所以一拖再拖, 直至到有一日, 覺得自己真係頂佢唔呻d木口木面, 返到屋企只係對住個電視機粒聲唔出, 同佢講野愛理不理有時甚至乎無回應 , 亦試過你既方法以其人之道還治其人之身 但我話你聽對於男人黎講一d都唔會湊效, 因為佢地係無自我反省既本能的:evil: 所以決心離婚時, 佢一句說話 "我一定唔會離婚的" 咁我就知佢應該係想維繫呢個家, 但只可惜唔懂得唔知道應如何處理同善待我地既關係, 起初我都一路打無把握既仗, 盡量將自己做到最好, 希望可以感化到佢, 後期發覺唔work, 咁究竟問題出左邊到, 究竟係佢定係我 , 跟住再學習一下學懂欣賞, 每當唔開心時將個focus轉移去佢既優點顧家到同鍚小朋友:loveliness: 仲有一樣就係唔再投訴 
果然效果比預期有改進:loveliness: 
但可惜同我想要既仲相差一大節:( 直至到一個小意外, 令佢對我既態度開始有改進, 可以話佢因禍而我就得福 所以我同你講當你想對一個人有要求時, 首先要問問自己是否已經做到最好 每個人都有缺點, 但切記唔好將d衰野用放大鏡黎睇 咁自必然會減少左磨擦的 我都叫做守得雲開見月明啦, 咁你覺得自己是否盡左力呢....原文章由 lovelife_kar 於 07-10-23 17:19 發表
買樓果樣野你地可能有誤會了~
層樓係我未識佢果陣買架, 跟住佢搬黎同我住, 佢比錢我供樓~
即是層樓在佢未出現時已經買左(做按揭)的了~
發表於 
返回列表
