吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 粉嶺呂明才09年 ABCD 幼班家長一齊分享區 ...

香港18區媽媽會今日: 3|主題: 156884

收藏本版

發帖

返回列表

跳至頁

查看: 19384 | 回覆: 109

[北區] 粉嶺呂明才09年 ABCD 幼班家長一齊分享區 [複製鏈接]

12 3 4 5...6

Idalam1

大宅

積分: 1659

1^#

發表於 09-8-28 10:12 |顯示全部帖子

Hi, 我係下幼D班既凱晴家長,你好!

私人傳訊

Idalam1

大宅

積分: 1659

2^#

發表於 09-8-28 10:14 |顯示全部帖子

你囝囝讀邊一班呢?Nice to meet you!!

另外，我都出席過家長日，同見過班內學生，比我感覺又唔多覺有大６學生喎！

私人傳訊

Idalam1

大宅

積分: 1659

3^#

發表於 09-8-28 14:42 |顯示全部帖子

原帖由 ilovebabybaby 於 09-8-28 12:59 發表
唔好意思, 我打算幫仔仔報呢間學校~

請問interview既形式係點?
問咩問題?

私人傳訊

Idalam1

大宅

積分: 1659

4^#

發表於 09-8-28 14:56 |顯示全部帖子

原帖由 Idalam1 於 09-8-28 14:42 發表

索取報名表格後，會給你一份家長問卷回家作答（問卷也是會計分的）。而面試當日，首先會隨著小朋友玩玩具時問小朋友一些簡單問題，最好教定小朋友的基本禮貌，唔該、多謝是必要的，然後就到家長，類似討論形式，我記得當天問過家長三條問題：
(1) 對學校的觀感
(2) 學校教學理念
(3) 對三歲定八十認同嗎?

要家長發表意見，當然最好舉手發表己見，如果唔答，又會扣分，或會要求你給予意見，當天因老公返工關係，所以只有我一人帶小朋友去面試（聽說父母兩人參與會增加印象分數），好彩，都成功投考入呂明才！希望幫到你啦！

私人傳訊

Idalam1

大宅

積分: 1659

5^#

發表於 09-8-28 14:59 |顯示全部帖子

可能老師會當場叫你比ｄ意見作答，但我相信果唔答問題一定會扣好多分！

原帖由 ilovebabybaby 於 09-8-28 14:45 發表

thanks~

我想問, 如果喺問家長問題嗰part, 家長冇答到老師既問題, 係咪多數fail?

私人傳訊

Idalam1

大宅

積分: 1659

6^#

發表於 09-8-28 15:55 |顯示全部帖子

一定難入過下午好多，其實我都好後悔，當初填報名表時，有一處需家長填上會選擇：上午／下午／上下午皆可，本身只想入上午班，但怕填表時只讀上午班，好像會給學校印象不大好（沒上午班就不讀下午班？），於是我就填上了上下午皆可，最後結果派出來真的是下午班，初初我都覺得上午可能難入關係吧，但之後見到好多細過我個囡的小朋友，不大懂事的小朋友，全部都入到上午班，之後我問那些小朋友的家長，填表時是填上什麼，原來全部都只填上上午班，我知道後真的後悔了！

不過，當然要看你是否真的只想考入這間幼稚園，如是，當然填上上下午皆可啦！

原帖由 happyvv 於 09-8-28 15:40 發表
係咪上午好難入?

私人傳訊

Idalam1

大宅

積分: 1659

7^#

發表於 09-8-28 16:28 |顯示全部帖子

我當時都係填首選上午,之後選埋"如上午額滿,會否讀下午班",結果就係入了下午了。當然只填上午,如派不到的話,佢地唔會再作通知,因為始終都有很多學生都願意返下午班!

原帖由 ilovebabybaby 於 09-8-28 16:18 發表

咁....淨係填上午, 如果派唔到上午, 學校會唔會問我下午會否考慮, 定直情話我interview failed?

還是我可以填, 首選上午, 次選上午/下午皆可 ???

私人傳訊

Idalam1

大宅

積分: 1659

8^#

發表於 09-8-28 23:49 |顯示全部帖子

卓然爸爸你好!我都非常同意你既講法,其實那份問卷我都相信係佔幾高分數,填寫時真係好似作文咁,有咁好寫咁好,真係唔可以馬虎,仲要寫得好長篇同好詳細,要令到學校感覺你的熱誠!

我都係一樣,我好buy呢間學校,而我先生就麻麻地,本來是呢間學校同神x會都入到,最後深思熟慮後都係選擇呢間,開學到現在比我的感覺都好好,但就壓力真係對我黎講好似大左好多,每日放工後回來都會即刻檢查她的通知套,問下佢今日上堂的事情,呢個星期又要記緊佢的返學放學時間同埋每日穿著的校服服飾,真係幾有壓力,因為唔想自己的失誤而影響到小朋友,好似仲慘過以前讀書咁,但一切都係希望個囡在校內有一個快樂的幼稚園生活!希望能夠繼續與你聯繫,互相幫忙啦!

私人傳訊

Idalam1

大宅

積分: 1659

9^#

發表於 09-8-31 13:34 |顯示全部帖子

唔使客氣! 咁聽你講,老師們真係好細心喎!不過,當然最緊要係小朋友無事喇! 係呀,咁就過左一個禮拜,今日開始就好d喇,每日放學既時間都係四點正,唔使再驚會亂,係呢?卓然佢幾多月出世呢?可能我個囡係二月出世,屬於大b,同埋兩歲已經開始比佢返playgroud班,都返左年半,所以比較大個d,不過唔緊要架,卓然會好快適應到架喇,小朋友返學覺得開心,就好容易適應架喇! 呢個星期五就有小朋友最鍾意既生日會,到時佢地一定好開心,係呢?卓然茶點堂有無帶回食剩的茶點回家?我個囡就有,佢話老師叫佢留番d返屋企食,唔知真定假呢,哈哈!

原帖由 marvinliu 於 09-8-31 09:08 發表
好多謝你既support. Idalam1.. 第一個week 無驚無險又唔洗做功課.. 都好開心..

不過我覺得老師真係好細心.. 同好好.. 話說星期五我個仔係學校可能太曬..曬到37.5度. 佢地就立即打電話比我.. 叫我工人接佢反屋企. ...

私人傳訊

Idalam1

大宅

積分: 1659

10^#

發表於 09-8-31 13:45 |顯示全部帖子

如果你想知道,可以打呢個電話:9352 3525搵劉叔問下價錢,佢係揸呢條線既校巴,希望幫到你啦!

http://fbclmckg.school.hk/system/tool/webpage/index.php?charset=big5&netroom_id=1&tool_id=102&channel=campus&tool_admin=0

原帖由 happyvv 於 09-8-31 12:09 發表
請問你地有無搭校車呀?如果在帝庭軒唔知要幾錢一個月呢?

私人傳訊

Idalam1

大宅

積分: 1659

11^#

發表於 09-9-1 12:02 |顯示全部帖子

係呀，無錯呀，星期五生日會著便服就得架喇，不過記住帶生日袋喎。

卓然爸爸唔使擔心既，可能卓然現在比較細粒ｄ者，遲ｄ做多ｄ同佢做番ｄ對增高有幫助既運動，都有幫助既！

係呢？噙日返學你有無幫佢執書本返學？我就無喇（因我見之前通告話１４號開始先要帶嘛），個囡返到黎同我講話我唔記得幫佢帶書本，佢話好多同學仔都有帶，而佢就無，但又睇到佢噙日既通告話下星期一（７號）先開始帶書本，真係芧盾！今日開始返學要帶定衫褲同襪仔放入書包喎，直至１０月尾，你有無帶！

噙日放假可以帶個囡返學，我以為茶點堂會有幾塊餅比佢，我就同個囡講，可唔可以留番一塊比我食呀（諗住只係試下佢既反應），點知佢話可以，之後放學回家睇下個食物盒，真係有一塊餅留比我，佢話特登留比我，應承左我嘛，哈哈，我好開心，但之後發覺佢話原來每人只得兩塊餅，我就有ｄ唔好意思喇，得兩份而我佔了佢一半，下次唔會再叫佢留比我lu，我問佢老師有無問點解唔食埋而帶返屋企，佢話老師唔會問架，帶唔帶返屋企都唔緊要架咁答我，哈哈，真老積！

原帖由 marvinliu 於 09-8-31 23:34 發表
卓然有帶野食返屋企架... 不過我未返到已經食晒lu...
我個仔比你大tim. 佢1月架.. 不過好細粒.. 佢係最底個條線... 好擔心架.. 睇左政府醫生又話係咁生長..唔好有咩方法.. 聽一d講座. 就話四歲可以打針. 不過我又驚 ...

私人傳訊

Idalam1

大宅

積分: 1659

12^#

發表於 09-9-2 11:43 |顯示全部帖子

唔知你之前有無比卓然讀d playgroup班呢，自兩歲開始，我就比個囡參加playgroup班，之後都有參加繒畫班、普通話班同EQ班，每個星期都係上一堂，每次一個鐘至個半鐘，幾好架，一來可以比佢較早適應群體生活，二來可以培養下佢既興趣，三來又有老師跟進佢既進度，我都覺得小朋友係聽老師教多過聽家長教，而且在這段時間裡，仲幫我個囡戒掉啜手指同飲奶樽的惡習，真係好開心！可能這樣既緣故，個囡比教容易投入校園生活，講說話方面都好順暢，仲可以講Ｄ故仔比你聽架！

係喎，佢話噙日上堂老師教左佢地唱左首歌，歌詞大概係：來來來上學去　玩遊戲　學唱歌．．．．．．返到屋企仲要教我叫我跟住佢唱o忝，但唱唱下，佢話唔記得左之後既歌詞，比佢激死！

依定就無返playgroup班喇，不過就岩岩幫佢報讀左繒畫班，逢星期五晚八時上課，九時半放學，雖然係夜ｄ，但無辦法喇，暫時又唔想佢星期六日上堂，學住先啦，本應想比佢玩下現代舞，但導師話佢暫時仲係細，未有班上，只有芭蕾舞學，但我又唔想佢學芭蕾舞，所以遲ｄ先算，但就有諗過到四歲就比佢學鋼琴，再大d就學phonics & 銖心算,對學習有幫助嘛，不過最緊要係問下個囡係唔係真係想學先，如果唔想學而迫佢學，只會浪費時間＆金錢！

我本身都唔係一個好稱職既媽咪，因為我要返工，返朝九晚五點半，不過都係o係粉嶺返工，都好近，依家每日放工後咪睇下佢通告套、手冊等，食完飯就同佢玩下玩具同電腦等，傾下佢今日在校內發生過ｄ咩事，咁就一日lu，放假就帶佢去玩，有時游下水，行下街，都有帶佢去圖書館既，圖書館都幾好架，可以比佢自己揀下書，同佢講下故事，都係一個好好既親子方法！

原帖由 marvinliu 於 09-9-1 22:49 發表
哇~~你個囡囡好叻呀...識得同你溝通...真係好叻..卓然連自己做過咩都未識講晒...講d唔講d. 有d真. 又有d自己作既.. 唉.. 好擔心同d同學差好遠.. 上次第一日返學. 個d同學有d識得跟歌唱. 做動作. 佢就得個睇字.. 之後 ...

私人傳訊

Idalam1

大宅

積分: 1659

13^#

發表於 09-9-3 14:39 |顯示全部帖子

都唔係呀，你安排個仔ｄ時間都好有規律呀，我就無咁好喇，朝早起身（八至九點），飲杯奶，佢自己就同自己玩，一係就睇電視or自己開ｄｖｄ睇or一係就自己開電腦玩or玩玩具，因為我返工關係，安排唔到好的時間比佢，個囡就由我媽咪照顧，到十一點半左右就去食lunch，放學後，就食下茶點，又係佢自己的時間，到七點幾就食dinner，之後咪陪佢玩下玩具，角式扮演下，例如同佢玩煮飯仔，佢就老闆，我做客人，問下佢有咩野好食？叫佢介紹下？佢就會自己發揮架喇，咁樣幾好架，比佢有創意嘛，有時佢又會好似烹飪主持咁教我煮野食，有咩材料介紹，有時佢會扮下老師教我學野，有時就會揍ｂｂ，有時會扮下醫生幫我醫病，最好笑係幫我睇完病後比診金比佢，佢同我講話：下次多ｄo黎幫襯，真係笑死我！有時就同佢一齊填顏色，唱下歌咁囉！

係呢，成日都唔記得問你，卓然佢係邊一組別呢？我個囡就月亮組，唔知會唔會同一組呢？你住粉嶺邊一處？我就住粉嶺中心，如果住得近都可以比佢地多ｄ一齊玩下，係咪？

聽日就開生日會喇（記住帶生日袋、水壺、毛巾同口罩，唔使帶食物盒），一提起個囡就好開心，每日就問我聽日食咩茶點，叫我睇下張通告，比佢激死，我呢個囡就好老積，思想就大過人，之前playgroup班d老師都話佢思想比同齡大一兩年，都有好有唔好既地方，好似噙日佢同我講，佢話約左三個同學仔（兩個男仔，一個女仔）黎我屋企樓下游水（雖然我知道唔係真實，只係佢同佢ｄ同學閒聊），真係比佢笑死，我話唔可以咁快約人地玩架，佢就話：我約實左架喇，唔可以改，仲好似有ｄ嬲我話佢忝，我問佢，係學校上堂可以傾計咩？佢就話：好多時候都無傾，但有時就可以傾小小，唔緊要架咁答我，希望第時唔好比老師投訴啦！

今日睇下佢返學學過ｄ咩，就話番比你知啦！

原帖由 marvinliu 於 09-9-3 09:56 發表
哈哈.. 我睇完你個post. 我即刻去問個仔唱左咩歌呀.
來來來...上學去就唱左兩句.. 之後就笑lor
佢細個歲半返過playgroup 既. 不過就無你咁多啦...
d老師因為太多人. 唔可以咁照顧到我小朋友.. 無你跟得咁好.
學野到 ...

私人傳訊

Idalam1

大宅

積分: 1659

14^#

發表於 09-9-4 14:34 |顯示全部帖子

我個囡未識游水架，只係鍾意去游水，每次都要成身裝備去架，帶水泡同手衬囉，只係唔係咁驚水咋！

其實睇卓然既情況，比佢參與多ｄ群體活動，好似依家每星期都返五日學，我諗遲ｄ佢一定有進步既，你不要太過擔心！

係呢？學校派左d通告，有關購買教材o既o野，係唔係必須要買呢？如果買，你會選擇邊幾種呢？下星期三會唔會到學校買？我都唔知道應該係點，想請教下你o既意見先再作決定！

噙日放工一返到屋企，門都未關，個囡就同我講：聽日係星期五，係生日會，要帶生日袋，唔使著校服，男仔要著褲，女仔要著裙，雖然唔係佢生日，但都有生日蛋糕食架！我話點解你識髭日係星期五呢？佢話老師教喎，跟住就叫我攞個生日袋幫佢執定行李，我話：你估去旅去咩，執行李咁嚴重，哈哈，比佢笑死！本學校手冊都幾有用呀，都講得幾詳細，起碼真係可以令到家長知道小朋友在校內學左ｄ咩，又可以同佢練習下！

其實個囡睇既DVD無咩特別系列架，有d係Barney、Dora、有d係中英文兒歌、卡通片如叮噹、加菲猫同波兒等，有幾隻就係美語世界同English Time送既Sample，我都無規定佢睇邊隻，通常都係佢自己揀黎入碟睇咋！

除左你之外，都無識到其他家長呀，咁卓然返學咪要撘校車囉？遲ｄ約埋出黎比ｄ小朋友一齊玩下啦！

原帖由 marvinliu 於 09-9-4 00:40 發表
咁你d schedule又真係同我個仔差唔多wor. 呢d一定係天份. 我可以做既就係等佢長大啦.. 你個囡就老積d..(其實我唔係好覺) 我個仔就細路or天真..本來都好好地咁有進步. 不過自從細仔出左細.. 佢就學呀細仔d野.. 細仔唔 ...

私人傳訊

Idalam1

大宅

積分: 1659

15^#

發表於 09-9-11 10:36 |顯示全部帖子

都有學左唱"笑呵呵",英文由Ms. Jenny教佢地讀A Ar Apple發音咁讀，普通話都有教左幾組詞語，如老師、早安、午安、小朋友等等，不過都係由個囡講番，唔知岩唔岩，不過首笑呵呵就一定教左，因為佢返黎教左我唱！另外，噙日茶點食通心粉，凱晴話卓然好鍾意食，添左２次，話佢好叻仔喎！唔知你有無問到卓然依家係唔係掉左同我個囡同一組（月亮）呢？

原帖由 marvinliu 於 09-9-11 00:08 發表
洛洛驚Miss Jenny?? 係唔係因為金色頭髮呀? 咁要帶佢見多d人啦. 去下愉景灣啦...

請問今個星期有無咩特別野學左呀? 有既講我知啦... thanks

私人傳訊

Idalam1

大宅

積分: 1659

16^#

發表於 09-9-29 20:24 |顯示全部帖子

無錯呀,我個囡都話今日ms. jenny病左無返到學呀,由ms. cheung代教呀!

私人傳訊

Idalam1

大宅

積分: 1659

17^#

發表於 09-10-6 21:19 |顯示全部帖子

係呀,知道呀,凱晴都有成日講祈禱內容比我聽呀,每次聽到都不其然覺得佢大個左好多,而且真係好得意,咁細個小朋友就識得背祈禱文,好似今日茶點堂食提子,而內容大至就係講:親愛天父,多謝你賜比我地有提子食,有清水飲,求主見證,奉主耶穌基督名求,阿們! 跟住就會講:各位小朋友請食茶點,各位老師請食茶點,唔該老師,唔該姨姨! 之後就可以食喇!