晴B媽講得無錯，電磁爐煲水真係好快，比煤氣爐快好多好多，至於電磁爐好定煤氣爐好，就好視乎你鐘唔鐘意煮野食同煮乜野食多。我發覺電磁爐只合適煮或煲一些液態的野，比如煲水，煲湯，六個麵，真係無得頂，好快，但煮菜甚至炒野，每次我都想搵個錘仔出黎打爛佢，雖然個鑊燒已經到好熱，但食物一落鑊，要等好耐個鑊先熱番 dd，所以炒野真係好煩。另外，煮具都係一個問題，如果你好似我咁，鐘意用中式炒鑊，咁電磁爐就差 d la，因為用的煮具係平底，所以就要一隻手扶住隻鑊，一隻手炒，真係好煩，試過一次整生炒臘味飯，係鑊底平面的野就快燶，但其餘周圍的就熱都唔熱；唯一一讚的就係清潔真係好容易，好幹淨。
發表於 
返回列表
