吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我99叫我將bb比左冇得生既大嫂

婆媳關係今日: 4|主題: 27701

收藏本版

發帖

返回列表

跳至頁

查看: 30732 | 回覆: 6

我99叫我將bb比左冇得生既大嫂 [複製鏈接]

princessash

大宅

積分: 1529

1^#

發表於 09-4-27 13:53 |顯示全部帖子 |倒序瀏覽 |打印

原本因為我今胎陀仔, 我99對我勁好.....咁你對我好時,我又會對你好囉. 唔知係咪好過頭, last week佢打比C6, 話我大嫂 check 左有早期子宮頸癌. 我C6當然好難過, 跟住我99就話:

99: 你大嫂想去私家醫院做手術, 要八萬蚊. 你大佬冇錢, 你兩公婆不如幫佢比啦.
C6: [O嘴] 我之前成日叫大佬大嫂買保險, 乜冇買到咩?
99: 你而家仲講X呢d廢話做乜X野, 你比唔比Y?
C6: 忽然間去邊到搵八萬蚊比你?
99: 你老婆都去私家醫院生啦, 咁你即係預左筆錢, 咁啦叫你老婆今次去政府醫院生, 筆錢就比左你大嫂用啦.
C6: [超O嘴, 但知道再講都 sai 氣, 所以應承左比錢]

然後經典喇~
99: 仲有, 我同你大佬大嫂商量過, 咁你大嫂以後都冇得生 (佢冇生過bb), 我地既諗法係, 你老婆仲後生, 不如你地今次個bb比左你大佬大嫂, 你地再生過囉. 橫惦個bb都係姓X.

今次我C6終於發火, 鬧到佢呀媽死死下, 然後cut線

0 0 0

私人傳訊

princessash

大宅

積分: 1529

2^#

發表於 09-4-27 17:33 |顯示全部帖子

嘻嘻....各位唔使咁 dun 我唔低喎....我又冇太嬲99講d野, 我當佢 short 左之嘛, 我仲氹C6添 (C6就真係慶喇), 我話咁咪好囉, 以後你唔使再做我同99既磨心, 而家我當 officially 同99一家返左面, 唔使再見! 不知幾好!

至於嗰d醫藥費, 我同C6計過只係比到3萬...當係心意又好咩都好....C6話會同佢地講清楚呢次係最後一次比錢 (我大嫂係C+做人工受孕每次幾千蚊都係叫我地比錢, 仲未計其他屈我地d數).

C6話我做野咁大壓力攪到身體咁差 (i.e. 今次見紅流啡), 都冇人諗過要幫我補下, 遲d生完又唔知仲有冇得做, 我地真係唔可以唔幫返自己, 所以話之佢地班痴線友lu~

私人傳訊

princessash

大宅

積分: 1529

3^#

發表於 09-4-27 22:26 |顯示全部帖子

因為我而家26週成日流啡, 所以我唔嬲得呀......同埋我C6講返比我聽嗰陣, 我真係笑左出黎, 問我C6乜隻99顛得咁盡? 諗得出呢d野又幾勁噃.....

其實我同C6死慳死底先可以喺C+生, 因為我身體麻麻, 我C6想我生得舒服d; 估唔到d人咁都唔底得.......

但係始終我C6好重視手足情, 咁佢應承係最後一次比錢大伯大嫂, 我都無胃同佢嘈傷感情啦, 而家咪諗住再慳d囉, 我地咁後生, 崖到既.......

不過要澄清:
1) 大伯大嫂一直係要我地"比"錢, 唔係"借", 佢地冇話過會還噃....呢幾年我地大大話話都比左佢地3,4萬喇.......

2) 我大嫂係標標準準香港人, 冇做野, 日日陪我99打麻將, 又會幫我99洗碗, 我99先咁錫佢....我要返工所以冇咁好服侍, 我亦冇咁既心機理佢啦, 得閒瞓下覺好過啦

原帖由 ballchi 於 09-4-27 18:32 發表
樓主：睇到你篇文字裏行間.可以話係零憤怒.你好厲害啊!

[ 本帖最後由 princessash 於 09-4-27 22:29 編輯 ]

私人傳訊

princessash

大宅

積分: 1529

4^#

發表於 09-4-29 12:02 |顯示全部帖子

我已經叫左C6唔好去醫院喇, 講真而家隻豬流感咁勁, 都無謂去啦.....

至於筆錢, 我C6已經同左99講, 我99當然有發癲啦, 用盡所有粗口鬧C6......結果隻大嫂喊晒騙99, 話問左政府醫院, 排期做手術要等半年, 到時一定變末期, 咁我99又信, 咪鬧爆我C6冇人性囉.....其實我地當然唔信要等半年啦, 不過同呢班人嘈都冇意思

結果我C6企硬 (講真亦冇咁多錢比), 我99咪幫大嫂比埋囉, 話唔會睇住佢死.....但係就係咁叫我C6快d去死啦....親人都唔幫.....[下刪3千句粗口]. 好彩我冇上去, 如果唔係我實嬲到早產.......

個BB既問題我C6只係同大嫂講, 唔好諗埋d無謂野, 佢再講呢個topic 我C6就將個 bb 跟我姓, 如果佢想搶, 我C6就報警拉佢. 然後我C6就轉身走, 冇再留低聽另外嗰3千句粗口.....

其實我預左第時冇可能完全擺脫呢班人, 不過都只可以見步行步啦......

私人傳訊

princessash

大宅

積分: 1529

5^#

發表於 09-5-4 17:15 |顯示全部帖子

好多謝大家既支持. 我呢排身體已經好返好多, 可以返到工添. 冇見99一家幾個禮拜真係覺得耳根清淨好多...

其實我當然唔捨得d錢 (記住 99每次都係叫我地比, 唔係借), 以前都同C6嘈到好勁, 因為:
1) 99有兩間屋, 一間比左我大伯大嫂住, 唔使交租; 而我同C6仲租緊樓住, 儲緊首期;
2) 年頭我大伯自己爆響口, 話輸股票輸左幾萬蚊; 如果佢真係咁窮, 又會有錢買股票?
3) 我大嫂其實都係 Form 5 畢業, 以前都有人請佢做文員, 不過佢做兩做就辭職話人地 “hub” 佢, 佢又驚太大壓力搞到冇得生, 咁我99聽到 “冇得生” 就買佢怕, 唔使佢做之餘仲每個月比$5000蚊零用錢佢洗, 轉頭就叫我C6加家用...呢件事又係大嫂自己後未爆響口我地先知.

我99一直覺得當年供左我C6出國讀書, 咁C6即係有能力又有責任照顧屋企; 而我99雖然都知係大伯自己讀唔成書, 但係咁就更加覺得C6要照顧大伯...又覺得大伯無兒無女好可憐…..

我以前都好嬲, 但係見到呢幾年C6好大壓力, 多左好多白頭髮, 夜晚又瞓得唔好, 我覺得真係唔可以再同佢嘈, 一定要支持佢…..講真唔通叫佢同屋企斷絕關係咩? 我d EQ 係迫返黎既...

至於搶bb, 我又覺得99佢地唔敢喎...我有請工人, 已經同工人講左唔可以比任何人帶bb 同我大女出街...有咩事我真係報警架...

[ 本帖最後由 princessash 於 09-5-4 22:41 編輯 ]

私人傳訊