吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 再續...奇怪經歷之7月14

自由講場今日: 3625|主題: 1304025

收藏本版

發帖

返回列表

跳至頁

樓主: eva1320

再續...奇怪經歷之7月14 [複製鏈接]

bb-bu-bu

洋房

積分: 512

1^#

發表於 07-8-31 23:13 |顯示全部帖子

原文章由咕b 於 07-8-31 21:01 發表
......有時日有所思, 都會有影響架, 平常心啦, 唔好諗太多

咕b,

我非常信呢d野, 因為發生係我周圍太多太多, 見到呢個post同上個post我睇左幾日先睇晒, 好多野有同感, 你話冇心願未了, 走時會有親人帶領佢走, 我爸爸走時我個妹見到亞爺同亞叔, 重有姨丈都來左帶佢走, 佢重向住我地方向拜拜, 之後好多時上亞媽屋企, 佢地又見到佢, 我見唔到, 但我感覺到佢企我側面, 因為我聞到佢陣油味, 係體味加白花油味, 好真好真!:-(

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

2^#

發表於 07-9-1 16:26 |顯示全部帖子

咕b,

我最近買左間屋, 上手業主係有祖先同門口土地, 個門口土地個香爐佢冇攞走, 咁我入伙前係唔係就咁可以攞走呢? 同我第時駛唔駛安返個地主呢?

有d地主就真係阻止到"朋友"入屋, 好似我奶奶屋企, 我就感覺唔到d咩啦!但係係我屋企呢, 個女星期五同星期六先會喺度瞓, 每次瞓到三點幾就會喊, 昨晚都係, 想問吓係唔係我老豆返嚟睇佢地呢?因為我老豆係三點幾仙遊!

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

3^#

發表於 07-9-2 08:41 |顯示全部帖子

咕b,

你知唔知人死後係唔係可自由落返人間? 好多時上我媽屋企我家姐都見到或者聞到老豆, 以前我家姐咩都見唔到, 自從老豆走左佢就成日feel 到啦, 係唔係親人關係呢?

我個妹以前間中都見到d唔識嘅"朋友", 有次去泰國有個僧人自動比左條手繩就封左佢眼, 直至條手繩幾年後斷左, 佢就又開始睇返, 不過就只係相識嘅先見到, 有時甚至聽到可以傳話, 佢就係見到老豆搵衫袋搵左封利是, 話要比亞媽, 就真係喺佢件背心裹有封利是, 我地都呆左!

同埋要幾耐先可以投胎, 我亞爺七幾年仙遊, 上年老豆走時佢都落左嚟接佢走, 重未投胎???

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

4^#

發表於 07-9-3 09:23 |顯示全部帖子

咕b,

又想問吓拜四角係咩用意呢? 拜左係唔係只係通知佢我地遲d會係度住呢? 因為我以前住過d屋好多時都feel 到有d野, 我未結婚住屯門某屋宛, 屋企隻狗成日向住個廚房吠, 心知不妙, 直至個妹個friend又係見到, 佢問你亞媽係唔係喺廚房, 就知咩事, 當日亞媽出左街, 果間屋重有地主tim, 係唔係[佢地]重住先過我地, 所以請唔走呢??

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

5^#

發表於 07-9-3 14:11 |顯示全部帖子

咕b,

又有野想問

, 唔好意思, 我都當左你係偶像, 日日都要入來朝拜

我爸爸舊年癌症復發, 入到骨行唔到, 喺醫院住左一個月, 醫生都話冇野可以做, 叫我地帶佢返屋企養病(其實個醫生冇講出口, 而家睇返, 只係等c), 咁喺屋企佢精神一日差過一日, 卒之第五日就惡化要返醫院, 果晚就去左啦, 其實早一晚我地叫晒d屋企人同佢d孫返去同佢食飯, 佢話住醫院太耐, 好想見d孫, 我個女當時只有四個月大, 我抱佢埋去佢側面個女喊得好大好大聲, 想問吓bb係唔係feel到d咩? 同埋人臨死前係唔係好多牛鬼蛇神出現, 所以個女喊得咁勁呢?

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

6^#

發表於 07-9-5 09:30 |顯示全部帖子

原文章由 wng7666 於 07-9-4 14:07 發表
我諗d 牛頭馬面吾會早成10幾20個鐘等佢掛, 咕b你話呢???-(

我估就唔係牛頭馬面, 可能係好多[朋友親戚]姐, 因為唔止我個女不停喊, 我個三歲仔同個兩歲半嘅表弟都好不安, 一個唔肯入房, 一個喊走, 但係到我真係走時, 剛出門口, 個女即刻收聲, 去到電梯度重瞓著左!

同埋我估狗死左重喺間屋, 因為我亞爸走之前佢話見到以前喺呢間屋病死果隻狗出現!!

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

7^#

發表於 07-9-5 13:55 |顯示全部帖子

原文章由咕b 於 07-9-5 13:29 發表
咁呢樣又真係唔知, 可能中國人比較傳統, 會燒嘢比先人, 咁佢哋先人咪會物質豐富d, 但係之前都有提過, 大多數 "朋友仔" 其實已經係有衫著 (著住死時嗰套), 其實亦都冇咩物品會缺
睇吓係咩廟, 唔係間間廟都有咁多 "朋 ...

係唔係真係著住死時嗰套衫呢? 我亞爸喺醫院走, 好應該係穿醫院衫, 但係第二日我個妹見佢時, 已經係便服, 同埋係骨灰堂見佢就穿著西裝, 有冇人知呢?

我果d亞伯喺老豆走左第二日已上來ee俄俄, 話知到佢就來唔得就應該比定壽衣佢地著喎, 痴膠花!!

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

8^#

發表於 07-9-6 13:57 |顯示全部帖子

咕b,

又想問吓, 你話如果間屋長時間掉空, 好容易有[過客], 咁其實好多新樓起好都掉空好耐, 咁重須過舊樓?

你去到人地屋企見到, 係唔係扮見唔到呢?

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

9^#

發表於 07-9-7 09:15 |顯示全部帖子

原文章由咕b 於 07-9-6 16:33 發表
某程度上, 可以咁講, 新樓冇人住, 唔似舊樓有人氣, 但如果舊樓丟空得耐, 人氣都會冇咗
睇吓個屋主我熟唔熟啦, 如果唔太熟, 我通常都唔會講

所以我以前簡樓, 都喜歡簡果d有人住緊, 可以望吓佢個樣, 如果冇人住我會形住佢為咩走呢?? 尤其果d一,兩年新樓又裝修得好靚, 洗左咁多錢一住就搬走, 我都會有介心!

話說七年前想搬去天水x個大型屋宛, 個 fd 個 fd 做地產, 帶我地睇吓d方位, 因為個屋宛勁大, 睇睇吓個地產話有一個勁平, 間屋吉左, 我第一個入去, 一入到去只見三個福錄壽, 我個頭開始痛, 再行入d開始見到d符, 5"x12"左右一張, 廳又有, 房又有, 入去廁所望到門上都有, 我已經大步行返去門口喊走, 我奶奶佢地重掛住睇, 個頭又重又暈, 出左去即刻走, 重去大排擋多人地方食野, 個頭先唔痛, 其實個業主好人, 如果佢掉晒d符以咁低價錢轉頭已經賣左啦!
(當年一個七百幾呎單位叫價二百萬, 佢個單位百六萬)

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

10^#

發表於 07-9-7 13:46 |顯示全部帖子

當年未有bb, 如果有左我唔會搬屋, 我都迷信(寧可信其有心理), d人話有胎神, 有左我唔會郁張床同個爐頭, 所以更加唔會比人上來睇樓同出去買樓!!

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

11^#

發表於 07-9-11 09:33 |顯示全部帖子

原文章由咕b 於 07-9-10 17:23 發表
佢驚架....但冇辦法, 唔通唔返屋企咩

其實19:30 都好早姐, 見到咩都咋睇唔到就得, 唔知你地有冇試過眼尾見到有野閃過, 我通常唔去探究, 咋睇唔到就算啦!

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

12^#

發表於 07-9-11 13:29 |顯示全部帖子

原文章由 choleliu 於 07-9-11 13:13 發表

唔該呀...一陣我又要好似煲劇咁煲，哈哈~~~

我未睇02呀...睇返前面既野先，之後先再睇02。不過會好驚，沉晚急尿尿都唔敢去~~~ops:" />

有時睇完之後真係尿尿都唔敢去!

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

13^#

發表於 07-9-11 14:01 |顯示全部帖子

四叔早兩年仙遊, 到左回魂夜個師傅話十一時四叔會返來, 堂家姐同堂姐夫食左飯後上左香就走左, 留低堂妹同四嬸, 佢地放好晒d野, 急急上床孖舖, 到左十一點, 其實邊度瞓得著, 佢話試過叫自己瞓, 但都瞓唔到, 就係呢個時候, 聽到有人開鐵閘聲, d聲音好輕, 跟住聽到有兩吓打火機聲, 個人迷迷糊糊, 好似有人同佢講野, 咁就瞓著左, 隔左一陣, 佢亞媽推醒佢, 望吓個鐘半夜兩點, 出面好似冇晒聲, 佢地住公屋, 冇房, 只有屏風隔住, 咁即刻出去睇, 四叔真係返過來, 佢地好記得將d煙仔整齊一支支咁排好, 而家上下郁過, 重有d餸整得好靚, 而家好似亂晒咁, 重有包煙裹有煙想拿出來咁, 出左三分一, d生果反而冇郁過, 重有對拖鞋本來好整齊, 而家一前一後, 間屋得佢兩母女, 佢地都相信回魂係真架!!

早幾個月有個男同事父親仙遊, 我話左呢件事比佢聽, 佢重駁我話大風, 我話佢地張枱唔近窗, 亦開好細, 真係有回魂, 叫佢亞媽整定d好食嘅野啦, 佢唔係幾信, 佢冇同佢亞媽住, 佢話佢家姐驚到c, 早早入房, 佢地天光先敢出來, 佢話佢地見到d餸跌晒落枱, 而家唔到佢唔信!

日夜做見爸爸剛好想呻卻霎眼看出他多了皺紋

私人傳訊

bb-bu-bu

洋房

積分: 512

14^#

發表於 07-9-12 14:02 |顯示全部帖子

講開回魂, 真係好想問, 信左基督教重有冇回魂呢?

父親大人走之前信左教, 本來我地好想好想燒d野比佢, 但係尊重佢決定, 就咩回魂儀式都無攪, 但係我個妹發夢見到佢問佢有冇回魂, 佢話有, 但佢又無叫我地燒野比佢, 我地成日都擔心佢無錢洗, 都唔知燒唔燒好, 不過姑姐話唔怕, 之前燒左好多錢比四叔, 佢一定會照顧佢嘅!

另外有冇人知, 佢臨走前入會, 上唔上到天堂呢? 真擔心