自由講場今日: 1240|主題: 1302773

收藏本版

發帖

返回列表

跳至頁

查看: 3584 | 回覆: 3

有無到依家都原諒唔到既屋企人... [複製鏈接]

muybien

珍珠宮

積分: 39036

陪月勳章

1^#

發表於 10-6-24 00:12 |顯示全部帖子 |倒序瀏覽 |打印

細個老豆打得好厲害... 做咩都唔岩佢心意... 例如一個人想關房門都比佢鬧, 係屋企檯面放低任何一樣野係檯面行開左就話無手尾.... 當想解釋自己會轉頭用的話, 佢都話你駁咀開始打.... 家姐係佔有欲比較強既可人(可能小朋友爭寵啦) , 比佢搶左野如果同老豆或者媽投訴的話, 都會被人叫唔好嘈同搞事....

我估大約由7歲開始, 愈大就覺得愈大精神壓力, 日日都唔開心, 覺得做人好辛苦.... 屋企3個女, 我做中間果個... 家姐因為大d, 識野多d, 由細到大老豆好鍾意佢, 咩都覺得佢最好... 呀媽最鍚細妹, 覺得係弱者, 生活上細節到今時今日都好照顧... 好記得老豆返工, 媽帶我地三個出街時, 左拖一個右拖一個.... 我永遠都係背後跟住行... 好似比人遺棄咁... 當時大約10歲左右... 個心覺得好想離開, 試過企係商場欄杆邊空隙想跳落去... 無跳到, 因為已經知道三層高死唔去.... 試過特登行出馬路比車撞... 唔成功, 好記得比個客貨van 司機鬧"死就行遠d...
我以前成日都懷疑自己係咪有精神病? 成日都想死... 就算一個人訓係床上面... 自己都會向天祈禱帶我走... 唔想再留係度....

好多年之後... 讀完書, 一畢業就同男朋友出黎租屋住... 好好彩, 依家做左我老公... 到依家差唔多大10年啦... 搵到自己幸福, 同父母關係都因為大家少見d 而改善左... 但係, 童年既經歷係一個傷口... 我好想自己可以忘記以前唔開心既事... 但一直都做唔到...

有無人都有差唔多經歷?

0 0 0

私人傳訊

muybien

珍珠宮

積分: 39036

陪月勳章

2^#

發表於 10-6-24 00:16 |顯示全部帖子

可能男仔無女仔咁計較多唔呎多人錫呢... 又或者係我太小氣?? 我都唔知.....

私人傳訊

muybien

珍珠宮

積分: 39036

陪月勳章

3^#

發表於 10-6-24 00:35 |顯示全部帖子

呢幾年, 老豆身體好差... 好多時都要我地幾姐妹幫手出入或者睇醫生.... 我都有幫手... 但每次我都好怕走得好近 (佢曾經係我訓覺時摸我, 以為我唔知) ... 知道自己心裹面仍然唔可以原諒佢.... 但見到佢老左身體差... 覺得自己到依家都唔原諒佢好似好唔岩.... 內心既掙扎, 我都唔知點講出黎....

私人傳訊