母乳餵哺今日: 0|主題: 85694

收藏本版

回覆發帖

返回列表

跳至頁

查看: 1971 | 回覆: 2

結束9個月既全泵奶媽生涯 [複製鏈接]

stefi

大宅

積分: 4114

叻叻勳章

1^#

發表於 09-8-6 18:54 |顯示全部帖子 |倒序瀏覽 |打印

今日係一個好矛盾好唔開心既日子, 因為今日就係我正式脫離人奶媽既日子~唔經唔覺就已經過左9個月, 呢9個月對我黎講真係好難忘, 因為我經歷同面對左好多唔同既問題, 有成功有失敗.

最初未生之前已經決定要餵人奶, 所以去聽左好多母乳講座, 汲取多d經驗, 諗住會成功啦, 點知囡囡早產, 要住1個月醫院, 令到我餵人奶既計劃打亂左.

呢一個月入面, 我每日山長水遠由觀塘去旺角睇佢3次, 每次都只係埋身俾佢試下食, 但係根本就冇真正食到, 之後又要俾番姑娘餵佢, 我只係o係屋企泵d人奶帶去俾佢食.

終於等到出院啦, 點知佢食慣左奶樽, 唔肯埋身食, 由呢一刻開始注定我從此要做全泵奶媽啦. 未返工之前每隔2-3個鐘就要泵一次, 因為驚自己唔泵得咁密就唔夠佢食, 所以泵奶就成為我每一日最主要既工作.

到左囡囡2個月大, 就黎放完產假要返工, 媽咪同先生都同我講不如唔好餵人奶, 因為見到我每日泵6次奶(0500, 0900, 1330, 1800, 2100, 0000), 驚我辛苦冇精神, 但係我唔甘心咁快放棄, 因為我曾經好有信心諗住可以餵到囡囡1歲, 為左囡囡既健康, 我又點可以咁容易放棄呢, 所以我繼續堅持.

因為我係一個窮奶媽, 奶量唔多, 根本唔夠囡囡做全人奶b, 所以我更加要泵多幾次, 諗住俾佢食得幾多得幾多, 少都好過冇. 但係一日要泵咁多次奶真係好辛苦, 每一次都係校好閙鐘, 捱住眼瞓咁泵, 每日都只係瞓得果5-6個鐘. 有時一個人坐o係度泵奶, 真係覺得好寂寞.

到左依家囡囡8個月大, 我每日返到屋企做既第一件事都仲係泵奶, 只係得婆婆同佢玩, 陪佢學習既時間得番好少, 呢個並唔係我想咁樣, 我希望可以見證到佢每一個唔同既階段, 所以我開始覺得真係要停啦.

自從有左直至到依家, 因為囡囡同埋要餵人奶, 我完全唔俾自己食魚生, 雪糕同汽水, 呢d全部都係我既至愛, 雖然係好大犧牲, 但係都冇辦法, 始終係囡囡健康最重要. 到左依家可以食番晒啦, 反而唔覺得開心同興奮.

今日係我做人奶媽9個月既日子, 亦都結束呢個任務既日子, 雖然係唔想咁早放棄, 但係為左囡囡, 我覺得呢個決定係岩既.

希望各人奶媽繼續努力, 為囝囝囡囡既健康努力~