自由講場

收藏本版
回覆 發帖
返回列表
跳至頁

首頁
1

尾頁
   18
imlcc


侯爵府

積分: 21446


1#
發表於 24-4-6 14:03 |顯示全部帖子
我為外家勞心勞力，事事打點，好多時連自己頭家都忽略埋，而我阿哥就長期喺國內，連佢頭家都喺國內，香港阿媽屋企當然少理，有啲乜事都係我負責，呢一兩年特別多事，我好吃力但都要事事親力親為，呢兩日阿哥難得返來，我特意預備咗啲工作佢做，點知佢老婆屋企有事，佢又要馬上坐飛機返去。 我同我阿媽呻咗幾句，話點解次次啲工作又落返到我身上，跟住俾我阿媽話我做人斤斤計較！話阿哥無得選擇喎。老實講真係好氣憤，我够無得選擇啦！佢哋知唔知我呢十年嚟係點過，真係心理同生埋都好難過，父母年紀大經常病，最高記錄一星期同我老豆入急症室三次，每次企五六個小時以上，都未計平時覆診同其他大小事務。連之前爸爸走咗， 喪禮都係我一個人負責搞，佢哋只係負責出席，做人真係好累，仲要俾人話我斤斤計較， 真係好委屈。
私人傳訊回覆 引用

imlcc


侯爵府

積分: 21446


2#
發表於 24-4-6 14:31 |顯示全部帖子
ggiee 發表於 24-4-6 14:24
請個工人
呀哥同你各一半錢

唔請得工人，以前請過，當時老父還在，需要高度照顧，我阿媽都成日投訴工人得閒，搞到我成日心情好差，同阿媽因為咁嘈交，依家只係照顧佢一個，我一定更加好多說話聽，聽佢講嘢好辛苦。
私人傳訊回覆 引用

imlcc


侯爵府

積分: 21446


3#
發表於 24-4-6 14:33 |顯示全部帖子
變成一首歌 發表於 24-4-6 14:28
你哥有冇俾錢你父母？
不過講真，有俾你媽都未必收，睇佢幾縱個仔。
仔一家得閒探吓佢，佢可以讚上天，女成 ...

辛苦你都好少講， 佢覺得我照顧佢係應份， 又話自己以前點照顧自己父母， 但其實佢好早就落咗嚟香港， 父母喺大陸由舅父照顧， 佢呢啲根本就係站著說話不腰痛。
私人傳訊回覆 引用

imlcc


侯爵府

積分: 21446


4#
發表於 24-4-6 14:42 |顯示全部帖子
變成一首歌 發表於 24-4-6 14:32
投訴由佢投訴，唔好理。
睇落你哥你媽縱出嚟，你媽你縱出嚟

我都打算咁樣，佢仲有幾樣嘢要做，見親面就講，佢唔係直接叫我做，係見一次講一次想焗我做，我依家同佢講唔得閒，等你個仔返香港叫佢做，不能再做黃大仙滿足佢啲不必要嘅願望。

私人傳訊回覆 引用

imlcc


侯爵府

積分: 21446


5#
發表於 24-4-6 14:46 |顯示全部帖子
fasola 發表於 24-4-6 14:42
如果無估錯, 你媽當年九成資助左好多俾你外公外婆, 甚至為錢銀同你爸嘈過.
所以佢覺得自己係好偉大.
...

估中一半半啦，咁以前嚟咗香港又的確資助咗啲錢俾大陸親人，但我老豆就一向無所謂，所有收入由我阿媽一人操控，亂咁用都無人敢話佢。
私人傳訊回覆 引用

imlcc


侯爵府

積分: 21446


6#
發表於 24-4-6 14:55 |顯示全部帖子
crazypaper 發表於 24-4-6 14:54
有能力就請工人照顧，間唔中去探吓佢就輕鬆啲，請工人既錢同呀哥一人一半
呀媽同工人鬧交都要請，無可能犧 ...

以前請過㗎喇， 但搞到家嘈屋閉， 因為我阿媽覺得工人冇嘢做喎。
私人傳訊回覆 引用

imlcc


侯爵府

積分: 21446


7#
發表於 24-4-6 14:55 |顯示全部帖子
kikiboy 發表於 24-4-6 14:55
你阿媽真係唔識講嘢話你斤斤計較

呢句嘢難聽過粗口， 少少安慰都冇。
私人傳訊回覆 引用

imlcc


侯爵府

積分: 21446


8#
發表於 24-4-6 15:11 |顯示全部帖子
我愛Corina 發表於 24-4-6 15:09
現實一句，將來家產點分？

我可以乜都唔要，但按自己能力去做。

做咗平安紙，樣樣平均分。
私人傳訊回覆 引用

imlcc


侯爵府

積分: 21446


9#
發表於 24-4-6 15:16 |顯示全部帖子
crazypaper 發表於 24-4-6 15:07
我覺得佢年紀越大，你越辛苦呀！到時你自己頭家都顧不上，唔值得，請工人初期，你都落力啲去幫吓手，等老心 ...

工人真係暫時唔可以請， 唔係錢嘅問題， 我成日陪佢覆診整呢樣整嗰樣請假嗰啲錢都夠我請工人了， 就係以前請過搞到日日嘈交， 我阿媽份人， 出面啲人會覺得佢係好好人， 但係喺屋企就另外一副嘴臉，mean爆，又愛投訴， 所以我諗除非佢行唔到， 又或者癡呆， 先至可以請工人， 如果唔係一定日日六國大封相。
私人傳訊回覆 引用

imlcc


侯爵府

積分: 21446


10#
發表於 24-4-6 15:35 |顯示全部帖子
alau2021 發表於 24-4-6 15:21
你都知你阿哥乜都唔理，仲要同你阿媽呻就真係好多餘，簡單啲講，你選擇要做嘅就唔好埋怨，一係就唔好做。

...

我都知自己犯賤㗎啦， 但都唔可以下下谷住谷住啩。 點解我呻就係我錯， 如果可以選擇的話我都想樣樣唔理， 到底係佢哋唔啱定係我錯？
私人傳訊回覆 引用

imlcc


侯爵府

積分: 21446


11#
發表於 24-4-6 15:55 |顯示全部帖子
cmcn 發表於 24-4-6 15:47
呢d老人家煩霸(我媽都係呢d人),吾比工人坐下或抖下,一定要工人不斷做,奴隸咩？！工人做嘢又話人慢手慢腳/ ...

我阿媽嗰次跌斷手， 原因就係佢驚工人打斧頭， 所以自己推架車仔去買餸， 結果喺街市嗰度仆親， 依家好返隻右手都唔靈活， 明明有工人又唔用， 但就日日話人偷懶，都唔知佢諗乜。所以佢一日唔改變自己對工人嘅態度，請工人俾佢只會自尋煩惱。 依家同佢一講起請工人， 佢就發曬癲係咁鬧， 仲話係為我哋慳錢喎。
私人傳訊回覆 引用

imlcc


侯爵府

積分: 21446


12#
發表於 24-4-6 16:39 |顯示全部帖子
野原美冴 發表於 24-4-6 16:35
無動力生存的意思是否想自殺?

如是去到要自殺的地步，你仲有選擇，就是放棄娘家保命。由得阿媽自理，不再 ...

我真係唔會自殺咁蠢，會痛架。 只係覺得如果嚟緊嘅日子都係咁，就冇乜生存意義， 如果知道有絕症都唔想去醫嗰種， 想快快脆脆完咗就算。
私人傳訊回覆 引用

imlcc


侯爵府

積分: 21446


13#
發表於 24-4-6 19:34 |顯示全部帖子
RAY媽 發表於 24-4-6 19:20
你結婚了嗎？

結咗。
私人傳訊回覆 引用

imlcc


侯爵府

積分: 21446


14#
發表於 24-4-6 21:19 |顯示全部帖子
RAY媽 發表於 24-4-6 20:50
丈夫兒女呢？

我女都中四喇， 我盡量都唔想將佢哋牽涉當中， 阿媽始終係我自己的。 以前唔開心諗住同老公呻下， 都冇諗過叫佢幫手， 點知佢聽都唔願聽， 所以我依家已經唔會再同佢講， 同朋友講，上網講， 有時甚至匿埋喺廁所自言自語鬧，反而可以抒發下鬱結， 同佢哋講，受到冷漠對待盞自己更加激氣。
私人傳訊回覆 引用

imlcc


侯爵府

積分: 21446


15#
發表於 24-4-6 21:45 |顯示全部帖子
sjnl43 發表於 24-4-6 21:42
回覆 imlcc 的帖子

玫瑰菊花個d 中醫個logic 蔬肝解屈有無用我唔知, 人人體質唔同

無呀，呢排係上網睇下熊貓， 睇下人拆盲袋， 自己買埋一份， 估唔到有啲幫助， 好似真係可以忘記少少唔開心嘢。
私人傳訊回覆 引用

imlcc


侯爵府

積分: 21446


16#
發表於 24-4-7 12:13 |顯示全部帖子
gallygally 發表於 24-4-7 11:27
如果由細到大都被愛錫, 應該唔會有呢個帖, 好多人唔開心好大原因可能係因為從小都不被愛錫, 什至被家人欺凌 ...

你幾乎講中曬，我係用一生去治癒童年嘅人，我細個嘅唔開心都係因為我阿媽， 日日家嘈屋閉又係因為佢， 三日唔埋兩日被打鬧又係因為佢， 青春期嗰陣憎到佢死， 長大咗先冇咁嬲佢， 咁佢始終係我阿媽， 有時都會對我好，可能就係呢啲一啖砂糖一啖屎搞到我唔能夠唔理佢。而且我屋企唔算重男輕女，我阿哥細個都有受呢啲對待，只係佢依家恃住山高皇帝遠乜都唔使理啫。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見