在職全職今日: 0|主題: 47933

收藏本版

發帖

返回列表

跳至頁

樓主: ppsfung

[在職媽媽] 有無人放BB係育嬰園又無申請津貼 ?

[複製鏈接]

yfchoy

大宅

積分: 3818

1^#

發表於 12-10-11 16:08 |顯示全部帖子

跟據我所聽所看的，入得育嬰園小朋友的家長很少攞綜援。試想想點樣拿得綜援，要低收入。既然拿得綜援冇事幹，通常都自己湊番啦！

說回正提，我都係全數支付育嬰園(四千幾，只包食唔包片)。小女都係育嬰園大(銅鑼灣慈善機構)，園內空氣流通，天台又有地方俾小朋友當操場/遊樂場玩。小女由我坐完月(一個多月)開始托到入k1(佢係細女，依當時規定，如果小朋友於9月1日仍未足兩歲可以留多一年。當時都有諗過出去讀N班但最後冇轉到，園方當見到小朋友到適合年齡便會教一些類似N班學既嘢，咁同返N班分別唔大，小朋友又開心啲。由於囡囡自小在園長大，佢一直當嬰園係佢第二個家。嬰園的好處，我想信這裡的jm已講了好多。與其被一啲唔專業既人湊自己bb，何不交給一些專業人士湊呢？佢哋有一系列的規矩，作息時間。一年見兩次家長，離開校園時(我好少會同人講佢返嬰園，我覺得佢似返學學習多啲)會收到小朋友在校園的生活記錄(由老師制作，有圖畫有文字)。好老實亦好彩的講一句，小女的應對、自理不算差(反而離開嬰園後，於脾氣和自理方面差咗)，相信很大部份因為嬰園老師教得好，我在家中繼續執行佢哋既規矩而得到的效果。在嬰園的兩年多生活裡，囡囡的發展亦比其他的好。

囡囡現讀k2，我用過工人姐姐、育嬰園和本地鐘點(最初和現在用緊)，我得出既經驗喺各有各的好與壞，作出決定前最好了解自己最需要的才選擇。放嬰園對小孩最好，但父母就好辛苦(以冇工人或老人家幫手)，我嗰時每天日曬雨淋，風雨不改朝八晚七接送囡囡返放學，最辛苦時期係小朋友剛行到一兩步但唔穩，好多時要抱住上落(環境開揚的代價喺每次喺該機構的大門口行到園的門口要10分鐘，由港鐵行去機構門口快都要10分鐘，每天兩次就已經過半小時(當然唔喺間間都要咁行法)。到小朋友病時要想辦法揾人睇住(有段時間囡囡病得好多，我就俾阿媽罵我點解湊到咁，搞到個囡既身體咁差，好心就請番工人啦。99都有叫請工人，但佢住得遠，我又少聯絡。嗰時講到好似我太硬頸，要個囡受苦咁)嗰時真喺好難頂，自己亦一齊病，病假多又比公司乍型，自己又暴輕(兩三個月內輕10磅，差啲要做檢查)。我哋冇放棄，換來的是現在囡囡總算機靈，亦很適應校園生活，就算喺細囡亦不會跟不上同班較大的小朋友。請姐姐無疑係自己舒服好多，有番私人時間，但很大機會小朋友會被寵壞。我囡囡就喺咁開始冇咁聽話(佢知道工人姐姐只是工人，雖然會錫佢，到現在姐姐走了半年仍然記得佢，會問吓佢狀況，但當時佢一樣蝦姐姐不敢惡佢)。到現在用鐘點姨姨，囡囡同佢哋熟咗都會蝦姨姨。很多人話我哋與其請兩個鐘點，不如請工人姐姐仲抵，但其實花費差不多。現在雖然有些家務要自己做番，但不用担驚受怕姐姐邊日唔高興去借錢，或扭計，做錯嘢要佢哋走仲要俾機票、一個月代通知金。唔好彩返得一日頂唔順都要補，咪搞我！我算辛好彩，現在其中一個姨姨亦有心機敎我囡囡，每天同佢講故事，要佢做寫字練習，確實又比用工人姐姐時的好(當然煮食和家務方面就唔好有要求，我亦要求佢哋清潔，只但求先要照顧囡囡，接送佢返放學搭校車)。不過私人時間就冇晒！