健朗媽咪 寫道:
ada
我想問你囡囡係唔係細b(年尾出世)
如果你細b, 升小一跟唔上都係正常喎
慢慢會跟得上
如果唔係就可能真係學校的教法唔啱或溫習的方法唔啱
ada29 寫道:
多謝各位媽咪意見,近日就係為個女嘅問題同老公好多意見,佢唔想個女轉校,怕個女將來跟唔上中學,加上個女成績咁差,可能冇學校收,但我自己就想個女可以開開心心過童年生活,都唔知點做先好,轉定唔轉校呢個問題真係好頭痛,我好怕落錯決定比老公怨我害左個女,學校又唔比留班,話仲有小朋友差過佢,真係好苦惱 :-( :-( :-(
ada29 寫道:
其實我問過補習社,佢地就話何福堂冇咁深,我本來都打算轉過去,但囡囡唔想,我又唔想迫佢,所以現在慢慢要學平常心去面對囡囡成績唔好,由得佢唔合格,最重要係佢都盡左力,我地做父母仲可以點,今個暑假我會比囡囡學游水,又同佢報左補習班,仲會再請多一個一星期上門一次嘅補習老師專補英文,希望可以幫佢補番小一嘅野啦~
[quote]
囝囝2000 寫道:
係莊下, Everyweek 默中,英, 中默有時2課同一默, 英默就6句+8個生字, 試果一星期默4次默書, 我日日迫佢溫, 反而傷親子感情, 我都有考慮佢轉一間佢有讀得開心的學校.
[quote]
ada29 寫道:
hi 囝囝2000 :
你小朋友係咪梁周上午班呢,我本來都想囡囡入梁周上午校,不過派唔到,其實我問樓下幾間補習社,佢地都講過兩間都好谷學生,不過我估你會比我好些,因為五邑係圖書教書,好難同佢溫書,淨係一個學期中文好似13本,英文都12本,根本好難溫習,加上英文默書句子太多,連個補習老師都話間學校離譜,一個小一嘅小朋友要默咁多句子,實在太辛苦,但係做媽咪嘅就冇辦法,只好迫下佢溫習,但係番來成績唔好,我地都唔敢鬧,只係講盡左力就算 :-( :-(
ada29 寫道:
佢今次英文考試得33分,你地話點算好呢 :-( :-(
ada29 寫道:
真係好感激各位媽咪,我今日打過電話去保梁下,已經攞左申請表,不過就擔心個女成績咁差佢地唔收,我都只係抱住一試心態得就讀,唔得就算,佢地話28號考試,真係希望可以比個轉一轉校,唔洗好似現在咁~
ada29 寫道:
我剛剛都同自己小學班主任傾過,佢都好贊成囡囡轉校,因為我同過囡囡班主任傾過,佢地都話升小二會讀唔上,但係又冇其他嘢可以幫我,我覺得好無助,又話家校要合作,都唔知合作左咩?我自己小學班主任聽完就覺得學校實在太不付責任,繼續都冇意思,我都覺得佢講得有道理,原本我都仲好心大心細,但係現在都覺得要死心~