Baby Kingdom - 親子王國 香港 討論區 › 首頁 › 單親天地› 今日第1次搵社工

單親天地

收藏本版
發帖
返回列表
跳至頁

首頁
1

尾頁
   0
joeyjoeycc


子爵府

積分: 12087

BK Milk勳章


1#
發表於 09-4-8 04:48 |顯示全部帖子
siuyan04:

你既 case同我差唔多一樣,不過你仲好彩可以響屋企住,屋企都係得我一個女,但我爸媽響我好細個已經分開左,我跟老豆的,我有左之後,屋企已經無理我,個c6安排我去大陸,響佢朋友屋企住,c6就風流快活響第2度同個女人住,當時我唔出聲,係因為希望佢會為我個肚返轉頭,而且我家人已經改晒電話,我一個月只能返黎香港一次做產驗,因為c6每星期只俾50蚊人民幣我生活,佢個朋友只包我一餐,我就一日食一餐,留返d錢買橙食(我好鐘意食橙),有時太餓,會買"嘉x小旦糕"食一個做lunch,最後個肚6個月時,我搵到我亞媽,我先可以返到黎香港,而且大陸果度我又俾人趕走(因為c6應承左俾1千蚊人地,原來無俾),我亞媽仲話我,仲咩個肚甘細,一見到我,就問我係咪無野食,之後我媽迫佢同我結婚,最後生完bb一個月後已經攪離婚,因為c6送左我入醫院生仔之後,佢即刻走左上大陸搵果個女人,我生完之後,個女人落左黎香港,仲要搵上門,果時我已經攞政府錢,c6攞晒我d錢走,個女人知道我無錢買奶粉,佢話施捨一罐奶粉俾我,我有出去攞,因為我果時真係唔夠錢買奶粉,我媽後來知道左,當時鬧左我一餐,但......果時食 lunch都要下午茶特價粉面$10碗我先可以食,仲邊有錢買奶粉??後來我閉上眼睛做我唔想做的工作,沒辦法......,現在轉行了,

個仔現在都9歲了,當年我22歲生佢,單親既路唔易行,你要有心理準備,不過我會煮到埋黎就食,到時一定有出路,

至於我爸爸,當年佢都係無理我,果時佢叫埋我媽一起改電話,唔聽電話,我爸響我個仔5歲時先原諒我,現在我同爸爸關係好好,

想反,我媽說 "你要對老豆好,之不過....,當年你老豆眼尾都無睇過你,現在你環境好d,又話原諒你"

其實....有時都唔知....,我爸對我好,係唔係真心??
私人傳訊

joeyjoeycc


子爵府

積分: 12087

BK Milk勳章


2#
發表於 09-4-9 00:35 |顯示全部帖子
原帖由 sino 於 09-4-8 09:48 發表


joeyjoeycc: 你既經歷好慘,睇完真係好想喊, 唔知點解呢個世界上會有咁多無人性既人 ,你同樓主都係一個盡責既母親,好偉大,孤立無援既路真係好難行,希望你哋以後既際遇會好d,生活越來越有改善,將來會遇 ...






其實最重要係唔好覺得自己慘,因為好多人都會慘過我,
有時個仔會覺得自己慘,但我成日教佢,大把人慘過你,

其實我唔覺得我係一個盡責既媽咪,
由佢3歲至7歲,我掛住搵錢,而且因為我媽同我揍收得貴,
我一個月先見佢一次,因為果時,錢對我真係好重要,
無錢我媽唔會同我揍 (佢唔係揍得好,剛剛夾埋個仔鬧我),
幼稚園開支大,屋企所有水電媒租,壓力好大,
雖然現在我每個星期六收左工都會接佢返黎,不過到現在我媽永遠都好似唔明白,佢要既係錢,佢覺得我係一個超人,
可以唔洗瞓,可以唔洗食
私人傳訊

joeyjoeycc


子爵府

積分: 12087

BK Milk勳章


3#
發表於 09-4-11 02:33 |顯示全部帖子
原帖由 man_man_Baby 於 09-4-10 19:42 發表
joeyjoeycc::
睇完你個故事...我覺得你真9係好叻...eq超高!!!
我都覺得你講得好arm....唔好成日覺得你自已好慘.
其實你當年點解唔將bb放你托兒地方,放工去接呢??

...


因為托兒所,只係星期一至五,9-6,
講真,如果我搵份工返星期一至五,朝9晚5唔係唔得,
之不過........,我得中五程度(現在d中文打字都係自己學),
英文又一般一般,份人工都唔知夠我和屋企開支,定係夠個仔,一個小朋友開支係好大,學校得閒又黎張通告又交咩咩費,之後又話什麼捐錢,買券,個仔又要補習,現在的工作,要返12個鐘,around 10:30 to 11:30pm收工,一個月平均都有一個星期日要返工,我只能做呢d長時間工作,先可以 cover到我既開支,我上兩年都搵過一份9-6,返5日半既工,做左兩個月已經頂唔住,一個月7k,根本 cover 唔到我同個仔既生活,而且又唔可以俾人知,我有個仔,仲要甘大個,而且仲係單親,雖然唔係d咩大件事,但唔想令對方有d咩睇法,

而且我希望個仔中學時,起碼半年至一年唔可以外出工作,要睇實佢,現在仲後生,一定要博,現在的我,很想把兒子放左第一位,但我要有日後安定的生活,同埋要供佢讀書,所以會把工作放響第一位,有時就係甘,有得呢樣,就唔可以得到果樣,可惜....香港係一個錢行頭的社會.........

其實.....如果我 eq高,就唔會痴埋個衰人度啦

[ 本帖最後由 joeyjoeycc 於 09-4-11 02:37 編輯 ]
私人傳訊

joeyjoeycc


子爵府

積分: 12087

BK Milk勳章


4#
發表於 09-4-11 02:51 |顯示全部帖子
原帖由 sino 於 09-4-9 12:27 發表


joeyjoeycc:
係呀,你講得啱,唔好成日唸自己好慘,應該努力生活,但你已經係個好盡力既媽咪嚟,當然單憑我哋一個人既力量,真係好難可以對子女做到盡善盡美,我連父母都無,所有事都係靠自己一個人去做,所以我會好明白,起 ...


有時我都會唸返轉頭(特別係同個仔嘈既時候),如果當初落左佢,又或者生左出黎唔要佢,可能日後既路唔會係甘,當然我唔會選擇後者,甘辛苦生出黎......,所以一嬲時就會甘唸,都唸左好多年了......

不過.....個衰人之前有個仔,現在佢嫲嫲揍,嫲嫲都八十幾歲了....,佢亞媽當年響佢個仔兩歲時,話要出街,放底個仔響嫲嫲度,之後就一去不返,但佢嫲嫲話無嬲佢,因為大家都係女人 wor......,佢仲話只係個女人果一刻忍唔忍心,
(不過我唔係響呢度教人甘做,希望大家唔好誤會,我係做唔出呢種行為)

私人傳訊

joeyjoeycc


子爵府

積分: 12087

BK Milk勳章


5#
發表於 09-4-30 04:26 |顯示全部帖子
其實我都覺得你生左先搬,因為萬一半夜三更突然要生,自己又唔識,甘就大件事 (果時我響屋企穿左水都傻吓傻吓),以前我爸爸又係話,誓死都唔會認我個仔,現在我爸咪成日約我仔去街,去玩,但當然我仔唔肯跟佢啦,如果真係無能力搬,就真係只可以響屋企住,如果家人真係唔想你響屋企,只好問家人借小小錢搬,如果唔係,真係無辦法了.....,
我都係單親媽咪,我自己又係單親的,
我都係抱住一個心態,唔好擔心甘多,
煮到埋黎就食,捱捱吓,我個仔仲有3個月都10歲了,當然呢10年真係有血有淚啦
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見