自由講場今日: 988|主題: 1303860

收藏本版

發帖

返回列表

跳至頁

樓主: 安安

關於肺癌, 有無人幫到我? [複製鏈接]

TobiMom

伯爵府

積分: 15147

2024年龍年勳章 2018復活節勳章玩具勳章醒目開學勳章 wyeth冷知識勳章環保接龍勳章大廚勳章

1^#

發表於 08-8-28 16:34 |顯示全部帖子

我老爺因為持續腳痛 , 舊年9月 , 去左睇骨科 , 照x-ray 後 , 醫生話有 8 乘機會生 cancer , 轉介去 QE , 發現係肺癌第四期-即係未期 , 要做化療 , 因為癌細胞已經擴散到腳 , 所以腳痛 , 要即時做手術, 係腳膝頭位置既較位加塊片同螺絲鑲實 , 如果唔做手術 , 隻腳隨時會斷 , 另外亦有係廣華醫院睇中醫 , 情況都算穩定 , 但今年年頭 , 老爺話咳唔到痰 , 同埋話喉嚨好似窄左 , 好難吞野 , 所以我姑仔同老爺轉左去睇西貢個中醫 , 個中醫叫我老爺每日飲兩罐可樂同埋食一包花生 , 老爺照做之後 , 咳到痰出黎 , 精神好好多 , 但到5月中 , 老爺係屋企失禁 , 叫奶奶打電話 call 白車 , 我地去到醫院 , 見到老爺情況好差 , 兩日後 , 當我地見醫生, 醫生話老爺癌細胞已經擴散到腦 , 咁我地問醫生 , 老爺仲有剩番幾多日子時 , 醫生話老爺既壽命以日計 , 叫我地有心理準備 , 終於 , 老爺係 5 月 27 日, 與世長辭 ....

老爺當知道自己得肺癌後 , 叫我地唔好咁傷心 , 尤其是係奶奶面前 , 其實我地個個都知老爺隻腳好痛, 好辛苦 , 但老爺無呼天搶地 , 好樂觀 , 好努力咁應付每次化療後既痛苦, 亦好珍惜剩餘既日子, 老爺彌留期間 , 叫我地唔好喊 , 佢無事 , 好舒服.......

呢個經歷係好傷心 , 好難捱 , 但你要頂住 , 儘量滿足你爸爸既要求 , 儘量陪佢多d ....

[ 本文章最後由 TobiMom 於 08-8-28 16:35 編輯 ]

比上不足，比下有餘願我們身體健康，闔家平安

私人傳訊

TobiMom

伯爵府

積分: 15147

2024年龍年勳章 2018復活節勳章玩具勳章醒目開學勳章 wyeth冷知識勳章環保接龍勳章大廚勳章

2^#

發表於 08-8-30 11:23 |顯示全部帖子

原文章由安安於 08-8-29 18:49 發表
今天早上陪兩老去飲茶, 之後去左QEH 隔離間中醫診所睇, 睇左個女醫生, 覺得麻麻地, 無咩特別既建議, 佢睇片話我老豆係由肺結核開始, 但呢種肺結核不會傳染, 又話佢肺已積水, 我睇片都見到, 大家都心裡一沉。佢都話 ...

個陣 , 我同老公陪老爺去 QEH 見腫瘤科醫生, 係個帶眼鏡長頭髮既女醫生 , 呢個醫生真係好唔掂 , 因為老爺揀做 $4000 既化療, 要做 4 個療程 , 無揀標靶 , 個女醫生話 "就算做化療 , 或者做標靶 , 都唔可以保證話會醫得好 , 而家呢個階段 , 只可以做既係, 舒緩個病情 , 等伯伯(即係我老爺)唔駛咁辛苦" , 個死女醫生講呢番話個陣 , 係 dup 低頭攪呢樣, 攪個樣 , 唔係望住我地講 , 語氣態度極輕佻 , 好似暗示 , 做都無用啦, 都醫唔好架啦....

呢個女醫生真係不知所謂 , 一d都唔體諒病人同家屬既心情 , 講埋d 咁既野....

P.S : 老爺最終只係做左第 1 個療程 , 因為肺積水既關係 , 情況惡化, 腳腫 , 同埋因為發現肺癌個陣 , 已經係第四期 , 隻腳要做手術鑲塊片同螺絲 , 精神差左好多 , 根本負荷唔到....

[ 本文章最後由 TobiMom 於 08-8-30 11:26 編輯 ]