原來咁多人都有產後情緒困擾, 我自己較好彩, 最難捱既時間已經過去, 阿b仲有2日就滿月, 我最難捱同喊得最多係頭2個星期, 第1個星期就因為自己突然尿道炎加上阿仔面黃返左去醫院住一晚, 因為尿道炎要食好重既消炎藥醫生叫我唔好俾人奶, 自己覺得好無奈, 我地本身住奶奶屋企, 但奶奶同老爺係漁民, 佢地唔會成日o係屋企住, 但因為我坐月, 佢就返左黎, 但照顧唔到我幾多囉, 成日一聽到阿仔喊, 佢就走去我房, 我叫返佢轉頭唔使咁緊張, 我o係房會睇住佢嫁啦, 搞到我都好大壓力, 成日話我做咩bb喊唔抱起bb,咁我唔通抱住佢去閞奶 仲要有日無啦啦有3個大陸親戚講都唔講就黎我地度住, 話要住2晚, 我果日即刻黑哂面, 俾面色佢地睇, 我知咁樣好無禮貌, 但我真係控制唔到囉, 佢地第2日即走p: 咁本身我地屋企有個工人照顧緊一個90幾歲既老人家, 個老人家身體好好, 曉行曉走, 工人平時只係煮下飯同幫佢沖涼, 原本諗住個工人湊埋阿b應該無問題, 但一返黎叫佢幫bb沖涼, 佢就話佢咁細個唔敢沖喎(佢自己有2個仔, 之前仲o係上手僱主湊過一個), 搞到我對佢無哂信心, 我喊左2個星期, 原本諗住個工人出年11月完約唔續, 我阿媽就唔做份工幫我湊, 我媽媽見我果排日日喊就話過左年唔做幫我湊, 我心情先好返, 同埋好彩我老公見我日日喊都儘量請假陪我
發表於 
返回列表
