自由講場今日: 522|主題: 1304559

收藏本版

發帖

返回列表

跳至頁

樓主: melonfans

找不到的兇宅

[複製鏈接]

aidan08

伯爵府

積分: 19581

1^#

發表於 16-8-1 20:01 |顯示全部帖子

本帖最後由 aidan08 於 16-8-1 20:02 編輯

講開睇樓，我都遇過怪事，不過中招唔係我，係我妹。

當時約咗個經紀去睇西環一個好大型的屋苑，係我父母諗住租屋。我哋一行人有我、我爸、我妹同我妹一個朋友一齊去睇。

我哋睇咗同屋苑兩間之後，去第三間時，我哋架lift上到去嗰層，隔離lift同時開門，我妹仲講咗一句︰'嘩，呢層咁多人出嘅?'，跟住我哋全部人都見到一個阿伯，佢個衣著係著住一套唐裝衫，其實有點似壽衣。不過，我哋後來討論過，應該係'人'來。

我哋要睇該層兩個不同的單位，第一個係向左邊行，而伯伯同我哋同一邊，仲見佢開門。第一個單位無咩嘢怪事。跟住我哋行去右邊一個單位，門口上方有個符，屋內D燈已唔著，因為丟空太耐，而且當時已入夜，所以好黑。我哋用電筒周圍睇，仲覺得幾好，黑媽媽都唔係好驚。睇完就走咗。

咁我老豆覺得間屋幾好，但好奇點解咁平租。於是就打電話叫個相熟地產朋友check吓有無發生過事，咁佢朋友話check咗會覆。但與此同時，我哋開始喺度講頭先睇樓D嘢。我妹就講開話頭先嗰層又會咁多人出嘅......然後我哋就話，好似得個阿伯之嘛。跟住我妹話仲有另一個人出，向唔同方向行咗去另一單位，係個菲傭嚟。我哋全部都話見唔到，特別我爸和我妹朋友，一口咬定得個阿伯，無其他人，而我唔肯定。

隔咗一日，阿爸個地產朋友覆我哋，話查咗我哋睇嗰間唔係凶宅，但正對面嗰間係。而我妹見到個菲傭入去嗰間就正正係凶宅。佢仲話，間屋係有人喺裡面自殺，係吊頸，仲係個菲傭嚟。

我哋嚇到呆咗。咁啱阿妹不在場，我哋決定唔講佢知。但佢自睇樓後嗰幾日無端端不停嘔，佢朋友話無情白事嘔到咁，睇咗醫生都仲嘔，不如去廟拜吓神啦，我妹又聽，之後就無事。但至今我哋都唔敢講比我妹知，廢事嚇親佢。