大仔大女媽媽會

收藏本版
發帖
返回列表
跳至頁

首頁
1

尾頁
   0
~火火~


複式洋房

積分: 387


1#
發表於 05-10-28 03:38 |顯示全部帖子

Re: 請工人照顧bb的媽咪, 可否入黎分享下...

施晴媽咪:
我之前請過2個大陸工人,真係好懶同d態度好衰
e家請左個印尼工人佢好肯做同好乖,但真係好蠢 ?-(
而且我囝囝又認人,用左10 日時間個仔先肯跟佢....呢兩日我先有覺好訓咋,不過你有一個月時間都唔怕既
我覺得眼仔就真係一定要裝,雖然我冇做野,但我一出街就開著眼仔錄影低佢係度做乜,講真就唔會慢慢睇晒,但點都要嚇一嚇佢,等佢唔敢打個仔(我個介紹人同個工人講,係香港打bb pat pat要坐監6個月)至於話盲點,因為bb房同客廳裝左眼仔,可以監視佢,所以廚房同廁所係禁地,一影到佢抱bb入去就當佢抱入去打,即炒
仲有~以我之前比兩個工人恰既經驗,你開頭唔可以對個工人太好,同佢講野要有小小命令既態度,唔係佢就會得寸進尺嫁喇
希望對你有少少幫助啦

火火
私人傳訊

~火火~


複式洋房

積分: 387


2#
發表於 05-11-21 03:45 |顯示全部帖子

Re: 請工人照顧bb的媽咪, 可否入黎分享下...

以下係我少少心得~我覺得對工人開頭唔可以太好.
仲要唔好比佢知你冇湊仔既經驗.一定要對自己信心十足.
有野唔識偷偷地打比亞媽問都唔好問個工人意見.叫佢做野
用命令既態度.(只係有d威嚴唔係話太惡)佢一做錯野就叫
佢唔好有下次,如果冇記性就乜都寫低,一定要硬淨d,絕對唔好
比佢有駁咀既機會.呢d叫下馬威,等佢明白自己個角色位置.
到佢開始上手先間中讚佢一兩句哄哄佢同傾幾句計.

可能大家會覺得我好衰,但我真係"領"過野先會咁.
之前個工人一黎到我就當佢朋友咁成日傾計.
又成日問佢意見~例如:咁會唔會好d呢?bb著咩衫好呢?等等.. 整整下佢就開始覺得我冇左佢唔得,同埋真係當我係朋
友,唔當自己係工人...唔同我講早晨,話訓就訓(差唔多bb訓
親佢都訓,唔係講笑,除左夜晚佢食飯同睇電視時間),見我返屋企直行直過,戙起隻腳睇電視.叫佢做野黑口黑面.我憎佢憎到唔想行出廳.就算想去廁所都忍到忍無可忍先出去.我就係好似好多媽咪咁諗:湊得bb ok再忍下啦,費事再請過個唔識湊既仲驚!同埋又要由頭教過又煩.但終於諗通.如果有個客人係我屋企住,搞到自己篤眼篤鼻都叫佢走啦,何況果個係用錢請返黎既工人?

所以無論個工人表面上點錫bb,點識湊bb都好.
唔尊重自己就一定要炒.因媽媽唔開心.個b一定感受到...
其實如果個工人當個主人係仇人咁黑口黑面既.
又會有幾錫個b呢
只要肯試我唔信請唔到好工人

火火
私人傳訊

~火火~


複式洋房

積分: 387


3#
發表於 05-11-22 23:14 |顯示全部帖子

Re: 請工人照顧bb的媽咪, 可否入黎分享下...

希望各位媽咪唔好誤會.我唔係話要惡死對個工人呀
始終個b o係佢手上嘛.我只係話開頭要對佢嚴d,cool d.
等你覺得佢真係ok先開始軟化.

吸取左兩次失敗o既教訓.我問過幾個有經驗o既朋友
同agent都係咁教我.話好多工人都係用頭一,兩個月
黎試主人o既底線同好唔好"恰"(尤其是黎過香港已經學壞
果d)
所以寧願對佢先苦後甜.開頭嚴d,唔好太客氣,
咁樣佢會有d驚你同比較聽話.
到你覺佢真係有責任感同湊得bb好時,
先慢慢當佢朋友甚至屋企人,佢會特別珍惜.
但如果掉轉開頭太好,跟住到你發現佢太多缺點
開始話佢同態度比較冷淡時,個工人就會好難接受.

我見自己失敗左兩次(好明白飛飛感受,我都係三十多歲
人都冇試過比人激到咁無助無奈.仲瘦左好多).
所以呢次試下對個新工人用以上方法.
(其實開頭要我扮cool都真係好辛苦,我都係一個好人黎架)
暫時效果好好丫.佢黎左個幾月.慢慢開始上手同真係睇到佢
好錫bb.我到呢個星期先開始對佢好,關心佢.
佢比我感動到喊呢!而家大家相處好好.
佢好尊重我同聽我話.我終於感受到係屋企好快樂.
之前真係比個工人搞到me埋係房唔想出去架!

不過無論用咩方法都好,始終最主要都係睇個工人本質.
佢係好o既,你一定會對佢更加好,
但佢本質係差o既,你對佢再好都改變唔到
總之為左我地o既寶貝仔女.各位媽咪繼續努力加油啦

火火
私人傳訊

~火火~


複式洋房

積分: 387


4#
發表於 05-11-28 22:12 |顯示全部帖子

Re: 請工人照顧bb的媽咪, 可否入黎分享下...

MrsBunBun:

你o既遭遇真係好似我.開頭對得個工人好,佢就得寸進尺.
一有野話佢,就黑口黑面.真係可以黑足幾日,
要我頂唔順先撩佢講野,先好返d.

我一開始當佢家人一樣,佢就真係唔當自己係工人.
我個仔o係我房喊,佢唔敲門就走入黎一手抱左bb出去.
好似佢係媽媽睇唔過眼我呢個工人湊唔掂個bb咁 :tongue:
直到一次,佢一衝入黎,我抱住bb擰歪面話自己湊得喇..
之後佢o既態度就更差.
成日睇電視(睇到入左個電視咁)
夜晚11點訓到朝早8點,餵完bb飲奶再訓多陣,到1點幾又訓.
我問佢點解要訓咁多,佢竟然話:唔訓唔通on居居坐o係度呀?
有朋友黎,佢唔招呼人閂埋房門睇書,死未

我就係驚請過第二個工人冇咁錫bb所以一路死忍..
我老公問我究竟個工人係咪錫bb錫到值得我忍氣吞聲?
叫我自己秤清楚.又話其實個工人成日黑口黑面,
根本佢都唔開心,又點會有心機湊bb?
我老公話佢想有一個錫bbo既工人,
但更想有一個快樂o既老婆(好肉麻)
咁我就的起心肝換工人囉.

仲有一樣野我老公講得好o岩的...
其實基本上每個工人都錫bb架啦(唔真心都做比你睇)
如果唔係,做家務做得幾好你都一早炒佢啦!
呢個係佢地最大籌碼,就係利用呢樣野..
佢分分鐘可以橫行無忌(好似我同你o既工人d所為)
你細心諗下係咪?

不過當然,我贊同施晴媽咪所講...
下左啖氣諗清楚先.
如果真係要換工人而又唔可以即刻炒佢,
o係呢段過渡期就更加要忍~忍~忍~喇


希望你快d解決呢個問題啦...
為bb睡眠起緊革命時仲要比個工人激親..
儘量放鬆d,ok?

火火

私人傳訊

~火火~


複式洋房

積分: 387


5#
發表於 05-11-29 02:40 |顯示全部帖子

Re: 請工人照顧bb的媽咪, 可否入黎分享下...

MrsBunBun:

好丫~同個工人分莊閒真係好重要.唔服從你o既點叫工人?
不過你有冇裝眼仔架?驚佢"蝦"你囡囡呀.不過我怕而家咁對佢已經太遲(touch wood).因我個工人就係我對佢差d咩,佢就更加衰.好似完全唔驚我炒佢咁.可能真係試左我底線,
見我一次又一次都忍佢,諗死我唔敢換人啦.

個衰人日日都搵d野頂撞我,我揀衫比bb著,
佢唔係話厚就話薄,買衫返黎又話質地唔好.
連衛生巾佢都話我買得差,唔好用.我問佢咩牌子好,
佢話"護舒寶",我即刻"囉"包衛生巾出黎,
叫佢自己睇清楚,我買o既咪係"護舒寶"囉.
根本佢就係搵交嗌,我比佢搞到精神崩潰咁滯

如果你決定左換工人就要對而家呢個好d喇,
既然佢都就走,無謂大家黑口黑面.
費事o徒精神同佢鬥
我工人臨走前我成日同佢傾計開玩笑架.
每日o係度倒數幾時送你個瘟神走,心情不知幾愉快.
跟住新工人一到就突然叫佢走,佢當場成個人呆左.
佢執野果陣我想大笑呢!(好似真係有d精神分裂)

其實我老公就最想我肯換工人,
因為佢都唔好受呢.我比個工人激親有時又發脾氣.
又試過嬲到喊,仲有我一同個工人冷戰,
就乜都叫佢同個工人講(你有冇試過?)
所以而家請到個好工人我地真係好好好開心
希望你都會好似我咁丫

火火
私人傳訊

~火火~


複式洋房

積分: 387


6#
發表於 05-11-29 19:55 |顯示全部帖子

Re: 請工人照顧bb的媽咪, 可否入黎分享下...

[quote]
MrsBunBun 寫道:
好呀!試我底線o麻!佢試到喇!我條底線都set得幾高o架!所以佢o既所作所為已經過哂我條底線喇,佢覺得閂門,掉野,背脊得住我,黑口黑面,怕o左我我放工特登走入房睇雜誌唔同我打招呼(不過係我做衰開頭,我次次同佢打招呼先),都係冇錯o麻,勁bottom line啦! (尋朝炒大獲,我放工佢都未知驚,諗深一層,從佢o既表現我睇得出佢仲未覺得自己唔o岩,或者係搏炒)x 10000

MrsBunBun :

嘩!原來你個工人同我之前果個真係似得咁緊要?
都係走入房睇雜誌同唔打招呼直行直過
你有冇試過打比agent投訴佢?
通常佢地好驚d agent,要比佢鬧先感受到可能會被炒.
但你個工人好似有少少情緒病
你要小心考慮 ?-(

我而家個工人真係好好丫.
同之前果個真係天同地.
好有心機陪bb玩,當bb訓覺或我自己湊bb時,
佢就自己搵野做.時間分配得好好丫.
唔會下下踢一腳郁一下.仲好有禮貌同好笑容tim
我已經開始好錫佢當佢家人一樣喇 :-P

火火
私人傳訊

~火火~


複式洋房

積分: 387


7#
發表於 05-11-29 20:15 |顯示全部帖子

Re: 請工人照顧bb的媽咪, 可否入黎分享下...

[quote]
飛飛 寫道:

火火:
我最近用命令口問用工人講野, 不過佢都好掂 (開工啦, 再續)

飛飛:

我想問你個工人係新定舊架?
如果係舊o既,而你之前又對佢好好,
而家先用命令口問會得反效果架.
請你睇返我同MrsBunBuno既遭遇丫.
其實我唔係話對個工人先苦後甜一定work.
(大前題都睇個工人本質)
但對佢先甜後苦就多數撞板喇 :-(

火火
私人傳訊

~火火~


複式洋房

積分: 387


8#
發表於 05-12-1 02:56 |顯示全部帖子

Re: 請工人照顧bb的媽咪, 可否入黎分享下...

飛飛:
唔好客氣啦!大家交流下心得姐.
你個工人真架勢喎.一個屋企有幾多野做?
咪洗衫,清潔同煮飯(仲唔係要佢日日煮)
其實bb一日小睡幾次,
趁呢d時間足以做好家務啦,
何況每日有婆婆幫手睇bb.
咁都做唔掂要一星期請兩次鐘點?
我想問下每日婆婆睇住bb果陣佢係咪去左訓覺呀

你好似唔係請左一個工人,而係請左個媬姆啵
除左湊bb,其他野佢覺得唔係佢應份做o既.
唔係點會叫你自己諗 仲要搵人幫佢手?
不過一個在本地有六年經驗o既賓賓,
已經非常古惑同識玩野喇.
所以我agent都叫我要請d冇經驗o既.
蠢可以教,壞左o既冇得救架

我都試過為左之前個工人同老公搞到唔開心架.
一同老公投訴個工人d野,佢就話我挑剔.
仲要成日掛住買生果比條友食
我果陣簡直有與敵同眠o既感覺 ,kaka~
可能後來我哦得太多同佢都覺得個工人太差.
先叫我比d勇氣換工人.(因我同好多媽咪一樣,
驚請過第二個會冇咁錫bb,所以考慮同忍受左幾個月)

男人係特別大方同好怕家庭氣氛唔好架.
可能你老公想緩和下家中的怨氣先同個工人有講有笑呢
唔好諗到咁嚴重啦.為左個無謂人搞到婚姻亮紅燈?
快d同你老公平心靜氣傾下"囉'個共識啦!

火火
私人傳訊

~火火~


複式洋房

積分: 387


9#
發表於 05-12-13 01:54 |顯示全部帖子

Re: 請工人照顧bb的媽咪, 可否入黎分享下...

我個工人越來越錫我bb,做野又好.對佢嚴厲同扮cool o既日子過去啦.我地而家相處得好好呀

天氣轉凍我都買左頸巾,羊毛衫同潤唇膏比佢.另外再將自己同朋友d舊衫比佢揀.因佢係第一次黎香港真係好怕凍同一件冬天衫都冇.但你地要留意下個工人會唔會好似我呢個咁..

放bb落床之前唔會幫佢除衫,起身o係被竇出黎又唔會幫bb加返件衫,第一日開始凍已經教左佢,都要幾日先識.自己訓覺蓋綿胎仲著5,6件衫同帶埋頸巾,但起身反而會除左d冇著咁多,落街又唔會帶頸巾同著返件褸,咁樣真係好易"攝"親架嘛 我朋友個工人就係同我呢個一樣咁做而病左幾日 最慘仲要惹埋佢個女呢 :tongue:

開頭教佢應該點著衫真係心諗點會咁蠢架 ?-( 不過佢答我:哦,咁架?太太....先記起佢果度冇冬天真係未試過凍丫嘛,唔識唔係奇,唯有當佢小朋友咁教同幫佢諗埋著咩衫囉..真係好怕佢病呀

火火
私人傳訊

~火火~


複式洋房

積分: 387


10#
發表於 05-12-13 17:33 |顯示全部帖子

Re: 請工人照顧bb的媽咪, 可否入黎分享下...

薳然媽媽:

我都係每晚留意天氣報告.跟住同你一樣放一件長袖,一件背心.另外放多一件好厚o既夾棉晨褸o係廳.跟住臨訓前教定個工人第二朝幫bb著邊件.不過其實都係唔放心.每朝一聽到bb起身,就飛奔過bb房幫佢著衫,換片,餵奶...每晚又驚bb"富"被,總係訓下醒下...好彩唔駛返工咋

我老公話我精神太過緊張,我諗每個媽媽都係咁架啦.加上我bb早前都係小支氣管炎,要去診所聞氣同比物理治療師拍痰..
每次諗起個仔果次咁辛苦就心痛呢 :-(

火火[quote]
薳然媽媽 寫道:
火火

您講得好啱呀, 我個工人都係咁架, 唔多識處理冬天預寒, 真係要當佢小朋友咁教架.

所以我地自己會跟得好緊, 老公就會成日睇住天氣預告, 我就周不時打電話返屋企提佢凍, 要著多件外套, 又問佢阿囡隻手仔凍唔凍, 凍就加多件外套, 我會預備阿囡一件長袖, 一件背心外套係廳樹, 等佢可以隨時幫個囡著.

若果怕工人病病, 可以每日比一粒vitamin c (1000mg)佢食, 每日都只係hk$0.50. 不過我工人唔多願食, 唯有比佢飲德露沙橙汁, 增強佢抵抗力.
私人傳訊

~火火~


複式洋房

積分: 387


11#
發表於 05-12-15 02:52 |顯示全部帖子

Re: 請工人照顧bb的媽咪, 可否入黎分享下...

薳然媽媽 寫道:
火火,

您bb要去聞氣同拍痰, 我阿囡o個次要去醫院抽痰, 真係好陰公, 我諗大家既bb一樣咁辛苦. 不過其實係長痛不如短痛, o個次抽完痰, 佢扭左幾日計, 之後到依家個喉嚨仔好似好咩咩咁 (touchwood x 幾億).

您好幸福啊 ! 我都好想唔駛返工, 但係又有個工人幫手, 真係發緊夢
[/quote]

薳然媽媽:

其實果次個治療師都話如果拍完痰聽到d痰去到喉嚨都要抽痰架.不過之後聽到未到喉嚨就等bb自己"all"出黎咋.不過我諗抽痰會好辛苦.因為佢話如果要抽的話,係會叫我同老公出房唔比我地睇的.你有冇睇呀?

雖然我唔駛返工...但陀bb果陣發現有糖尿病(唔知係咪妊娠糖尿病)生完都仲有,根本就冇足夠體力湊bb呢...因為我一晚去好多次廁所同經常手軟腳軟架....有苦你唔知咋 :-(

火火
私人傳訊

~火火~


複式洋房

積分: 387


12#
發表於 05-12-19 00:47 |顯示全部帖子

Re: 請工人照顧bb的媽咪, 可否入黎分享下...

薳然媽媽:

個姑娘都嚇到手震兼口震,薳然一定喊得好利害啦.我開頭都係見到bb喊得勁自己就會跟住喊的.而家就好左好多

多謝你關心呀,我都知早d訓對身體好,但我慣左每晚餵完bb食奶,同老公食霄夜後上陣網先訓.訓一陣bb起身我又起身,陪佢玩一陣8點幾先真正訓覺.所以咪訓得晏又夜訓囉!

火火

薳然媽媽 寫道:
火火,

姑娘唔比我地睇呀, o個次阿囡抽痰要排隊添呀, 因為有好多初生bb都要抽, 係治療室排緊隊未輪到我地之時, 我聽到第二d bb喊得好厲害, 我驚自己忍唔住喊, 就me埋左去廁所, 我老公就係門口等, 我老公話阿囡喊得好勁, 我地諗個囡d喊聲嚇親個姑娘, 因為姑娘幫阿囡抽完痰後, 抱阿囡出來, 個姑娘手震兼口震. 之後薳然扭左幾日計, 成日要我抱住佢, 相信佢嚇親個姑娘之餘, 佢自已都被嚇親.

您身體唔係咁好, 點解仲成日咁夜至上網呀 ? 好多時見您都係零晨兩點幾post message, 早睡早起身體好呀, 最好晚上十一時前就瞓覺覺豬, 因為身體各個部位係十一時以後要休息架, 您要保重身體喔.
[/quote]
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見