吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 基督家庭› 唉﹐又一單牧者跌倒...

基督家庭今日: 0|主題: 9938

收藏本版

發帖

返回列表

跳至頁

查看: 1937 | 回覆: 5

唉﹐又一單牧者跌倒... [複製鏈接]

sshoi

大宅

積分: 4598

1^#

發表於 10-12-3 00:23 |顯示全部帖子 |倒序瀏覽 |打印

有一位喺美國嘅主內姊妹M君﹐佢對信仰好認真﹐好熱心侍奉﹐尤其擇偶方面好謹慎﹐所以到一年半前32~33歲先結婚。對方A君係神學院學生﹐亦係教會負責青少年事工嘅實習牧師﹐算係咁喇卦﹖

點知M喺幾個星期前無意中發現A部電腦有D變態野﹐包括兒童色情圖片﹐召妓網﹐付費色情web cam。M當然好震驚啦﹐問A﹐A就話「對唔住。我無咩野好講。」再問﹐A仲承認真係有幾次出去召妓。M就當然嬲到爆﹐執野去人地度過野﹐叫A自己好好反省下。第二日M返屋企﹐再睇下A部電腦﹐竟然發現A東窗事發後﹐仍然繼續上召妓網﹗M就執晒野無限期去教會其他家庭度住﹐還好教會有好多家庭好有愛心。

之後M越搵就越多野。教會其中有個女仔(十幾歲)成日發明星model夢﹐A就買左一D性感衫送畀佢﹐仲話幫佢影相﹐等佢可以寄去model公司。M就問個女仔﹐個女仔話只係影相﹐無發生過性關係。

因為A讀緊神學院﹐只係有實習牧師嘅微薄收入﹐所以兩夫婦主要收入來源係靠M。M係營養師﹐多勞多得﹐為左支持佢老公﹐就努力賺錢。有時M見到D信用卡單上面有D來歷不明嘅消費﹐A就話係用在教會事工﹐M就信晒佢。點知原來A一直用D錢來上鹹網﹐玩sex cam﹐召妓﹐送性感衫畀細路女﹗

件事揚左﹐A當然係立即辭去教會工作﹐亦從神學院退學。當佢好似未有悔意﹐只係覺得自己唔好彩畀人發現﹐但無認真懺悔認罪。在家人、朋友、教會眼中﹐佢一直係正人君子﹐道貌岸然﹐點知只係一個面具。

M現在康復緊﹐亦希望A有朝一日可以明白自己上左癮﹐戒得甩﹐願意真正悔改﹐建立返個婚姻﹐亦建立返A同神嘅關係。

我純粹係想呻下﹐因為M同我好熟﹐我知道後都好心疼。亦都想提醒大家唔好仰望任何人﹐單單要仰望耶穌﹐因為唯有佢唔會令人失望。

0 0 0

私人傳訊

sshoi

大宅

積分: 4598

2^#

發表於 10-12-4 01:02 |顯示全部帖子

原帖由 anntx3 於 10-12-3 10:46 發表
好激氣
又傷心.....
真是要多多為牧者祈禱....

其實，在香港，藏有兒童色情物已經是刑事罪。

喺美國都係刑事罪啦。

其實M早幾個月前小產過﹐現在又遇到咁嘅事﹐真係好慘。不過佢都仲識感恩﹐佢話如果無小產﹐個BB現在個幾月大﹐如果知道老公咁樣﹐佢一定完全崩潰﹐可能睇唔開攬埋個BB一齊自殺。

私人傳訊

sshoi

大宅

積分: 4598

3^#

發表於 10-12-4 01:07 |顯示全部帖子

A有話去做個療程﹐醫治佢嘅癮症﹐但唔平呀﹐US$1400。我心諗都唔知真定假﹐一陣可能話去做療程﹐其實係拎D錢去搞三搞四﹐始終最大問題係佢只係覺得自己技術上犯錯(畀人發現)。
後來A同M話拎人地用來支持佢讀神學院嘅錢去做療程(因為佢退左學)。M就話如果係咁﹐A就應該同嗰D支持佢嘅人交代清楚﹐得到佢地同意先。

私人傳訊

sshoi

大宅

積分: 4598

4^#

發表於 11-5-6 20:25 |顯示全部帖子

回覆 fafacat 的帖子

多謝關心。
M姊妹情況其實唔係咁好﹐早兩個星期同佢傾過電話﹐我見到佢D相瘦得真係好離譜﹐好似一下子老左十幾年。還好係佢驗過血﹐無愛滋。
佢早排返去間屋拎返D野(佢仍然寄住喺教會家庭度)﹐觸景生情﹐喊左成日﹐好難過點解一段本來好好嘅婚姻會搞成咁﹐所有以往嘅憧憬同計劃完全崩潰晒...
A仍然無悔意﹐甚至仍然沉迷色情物品。仍然講大話來掩飾自己。
M打算再過幾個月﹐如果A仲唔悔改﹐就同佢離婚。M話自己以前從來無諗過離婚會發生在自己身上﹐亦都極度唔想離婚。但A犯姦淫﹐無悔意﹐好明顯根本就唔係一個真正基督徒﹐個心亦已經離開左M﹐所以M就打算由得佢去。

私人傳訊

sshoi

大宅

積分: 4598

5^#

發表於 11-5-11 23:50 |顯示全部帖子

回覆 fafacat 的帖子

我同M隔開半個美國﹐無乜實質野可以幫到佢。不過我同佢識左將近二十年喇﹐佢亦係第一個向我認真傳福音嘅人﹐一定會支持佢。
A現在個目的只係想讓大家相信佢已經改過﹐一切當發左一場夢﹐回到以往咁﹐做返一個眾人眼中的基督徒乖乖仔。但佢好明顯並唔係真正悔改﹐仍然講好多大話。
M話好多事情讓佢越來越清楚佢地嘅婚姻係唔合神心意嘅﹐所以如果A仲係無悔意﹐M就會提出離婚。我聽嘅時候無表示意見﹐因為我原則上係唔會叫人離婚﹐不過其實在心裡我係認同佢﹐就正如林前7:15話﹕「倘若那不信的人要離去﹐就由他離去吧！」A只係一個掛名基督徒﹐佢個心又已經飛左去D雞同細路女身上﹐唔好浪費時間喇。

私人傳訊