吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 你地點揀呢？（尿道炎）

嬰兒醫護今日: 0|主題: 79101

收藏本版

發帖

返回列表

跳至頁

樓主: 彭彭BB

你地點揀呢？（尿道炎） [複製鏈接]

1 23

彭彭BB

男爵府

積分: 8440

BK Milk勳章

41^#

發表於 12-6-25 10:26 |顯示全部帖子

上星期五阿囡做埋個顥影檢查了，早上9時入院，因為佢個期排左3:15分，到下午一點半到就幫阿囡插尿喉，唔駛十分鐘就插好！今次只係插咗一次咋，離開醫院就4:50分，我眼見下午期的一共有三位小朋友，我地排最後，排第一果個位小朋友（應該係排左13:45期），唔駛3點鐘就食埋支奶就出院了。

註：今次出院姑娘話我個囡有兩個覆診期，我都唔知點解，一個係小兒外科，另一個係兒科腎科。

私人傳訊

彭彭BB

男爵府

積分: 8440

BK Milk勳章

42^#

發表於 12-6-25 14:46 |顯示全部帖子

booboo_long 發表於 12-6-25 14:10
你有冇問佢點解會有兩個唔同部門既期?
今次顯影結果係點呀﹖

唉！果個安排我地可以出院的姑娘支吾以對，我又趕時間，我咪話自己打番hotline問囉。不過既然有期覆診，咁都會跟番。到時先再問清楚。

顯影報告，醫院方面堅持要覆診時先有結果，可能我地係當天最後一位做檢查醫生無咁快寫好份報告，你檢查後都可以試吓問。我地入院時我成日一有機會就問，問完A姑娘，再問B姑娘，又問醫生。遇到個好人會幫你手問到都唔出奇嫁！不過最衰果日趕時間咋！

註：屯門方面係唔比家長陪入X光房。希望你地過幾日檢查都順順利利啦！我見响我地之前果兩位小朋友入咗X光房唔駛半小時就可以出番來，係我地個小朋友太曳，同埋大力先要攪左差唔多成個鐘先完成。我BB真係兩隻手臂仔有少少瘀左，都係佢太頑皮所致，要受D苦！！

私人傳訊

彭彭BB

男爵府

積分: 8440

BK Milk勳章

43^#

發表於 12-6-25 16:07 |顯示全部帖子

booboo_long 發表於 12-6-25 14:51
之前照超聲波我有入去，但顯影係等於X光嗎﹖我都係屯院....
駛唔駛留小便呀﹖屯院D醫生同姐姐好惡.....
咁 ...

照超聲波係可以入去嫁，我bb照左兩次都可以一位家長陪入去。

其實做顯影間房係响地下的X光部的某一間房，所以當左係X光房囉。至於留小便方面，因為上次醫院方面都好堅持要留小便化驗，同埋留得好辛苦，所以今次我地自己帶定去，點知又唔駛留喎。我估計可能之前未確診一定要留小便種菌啦！

屯院方便我地遇到的醫護人員so far so good啦！特別深印象都係上一次覆診個醫生咋！其他都不過不失啦！

私人傳訊

彭彭BB

男爵府

積分: 8440

BK Milk勳章

44^#

發表於 12-6-25 16:12 |顯示全部帖子

booboo_long 發表於 12-6-25 14:51
之前照超聲波我有入去，但顯影係等於X光嗎﹖我都係屯院....
駛唔駛留小便呀﹖屯院D醫生同姐姐好惡.....
咁 ...

我bb次次住院都係著醫院衫嫁，插喉前後都有著褲褲嫁。

私人傳訊

彭彭BB

男爵府

積分: 8440

BK Milk勳章

45^#

發表於 12-6-25 17:54 |顯示全部帖子

booboo_long 發表於 12-6-25 16:17
其實我個仔暫時都未確診係有尿液倒流，只係佢有腎漲問題所以要做顯影，上次覆診姑娘俾咗個尿袋我，咁我係咪 ...

我覺得準備定自己帶去方便d，另外衫方面係著咗片，再著醫院褲。可能我個囡大個d，d衫褲無問題。不過細個的時候，係將條褲腳摺起去。

私人傳訊

彭彭BB

男爵府

積分: 8440

BK Milk勳章

46^#

發表於 12-6-26 15:12 |顯示全部帖子

booboo_long 發表於 12-6-26 12:29
今朝雞咁腳去屯門醫院幫阿仔攞藥，一早攞藥真係少人好多，但係如果果日出院仲駛唔駛攞藥呀﹖
食咗呢隻特強 ...

上次問過醫生，我地都係兩隻一齊食。其實晨早入院只係方面醫生朝早巡房的時候，可以等病人有機會見醫生啫。如果有咩問題可以發問囉，插喉我地一點幾先插，你地應該唔駛等好耐就可以落X光部，最好大人安排一點鐘前食飽LUNCH啦。

出院當天我地無葯單呀！找數後便可以走人。

私人傳訊

彭彭BB

男爵府

積分: 8440

BK Milk勳章

47^#

發表於 12-6-27 11:05 |顯示全部帖子

booboo_long 發表於 12-6-26 15:32
回覆彭彭BB 的帖子

咁期間都唔會離開醫院架....

唔好客氣啦！有個概念係好好多嫁，我地個心定d，小朋友都無咁驚。祝你順順利利，同埋遇到d好好人的醫護人員啦。

私人傳訊

彭彭BB

男爵府

積分: 8440

BK Milk勳章

48^#

發表於 12-6-29 09:44 |顯示全部帖子

HokeeChung 發表於 12-6-28 19:21
我個仔之前都係發燒入醫院，之後話尿道炎，有大腸杆菌，住院期間打抗生素，出院後要食8星期抗生素，黎緊又 ...

我就咁睇，既然揾到隻菌，即係知道病因啦！咁樣做埋個超聲波，睇吓醫生點講先。當然其間要留意佢有無再尿道炎咁。

如果只係怕佢受苦的話，就諱疾忌醫咁就唔係咁好。最怕延誤左，影响到佢個腎就麻煩。

私人傳訊

彭彭BB

男爵府

積分: 8440

BK Milk勳章

49^#

發表於 12-7-1 19:11 |顯示全部帖子

引用:我仔仔都係4級尿道炎，而家排期做手術。好

原帖由 bloglo110 於 12-07-01 發表
我仔仔都係4級尿道炎，而家排期做手術。好擔心。

咁快知道4級？一邊定兩邊呀?唔好太擔心！醫生有無話要做咩手術呀？

私人傳訊

彭彭BB

男爵府

積分: 8440

BK Milk勳章

50^#

發表於 12-7-3 10:11 |顯示全部帖子

bloglo110 發表於 12-7-1 19:51
一边啊...(好在), 不过仔仔已经有一边腎有了SCRATCH..前几天, QM医生建议我们做微創手術...想看另外一个医 ...

一邊都好d，我囡係兩邊呀。要做微創呀，點做法呀，做輸尿管，定係要做其他嘢呀？

我都讚成睇多個醫生，聽多一些意見，我可以介紹我阿囡的醫生給你一陣pm你啦。

食葯方面，我阿囡已經食到馴哂，一叫佢食口服液呀，佢就會行埋來，然後擘大口。有時見到佢個心都會有d痛。我成日都覺得係d抗生素食到佢d胃口變後好差，佢係一個唔鐘意食嘢的小朋友。而家係番個頭，個人就好瘦。希望你bb做完手術後可以唔駛再食葯啦！

私人傳訊

彭彭BB

男爵府

積分: 8440

BK Milk勳章

51^#

發表於 12-7-17 12:13 |顯示全部帖子

booboo_long 發表於 12-7-16 14:38
我個仔確診咗係尿倒流(三級/一邊)，醫生話冇特別野可以做，等再大D照超聲波再跟進，大家有咩意見﹖
...

竟然醫生話無問題，都可以放心些。如果擔心的話可以問多個醫生的意見。有無話係咪要一路食住隻抗生素呀？

私人傳訊

彭彭BB

男爵府

積分: 8440

BK Milk勳章

52^#

發表於 12-7-17 17:27 |顯示全部帖子

booboo_long 發表於 12-7-17 14:30
醫生話食唔食都幫助唔大，可以唔駛食，不過C6就想食，所以依家仲食緊

比我會唔再比bb食，我都想快d阿囡唔駛食，怕有抗藥性。

點評

booboo_long 其實我都唔想...

發表於 12-7-17 17:29

私人傳訊

彭彭BB

男爵府

積分: 8440

BK Milk勳章

53^#

發表於 12-7-18 09:58 |顯示全部帖子

booboo_long 發表於 12-7-17 17:30
彭彭BB想問下你囡囡有冇尿黃既問題﹖我有時換片會發現條片比較黃，係咪有問題﹖ ...

我阿囡尿黃問題不是太明顯，因為佢唔多飲水，飲水飲得多些情況會好d。因為佢而家唔鐘意片片，學緊自己去toilet，可以見到佢d小便情況。

不過，我始終認為或多或少都會影响咗佢d胃口&成長。我阿囡出世時，健康院本手冊中有7條生長線（我指體重方面），佢自己條生長線係最高的第二條，而家慢慢下跌到由尾數上的第二條。足足跌左4條生長線，每次番健康院都要見醫生，但係當醫生知道佢有倒流問題後，就話醫院方面d醫生會跟進！我心諗如果無問題的話，健康院d姑娘就唔會轉我地要見醫生啦，話唔關事就假！到最近歲半果次先唔駛見醫生咋，我估計佢跌生長線的幅度無咁明顯掛，又或都醫生寫左remark掛。係呢，咁你bb體重方面發展得理想嗎？同埋番健康院有無話要見醫生呀？除左體重方面，我阿囡唔鐘意食嘢，可能食固體食物食得少，到而家都仲未識得講嘢！女仔係應該比較早過男仔講嘢嫁，不過我都唔係太擔心，其他方面佢都無咩問題。

希望快d到下次覆診啦，好番就唔駛再食抗生素，等佢可以肥番d先番學，一番學小朋友就多病痛，又再瘦多d就慘lu！

私人傳訊

彭彭BB