吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› Maykhera-嚴重濕疹-更新用了新方法-最後希望 ...

嬰兒醫護今日: 0|主題: 79100

收藏本版

發帖

返回列表

跳至頁

樓主: Maykhera

Maykhera-嚴重濕疹-更新用了新方法-最後希望 [複製鏈接]

小Sin子

男爵府

積分: 6581

1^#

發表於 11-2-3 17:06 |顯示全部帖子

原帖由 Maykhera 於 11-1-29 19:41 發表
Before有D好心嘅mama 介紹去順勢療, new skin, anway....... 已經用咗好多$試藥( 可能有希望嘅都想試), 但未見效果我老公巳放棄, 因為每次試咗2-3個星期巳用了好多$...因為實在差不多用曬d$...不過我會新年後靜雞雞 ...

你好呀 , 我 BB 又係好嚴重濕疹. 成面面爛面甩皮. 好似燒焦左咁. 不過睇相應該比你 BB 輕微 dd . 我唔知你之前同 BB 試過 d 乜 treatment . 但只想講 , 千其千其唔好再搽類固醇同食抗敏藥.

我 BB 下星期就滿 6 個月. 由 3 個月開始面部出濕疹 , 跟住到手腳同身 , 最後連頭殼都係. 初初我唔識 , 走去睇西醫. 醫生話佢都算嚴重 , 要搽類固醇 .佢話係好輕量 , 唔怕搽. 咁我又天真相信喎. 的確初初搽係好見效. 過幾日就退紅. 但後尾發覺越搽越唔 work . 以前係搽完好番就停搽. 到佢再番發嚴重時我先再搽. 整整下我發覺要 keep 住搽. 一唔搽就發得仲勁. 但搽一星期 , 要停下藥等皮膚休息下架嘛. 我先開始驚覺好似冇左類固醇搞唔掂. 但我已經搽完一盒仔類固醇藥膏啦. 唔可以再踩落去.

就去睇中醫. 佢開左隻藥粉俾 BB 搽. 消炎退紅功效可比美類固醇. 但又係有個問題. 搽完見效 . 但第二日又紅番.

朋友介紹下去左一位太和的中醫師度睇. 佢都奇怪我餵全人奶 , 好少 BB 會有濕疹. 就問我有冇感冒過. 我話有. 佢就問我係咪食過止鼻水藥. 我話係. 佢就解釋我聽 , 西藥的抗敏藥係越食越敏感的. 類固醇都係. 越搽越令身體敏感. 亦越搽越傷皮膚 , 搞到仲難醫.

而佢話我隻藥粉都係太重. 會傷皮膚. 諗深一層又係喎. 好快見效的藥, 一定係好強. 格硬抑制病情. 唔係治本.

佢開中藥俾我 BB 食. 其實都係去濕清熱功能. 我知道唔可以再靠西藥. 立心停哂一切強行抑制發炎o既外敷物. 淨係食中藥. 結果 BB 塊面爆得好勁呀 . 兩邊面紅哂結焦甩皮. 個樣好似燒焦左咁好嚇人.但食左一個星期藥. 由得佢爛面 , 淨係保濕. 亦敷過蘆薈加速傷修服結焦. 宜家已經有明顯好轉. 結焦甩左 , 出番多左白色皮膚. 紅色部份亦淺色左好多. 個身亦都有好轉. 頭殼濕疹結焦部份亦細左.

我唔知會唔會再番發 , 希望食多幾劑藥 BB 會完全變番白滑啦. 但真係要有心理準備 , 醫治過程係要時間. 我好同意醫師講o既一句說話 " 好得慢 d , 但都好過用西藥越整越差. " 濕疹係免疫系統出問題. 一定要靠調理身體慢慢去醫. 但真係要忍得住 , 接受佢爛面一段時間.

如果你有興趣帶 BB 去見我睇果位醫師, 可以 pm 我. 佢開藥o既成份係就番 BB 架. 好細份一劑. 煲埋一碗仲要分每日四次飲. 佢話醫過好多個濕疹小朋友喎.

我上網都有睇過關於冼醫師的 post , 見到有成功 case , 但亦有人話越睇越要繼續睇. 好似都會依賴左 d 藥咁. 所以我都唔敢去試住. 因為我覺得太快見效o既方法 , 應該都係比較重藥力的. 我諗都係自然少少, 慢慢等身體恢復正常好 d .

[ 本帖最後由小Sin子於 11-2-3 17:09 編輯 ]

私人傳訊

小Sin子

男爵府

積分: 6581

2^#

發表於 11-2-11 14:54 |顯示全部帖子

原帖由 welcomeangel 於 11-2-11 14:38 發表
唔該你先, 但係我想知道新年假期後係幾時開工呀?

係囉 , 我都好想 confirm 佢係咪聽日開診 . 我想一早帶 BB 去睇. 但我住屯門 , 唔想咁遠入到去摸門釘.

我 BB 已經爛面左兩星期 .......

私人傳訊

小Sin子

男爵府

積分: 6581

3^#

發表於 11-2-16 13:36 |顯示全部帖子

原帖由 welcomeangel 於 11-2-15 17:05 發表
努力呀, 我小朋友都好轉了, 我今個星期六11點都會去冼醫師果度复診, 希望到時見到你啦...
我上星期六11點半去度, 都見到一個bb好似你個b咁嚴重, 我初頭都以為係你添, 但後來才知道你3點先去到.... ...

我咪就係果位媽媽囉. 你係坐我隔離 , 女女都係 6 個月大 , 打左幾個乞痴好似有少少傷風架嘛 .

原來當日在坐三位媽媽都有上 BK .

我 BB 星期六睇完 , 今日星期三 , 濕疹已經好番 9 成啦. 好勁. 只係食左 1.5 劑藥. 我諗食埋淨番果 1.5 劑 , 會退哂紅掛.

你 BB 有濕疹咩? 望落冇乜野喎. 應該係好輕微啫. 好快好番 ~ 近日天氣凍 . 你最好幫女女著番暖 d . 果日見佢流鼻水 . 我都怕佢會再凍親.

私人傳訊

小Sin子

男爵府

積分: 6581

4^#

發表於 11-2-16 17:24 |顯示全部帖子

原帖由 welcomeangel 於 11-2-16 16:40 發表
哈, 真係好...
小sin子: 嘩, 你個bb好返9成, 好嘢噃, 可以的話, 星期六大家再見啦.

dingdong: 坐你隔離果位係婆婆定麻麻呀?
佢都好緊張, 不過, 好消息已經來了.
大家都已經好轉了.....yeah..

**我個女果 ...

我唔會再星期六覆診啦. 上次係因為佢新年後剛開診.我急不及待要去睇 , 因為星期六實在太多人啦. 我呢兩個星期都會 Friday 朝早去. 因為我番工係 part time , 平日都有假放.

我之前睇過另一位醫師. 佢教話最好等食完奶後 3 hours 先食中藥. 因為奶落到肚會凝結 , 如果同埋 d 中藥一齊 , 會影响 d 藥o既吸收. 或者改變佢性質. 咁食完中藥後大約 1 hours 先再食奶. 因為食完中藥好快再食奶的話, 會嘔奶的. 我宜家 d 中藥都係跟咁o既時間表去餵.

[ 本帖最後由小Sin子於 11-2-16 17:25 編輯 ]

私人傳訊

小Sin子

男爵府

積分: 6581

5^#

發表於 11-2-19 08:25 |顯示全部帖子

原帖由 welcomeangel 於 11-2-17 10:07 發表
各位,
以我親身所見, 小sin 子的bb已經好咗好多了.....你要add oil.
我地等你遲d 比d完全康復的相我地睇.

小sin子, 你有無facebook呀, 你upload 上去啦.

原來果個真係你. 我都覺得好熟口面. 但明明記得你話星期六先覆診. 就以為自己認錯.

係呀 , 我囝囝好番 8 , 9 成啦. 面珠仔退哂紅 , 滑番. 我終於可以錫佢塊面啦 , 好開心. 不過眼肚同額頭仲會番發. 琴日醫師話因為仲未清哂. 我問佢 BB 係咪濕疹. 佢話都唔算正式係喎 . 佢話 BB 係肝熱. 排唔到 d 毒出黎.

我同醫師講, 好開心佢靚仔番咁多. 醫師好有信心咁話 , 會幫佢搞到再靚仔 d 添. 希望下次覆診情況再有改善啦.

不過成日都要迫 BB 飲苦茶. 個過程都好慘......快 d 好番唔駛食藥就好 lu .

私人傳訊

小Sin子

男爵府

積分: 6581

6^#

發表於 11-2-19 17:14 |顯示全部帖子

原帖由 Maykhera 於 11-2-19 10:51 發表
原來係呀仔同我bb一樣, 我bb就超級熱氣, 但唔明點解, 我冇人奶佢食....奶粉真係咁熱氣?
今日佢又差番..面小小, 額多多....兩隻眼頭腫...仲R到額又流皿...係呀,你呀b搽完藥膏後會唔會好乾同小小話紅? ...

我諗都唔關食人奶定奶粉事. 係 BB 本身身體有問題. 排唔到 d 熱氣出黎啫.

我 BB 好番好多啦. 個身滑番哂. 淨番少少印同紅點.

塊面就退哂紅. 但額頭同眼肚呢兩日又起又退咁. 反覆不定. 但已經好好. 算好輕微. 醫師話佢未清哂 d 肝熱喎 . 繼續食藥囉 , 希望佢快 d 好番哂.

搽完藥膏 , 紅o既地方會結焦. 好似謝左咁. 又唔覺好乾喎 .....

你要睇住 BB 唔好俾佢 r 呀 . 訓覺時我用包被紮實佢的. 平時玩都要戴手套.仲要睇實佢. 一刻不離視線. 唔可以俾佢有 r 面o既機會.

你要加油呀 ~! 祝你 BB 快 d 好番.

[ 本帖最後由小Sin子於 11-2-19 17:15 編輯 ]

私人傳訊

小Sin子

男爵府

積分: 6581

7^#

發表於 11-3-2 12:50 |顯示全部帖子

原帖由 Maykhera 於 11-3-1 12:24 發表
2月28日..bb皮膚唔係幾好,出番好多疹..今日下午去Dr.洗覆於...又$620..洗醫生話食咗乜呀? 又番轉頭, 我話你上次叫我可以比雞肉佢食,但蒸好加粥嗎! 但佢好似唔係好ok wro..
BB 睇咗3次, 係有d反覆..但Dr.Sin 話有信心 ...

Maykhera ,

我 BB 情況都係反覆架 . 不過就輕微 d 囉. 出下幾逹紅色 , 過一兩日又退番. 醫師話佢體內熱毒未清喎 . 總之佢宜家唔係好似之前咁嚴重爛面 , 我已經好滿足啦. 咪慢慢醫囉.

私人傳訊

小Sin子

男爵府

積分: 6581

8^#

發表於 11-3-14 10:05 |顯示全部帖子

原帖由 Maykhera 於 11-3-13 18:37 發表
好煩吓...現在冇茶Dr.Sin嘅藥膏..bb嘅皮膚開始爛面...出水..硬紅皮...死啦!!點好呀? 停佐2次藥...2次都係咁..好唔開心...你bb點呀?第幾次做生物共勢?有冇番發呀? ...

Maykhera ,

記得我嗎 ? 我囝囝又係之前爛面出水好嚴重架呢 , 都係睇緊冼醫師o既呢 ?

見你話囝囝情況又轉差 , 呢一排又見大家激烈討論藥膏o既問題. 我都唔留言住. 因為我要觀察下自己囝囝情況先.

今日係 15/3 , 我囝囝一月尾開始爛面 , 12/2 第一次睇冼醫師. 果日佢塊面仲不停出水添. 睇完第一次 . 用藥粉用藥膏 , 沖涼飲藥. 三四日後好番 7 成. 之後情況都有反覆. 有時靚仔 d , 有時又出番一逹二逹紅.

不過我近日細心觀察同思考病情反覆原因. 發覺 BB 食錯野會發得勁. 以我觀察 . 佢食左 carrot 會發到豬頭咁. 後尾再發現連我飲 carrot 湯都唔得 ( 因為我 BB 係全人奶的 ) . 我宜家戒口戒得好嚴. 發現令病情惡化原因之後 , 加以避免. 近日 BB 情況算穩定. 雖然仍然係有時呢度紅 , 有時果度紅. 但整體上 BB 塊面底層係白淨番. 証明 d 濕毒係清左 d . 但可能始終未清哂. 所以有時眼同咀都仲係會出少少. 搽下藥膏又會好番.

我琴日帶 BB 去睇另一位醫師. 佢醫好我奶奶的濕疹. 都係相同斷証. 話 BB 熱氣困濕. 都係開清熱去濕的湯水同藥. 今日食埋冼醫師果劑藥 . 我就會試新藥. 不過都仍然會去冼醫師度覆診.

你有冇觀察下 BB 食完咩野之後會發得勁 d ? 我諗個個 BB 都唔同的. 有人連 apple 都敏感添. ( 我 BB 食左 apple 都好似情況麻麻 ) 我問過冼醫師 BB 食唔食得 carrot . 佢都話得. 但結果係 , 我 BB 受唔到. 我記得你之前話 BB 食左雞肉之後番發. 會唔會係對雞肉敏感 ? 我宜家淨係俾 BB 食豬肉同菜心. so far 觀察佢食左都冇事. 佢宜家 7 個月大. 諗住過一段時間等佢濕疹好番先敢試其他野.

至於大家激烈討論的藥膏問題 , 我又想分享少少自己諗法. bb 濕疹初發 , 我乜都唔識 , 西醫俾佢搽類固醇藥膏 , 我就照做. 係最低濃度的 hydrocortisone ( 濕疹媽媽應該好熟識 , 呢隻係俾 BB 用的 ) 開頭係好 effective . 但搽搽下 . 我發覺已經 control 唔到個發炎. 日日搽都退唔到紅. 同一逹位置仍然係搽極都發炎. 我深深體會到搽類固醇果個抗藥性. 條不歸路係越搽越高濃度.

搽冼醫師的藥膏. 我個人認為冇類固醇. ( 我自己覺得咋 , 不喜勿插 ) 因為搽完 , 果個位置會謝會好番. 番發通常都係另一 d 位置. 就算係同一位置 , 都係隔一段日子之後o既事. 所以我覺得番發唔係抗藥性o既表現 , 而係本身體內毒素未清 , 番發都好正常啫. 我之前用類固醇 . 係直情同一位置控制唔住 , 連續性地相同位置加劇病發的. 唔會好似宜家咁. 一個位置好番. 過幾日第二個位置再出過.

我有一位年長的朋友 , 濕疹幾十年 lu . 佢話濕疹總係要有 d 地方發出黎. 佢自己就係腳上某個地方. 點都會番發. 其他地方醫好哂 . 淨係果個位置一定會發. 佢話 d 毒素總要有地方排出喎.

我宜家做法係 . 有紅o既地方先搽. 其實一日都係搽 1-2 次. 好番之後又唔洗搽. 同一時間用食中藥同飲清熱去濕湯水調理根治內部. 外敷用藥純粹係等 BB 消炎止痕. 真正要醫好 , 我諗都係要俾 d 時間佢慢慢調理的.

我都好同意之前某位媽媽所講 , 中藥可能唔多唔少都有 d 有害成份. ( 其實西藥都係一樣啫 ) , 長期搽梗係唔掂啦. 唯有係當短期舒緩方法架咋.

最後係想分享我上次覆診. 聽到冼醫師同另一位病人o既對話 ( 冇辦法 . 睇証時佢地好大聲 , 我唔係偷聽的 ) 個病人唔係睇濕疹的. 好似係氣管有事.

病人 : 我之前好嚴重 , 睇西醫佢開類固醇藥俾我食.
冼醫師 : 果 d 野唔可以成日食架 , 死得人架 ! 不過可能你果陣情況緊急 , 佢先開俾你食啦.

聽冼醫師咁講 , 我感覺佢都清楚類固醇害處 , 應該唔會咁無良 , 明知自己藥膏有類固醇 , 都話叫家長們幫仔女搽多 d 都無問題掛. 或者我太天真啦. 但我的確係咁諗.

其實睇多幾個醫師都好o既. 我唔係唔信冼醫師 . 但同一時間都想搵 second opinion , 睇下唔同醫師點講都好嘛.

私人傳訊

小Sin子