心聲留言今日: 5|主題: 17334

收藏本版

發帖

返回列表

跳至頁

查看: 1891 | 回覆: 2

有冇人可以幫到我老豆呀? [複製鏈接]

jwmae

大宅

積分: 1999

1^#

發表於 09-4-27 01:13 |顯示全部帖子 |倒序瀏覽 |打印

我老豆高血壓咗十幾年,每日食一粒降血壓丸,一路身體都可以,只係近幾年開始腳冇力同腳腫,要用拐杖。因為腳腫同佢睇過好多次醫生,CHECK過晒尿酸,腎功能,胆固醇,照過肺,又通通正常。直到上個月,佢幾日去唔到大便,同成日去唔到小便,入咗急症。醫院同佢插尿喉,同叫佢每日唔好飲多過一公升水,出院後,佢每日要食一粒前列腺/降血壓藥,因為呢隻藥,令佢有尿酸,同肚瀉問題,佢要另外食3粒尿酸藥,同兩次大便水。另約咗內科同一個月左右之後覆診。出院前醫生話前列腺方面食住藥先,如果唔得就可能要做手術。

咁我哋見到老豆幾十歲人由每日食一粒藥,變成食幾種,又話佢前列腺有事,咪帶佢去睇私家囉,泌尿專科話佢前列腺發大,只要做一個微創手術就可以解決,我哋就諗住呢個手術之後老豆就會好似以前咁唔洗食咁多藥啦,就响老豆同意下安排佢响私家醫院做呢個手術,點知手術後,老豆排尿情況都唔理想,到星期日出院時,心臟科醫生比佢一粒降血壓藥,泌尿科醫生比佢去水丸(兩日),排尿藥,消炎藥同止痛藥,約咗出院後第一個星期六覆診。
就响出院後幾日,老豆開始失禁!
星期六返私家覆診前,星期五佢去咗政府的內科覆診,政府醫生又同佢換過一批藥,去水,血壓,大便,排尿。當時我哋問點解要轉藥,政府醫生話私家開的藥唔夠,然後問我地打算信政府定信私家。佢哋商量過,覺得以後有咩事都係睇政府多,所以就星期六都冇返私家度覆診。