基督家庭

收藏本版
發帖
返回列表
跳至頁

首頁
12

尾頁
   0
Vanki


大宅

積分: 2473


21#
發表於 11-12-12 16:01 |顯示全部帖子
本帖最後由 Vanki 於 11-12-12 16:07 編輯

我仲未生呀, 今天已經 40wk 2days, 上週覆診時醫生已經話因小b頭大又重磅, 所以頭仔仲浪住落唔到低位, 已為我排期14號入院, 15號催生多數要開刀. 唉 ... 要開刀係我最唔想見到的 ... 頭大又大隻真係似足我c6, 但我一直比人話肚細, 只重了20多磅肚圍38寸, 咁都會生巨嬰 (預計 4kg) 真係估佢唔到. 明天又要返 QE 覆診, 會再問下醫生有無機會自己生唔開刀, 如果小b頭大, 夾硬生會否爆盤骨呢? 仲有我睇書話開刀要3日後至有初乳, 到時小b食左奶粉驚唔肯食人奶. 唉 ... 開刀真係對大細都無益. 而且要面對人生第3次手術, 真係好悲傷呀! 現唯有安慰自己只要小b出世健康正常就好了. 請各位為我及小b 禱告, 多謝!

唉 ... 我很責怪自己會唔會係自己唔好, 成日帶住條托腹帶, 所以阻住小b頭仔落唔到去呢? 小b隻腳仔已追番正常長度, 但又會唔會係我為左小b隻腳仔所以成日食雞蛋/高鈣鮮奶, 所以小b咁重磅呢? 主呀! 請袮不要遠離我, 我現在真的很擔心又不安, 求袮讓我凡事來依靠袮, 向袮求向袮要, 將心裡所想的盡都交托, 求你成就並賜予平安, 希望藉著此事, 更多來經歷及依靠袮! 不論生產過程如何, 求主賜予小b有健康正常的身體, 從小認識袮捨己的大愛. 為此感謝讀美袮!
私人傳訊

Vanki


大宅

積分: 2473


22#
發表於 11-12-12 16:12 |顯示全部帖子
Babyislove, Yikaho & Sukij,

多謝你地的支持及鼓勵, 請多為我15號 催生/開刀一事多有禱告. 謝謝!
私人傳訊

Vanki


大宅

積分: 2473


23#
發表於 11-12-13 15:36 |顯示全部帖子
今早 c6陪我返QE覆診, 第一次驗到有尿蛋白, 不過後日都生嘞, 可以不理. 醫生話我可能肚皮薄, 所以唔多覺小B大隻, 仲話如果佢係我, 就一定唔駁會聽醫生話開刀, 因為怕小B如自然生時出到個頭, 但肩膀出唔到的話, 怕小b會焗親, 又有可能拉出來時會弄傷神經線 ...... 有咁多可能的危險, 所以我都係乖乖地聽話開刀了. 醫生仲話其實醫院仲驚過你, 因為有咩之後要負責. 咁又係!

我相信小b係神賜予我及c6的產業, 定必為我安排及預備最好的. 那我就信而順從, 將一切交托予神好了. 明天 14號早上入院, 後日15號就要生小b, 好期待跟小b 首次見面, 要佢屈住10個月太辛苦了. 出院後再 update 大家.

多謝各位關心, 請為我及小b 繼續代禱!
私人傳訊

Vanki


大宅

積分: 2473


24#
發表於 11-12-13 18:45 |顯示全部帖子
Hi bbmm-mon & sunlokting,

多謝你地的支持, 我都好期待小b 快d出世跟大家 say hello!

工人剛巧今日來上班, 一切都係主的恩典, 為小b 及我一家適心的安排, 好感恩! 求主繼續帶領, 賜予小b有健康正常的身體, 最小愛主, 一生一世必有恩惠慈愛隨著我們

點評

babyislove  大隻BB, 15號見喇!呢度好多姨姨等住你平安出世o既好消息  發表於 11-12-13 22:04

私人傳訊

Vanki


大宅

積分: 2473


25#
發表於 12-1-1 15:58 |顯示全部帖子
各位你地好, 新年快樂! 我囝囝 已經在 12月15日平安出世, 重 3.3kgs ...... 唉! 我點解咁遲才上來 update 大家, 係因為囝囝一出世就有肺穿lung, 第一晚就入了幼嬰病房, 第二晚仲改入ICU ...... 真係神的恩典夠我用, 我與囝囝上了一堂在主裡信心的功課, 最終囝囝靠著主的大能, 戰勝了一切自己好了起來, 最終在 12月21日我抱住囝囝平安的回家了, 所以我每天都要多花時間去觀察囝囝的各樣情況, 不容有失所以遲遲都未上來與各位報平安. 他現在體重已升至 3.5kgs, 勁喜歡吃奶及瞓. 前天再返醫院照 x-ray 片, 都確實已完全康復, 真係好感恩及讚美主.

好感恩主安排我在政府醫院生囝囝, 才可以在各方面有適當的治療, 為此感謝讚美主!
私人傳訊

Vanki


大宅

積分: 2473


26#
發表於 12-1-3 18:23 |顯示全部帖子
回覆 Silent16 的帖子

我個印傭叫 Supi, 同你親戚果個同唔同呀? 如有問題請通知我. Thanks!
私人傳訊

Vanki


大宅

積分: 2473


27#
發表於 12-1-3 20:51 |顯示全部帖子
Hi bbmm-mon,

多謝你的祝福並時刻記掛住我倆母子, 我囝囝在 ICU 時已幾食得, 可以食到 70-85ml, 出院後我全力餵人奶, 令加奶粉輔助, 現在一般食到90ml, 有時餓起上來要 120ml 至夠, 可能似我 c6 又食得又瞓得.

其實出院後我有時仍想起在 ICU 內的其他BB, 他們大多都係早產只 20多週就出世, 在氣箱內插晒喉真係好慘, 有些BB 更要造手術, 見狀全身發黑插晒喉連哭也不能, 可憐其媽媽含淚望著箱內的BB, 所以每當我想起為他們禱告的時候都哭了出來, 因為自己囝囝的幸運在感恩的同時, 亦要關心其他BB 要為他們禱告, 希望每個BB 都可以好似囝囝一樣康復出院, 跟父母一起回家快樂地生活.

祝願他們每一個BB都能痊癒, 個個健康正常快樂的成長!
私人傳訊

Vanki


大宅

積分: 2473


28#
發表於 12-1-10 00:00 |顯示全部帖子
回覆 bbmm-mom 的帖子

哈哈, 阿仔真係幾 "擦得" 而且好有力, 所以我餵人奶時真係好痛 ..... 痛, 但見佢食得瞓得, 真係咩都值得.

希望大家都為 ICU 病房及其他患病住院中的兒童多加禱告, 求主賜予他們有恩賜及力量能早日痊癒, 能早 日回家跟父母及家人一起週農曆年啦!
私人傳訊

Vanki


大宅

積分: 2473


29#
發表於 12-1-10 00:04 |顯示全部帖子
回覆 Ah_B 的帖子

多謝你呀! 你 Ah B 張相好可愛啦, 真係好相錫佢面珠. bb 真係神賜的產業, 係每個家庭的心肝寶貝.
私人傳訊

Vanki


大宅

積分: 2473


30#
發表於 12-1-10 00:08 |顯示全部帖子
因為我遲生, 個陪月又要趕下一個期的太太 (係我家姐的同事), 所以陪月只照顧了我及小b共 16日就完了, 點知她另介紹來做埋尾10日的新陪月又驚青無信心來了一日就唔做, 所以我現在係交晒比工人幫我買送煮飯煮補品, 她感恩她都ok呀.咁重好摼番d錢來補身好果.請問大家知唔知坐月食咩補品好呢?教下我啦! Thanks!
.
私人傳訊

Vanki


大宅

積分: 2473


31#
發表於 12-1-10 20:59 |顯示全部帖子
回覆 ndw 的帖子

Dear ndw,
多謝指教! 薑炒飯我鍾意呀, 但我係開刀生的, 今天已 26日, 是否可以係薑呢, 不過我之前個陪月有講話 25日後可吃薑醋, 我諗我應該食得瓜 . 我現在每天下午都會飲花膠燉鮮奶 (係高鈣低脂), 鰂魚我都每隔2-3日係一隻, 奶奶/工人每天都有煲魚湯我飲, 日日飲幾杯南棗/紅棗果皮炒米水造代茶, 另我每晚都食一盅燉品, 昨天食 "北旗, 當心, 己子龍眼肉燉豬展, 今天奶奶同料燉牛展 ... 至於酒呀, 我阿媽大大支老鼠酒要迫我飲 ... 想暈. 唯有講餵人奶唔飲得酒啦!

會再參考你的食譜. 多謝晒!
私人傳訊

Vanki


大宅

積分: 2473


32#
發表於 12-1-13 15:10 |顯示全部帖子
回覆 ndw 的帖子

Hi ndw & babyislove,

我生後約20天已清惡露, 我囝囝於本週日已滿月, 但我都唔心急食薑醋, 因為要食的話產後100天內補身都可以, 而且我奶奶/工人日日有北旗黨心己子燉豬/牛/雞湯我飲 (但飲後有D燥多眼屎), 仲 feel到手腳好暖唔凍 (以前好怕凍), 所以我會慢慢進補唔洗急!

做左媽媽後咩都想比最好既小b, 所以我勁飲魚湯/代茶都係為左多人奶, 生後第一個星期個傷口郁下都似想爆開, 但都盡力pump 奶比當時在 ICU 的囝飲, 好彩都係痛左一個多星期, 之後都行動自如, 係人見都我都話係似剛生完, 我諗都係因為我多行多走才康復得快瓜! 唔知呢?

老鼠酒現在餵奶期間一定唔會飲 ... 實在太嚇人恐怖, 希望阿媽之後忙記唔好再叫我飲就好了.

請問坐滿一個月是否可以日日淋浴沖涼呢? 我現在係日日用薑水/陪月三寶煲水沖涼/抹身, 頭都係洗過2次炸!
私人傳訊

Vanki


大宅

積分: 2473


33#
發表於 12-1-16 22:47 |顯示全部帖子
回覆 yikaho 的帖子

多謝 Yikaho, 我會小心唔比自己冷親, 一於明天開始可以用花灑沐浴. 爽呀!

私人傳訊

Vanki


大宅

積分: 2473


34#
發表於 12-1-16 22:52 |顯示全部帖子
多謝各方 jm 多月來的關心, 我囝囝 剛滿月啦, 收到好多親人/朋友 的祝福, 真係好感恩, 求主繼續保守阿囝身體健康, 各方面都正常快樂地成長, 從少認識主耶穌, 一身愛主事奉祂. 願榮耀頌讚歸予主耶誕.
私人傳訊

Vanki


大宅

積分: 2473


35#
發表於 12-2-1 16:54 |顯示全部帖子
各位好, 祝大家龍年心想事成, 身體健康, 生活蒙福!

我囝囝己有1.5個月大, 現有10磅重, 都幾食得, 我餵人奶時食得好起勁呀, 又好鍾意我地帶佢出街, 眼睛周圍睇野唔扭計.

我仲有個幾星期的產假, 之後就要返工啦, 真係好唔捨得, 希望個工人繼續好好幫我湊囝囝就好嘞!

祝各位主恩常在!
私人傳訊

Vanki


大宅

積分: 2473


36#
發表於 12-2-7 13:25 |顯示全部帖子
時間真係過得好快, 我由懷孕那刻起到驚BB有唐氏疑雲, 又再到囝囝出世有驚無險地在ICU住了一星期康復出院 …… 對我的人生都係充滿與主同行的經歷, 唯有主能給予我希望保守及平安, 真的好感恩主的恩典夠我用, 為此感謝讚美主! 希望主繼續保守我的一家, 特別係賜予囝囝有健康的身體, 各方面都有正常的發展及成長, 初日能認識主耶穌, 一生被主帶領, 事奉主及教會, 我C6都因為囝囝的緣故, 亦早日相信主耶穌.

我的產假快將完結, 下週一就要恢復上班啦, 希望有主的祝福, 令我的工人能繼續好好的照顧囝囝, 一家人生活蒙福!
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見