吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 0-6個月› 人奶同奶粉令我好大壓力

0-6個月今日: 4|主題: 37161

收藏本版

發帖

返回列表

跳至頁

樓主: Kingsleypo

積分: 9150

1^#

發表於 19-4-19 22:00 |顯示全部帖子

Kingsleypo 發表於 19-4-19 02:02
回覆 Kingsleypo 的帖子

今日見到篇文章，睇到眼濕濕，正正講到我心聲。

我同你經歷差不多，好有感觸。生第一胎嗰陣得陪月幫手。我上奶上到石頭胸，佢咩都唔識話幫我推，推到瘀咗變乳線炎。99日日問點解無奶，唔埋身，搞到我坐月都日日喊。因為乳線幼，每次泵奶前按10分鐘泵30再按20分，搞成粒鐘先得半安奶。搞到坐月每日瞓唔夠3個鐘，仲要因為阿仔成日痾唔到poo poo俾99話如果今時今日bb飲全人奶就唔會便秘。嗰陣我真係抑鬱，最後堅持到4個半月就放棄，因為我請個本地姨姨唔肯做，我放工要飛返去湊仔，唔夠泵奶時間。

私人傳訊

prswinki

男爵府

積分: 9150

2^#

發表於 19-4-19 22:01 |顯示全部帖子

第二胎我本來諗住有陪月加姐姐應該可以安心泵奶。原來又係錯，大仔似你咁好唔鍾意，因為媽媽泵奶時間太長，佢唔明點解媽媽無時間陪佢而成日發脾氣。雖然我好快追到半人奶，但係每日最多餵到妹妹一次。最慘係坐月最後一星期大仔感冒傳染埋我，我夜晚照顧佢之餘仲要泵奶，頂咗一星期睇醫生，開咗藥要泵奶後隔4個鐘食。就係因為隔太長時間，幾日就乳線炎，唔止奶量大跌，要食2星期消炎藥先唔痛，仲要電泵已經泵唔到奶，要用手擠。有段時間係一路泵一路喊。努力手擠咗一星期就變咗媽媽手，連抬手餵奶掃風瞓覺都痛。

私人傳訊

prswinki

男爵府

積分: 9150

3^#

發表於 19-4-19 22:01 |顯示全部帖子

我而家都矛盾緊退唔退奶好，覺得自己明明有奶但唔餵好對唔住個女。但係身體真係唔容許。結果，我上星期開始飲回奶茶，回到1日得一餐返而舒服好多。因為無乜奶想出街又得，又唔洗再用手擠，泵10分鐘已經無出奶。而家打算自然無奶就停。
好明白你感受，大家都勸我飲奶粉都有營養，但係身為媽媽想俾最好仔女，加上明明有奶唔餵，覺得自己係咪唔夠勤力捱唔到苦。而家我反而覺得最緊要搵到自己最舒服嘅方法，無論餵定唔餵，自己開心最緊要。

私人傳訊

prswinki

男爵府

積分: 9150

4^#

發表於 19-4-20 13:21 |顯示全部帖子

Kingsleypo 發表於 19-4-20 10:39
回覆 Darjeeling_ma 的帖子

好想知你當時用咩方法退奶？我真係好矛盾，自己減少泵嘅次數好似係我親手攞走 ...

我叫陪月去藥房執回奶茶，但係你預飲完會乳線收縮，勁谷。佢叫我唔好泵，唔好搞佢，用冷敷就收奶。但係最難受係飲完會推晒啲奶出嚟，直情係一除bra 就噴奶柱。搞到我覺得明明自己多奶但唔餵，好內疚。飲咗幾日回奶茶由可以餵到3餐到得返一餐，點知可能太急，bb 腸胃唔適應2-3日先去到一次便便。有次佢谷到痾唔到爆喊我就抱住佢喊住話對佢唔住，媽媽太無用，媽媽手又乳線幼搞到佢無奶飲。所以如果你回奶都最好慢慢俾佢減人奶餐數。而家我收到淨返一餐反而人舒服啲。因為無乜奶就無塞，每邊泵5分鐘就出晒奶，可以瞓過夜唔起身，人係精神咗又開心咗。

私人傳訊

prswinki

男爵府

積分: 9150

5^#

發表於 19-4-20 13:29 |顯示全部帖子

仔仔因爲我陪到佢出去玩，又開心好多。當我同仔仔講唔再泵奶嗰陣佢係開心到飛起。而家陪佢出去玩全日，一係就手擠奶，一係就忍到返屋企。輕鬆好多又有奶俾妹妹。算係咁。等到5月再諗下返工前全收。

你都加油，我好明白嗰種明知自己已經到極限，但收奶又覺得好對唔住細嘅感覺。可能你同我一樣泵太耐係太多奶塞住，回少少等佢通咗再泵可能好啲。或者你試下叫99唔好上嚟住，我真係落咗禁令除非我老公喺度，唔係唔好上嚟。佢上嚟我入房。雖然外人睇我無禮貌，但係無人會明白我一聽佢把聲已經手震心跳想喊，好怕佢問我點解唔埋身無奶俾妹妹。保護自己精神狀態都好重要。

私人傳訊

prswinki

男爵府

積分: 9150

6^#

發表於 19-4-20 21:39 |顯示全部帖子

Kingsleypo 發表於 19-4-20 16:43
回覆 prswinki 的帖子

我第一胎時冇工人冇陪月，6299日日精神折磨我。為左出口氣，一日得一兩餐奶量我都死 ...

本帖最後由 prswinki 於 19-4-20 21:47 編輯

我第一胎得陪月咋。你99肯湊都算好啲，我99嚟淨係出口術咋。bb漏尿，一定係你包得唔好；嘔奶一定係你掃風唔得，我見人哋唔係咁餵奶掃風。唔夠人奶就因為你無埋身，仲話點會埋唔到身，bb喊就話係時候啦，你除衫餵啦

仲怪我因爲無埋身所以佢個仔要餵夜奶（其實我個仔一個月已經戒咗夜奶，加上我有幫手掃風）

最慘係大仔無poo poo係奶粉熱氣，我仲好記得嗰句氣今時今日全人奶囝囝又點會無poo poo。所以我今胎點都唔會俾佢過嚟，我好怕佢又怪我人奶唔夠。其實做人阿媽點會唔想俾最好仔女，當自己已經怪責自己同時再有人唔知頭唔知路加把口真係會抑鬱。你餵到歲幾兩歲好叻叻

私人傳訊

prswinki

男爵府

積分: 9150

7^#

發表於 19-4-28 08:48 |顯示全部帖子

Kingsleypo 發表於 19-4-27 09:36
回覆 prswinki 的帖子

Prswinki, 你仲有幾耐返工呢？我仲有一星期咋，好忐忑，宜家已經一日2泵，退唔退好 ...

我仲有一個月先返工呀。而家因為收咗2/3奶，一日5泵每次一安，剛剛夠一餐。我都仲考慮究竟退奶好定追奶好。成日內疚明明之前夠3餐，bb可以半人奶，搞到而家得一餐。之前bb日日有便便，而家2日先有一次。早排突然回奶仲要4日先一次。但係當我泵返一日5次又多少少奶又開始塞，搞到擠奶又手痛。

其實最主要睇返工搞唔搞得掂。我返工車程來回要3個鐘，加上如果要準時放工湊仔真係連午餐時間都用埋。似乎無可能泵奶，但係退又好似對唔住bb。日日就好似有天使魔鬼對戰咁。

私人傳訊

prswinki

男爵府

積分: 9150

8^#

發表於 19-4-28 09:10 |顯示全部帖子

Kingsleypo 發表於 19-4-28 01:42
回覆 Chingyeeyeee 的帖子

我公司係有基本設備，只係我預計自己未必可以係工時內完成到工作，而我亦因為每 ...

我同你情況真係好似。原本諗住公司無房泵奶點都要回奶。點知回奶到一半先知公司為咗方便同事泵奶整咗兩間小泵奶房，搞到真係回奶都無藉口。
我每日放工都趕返屋企湊仔，因為姐姐無可能照顧到2個。

私人傳訊

prswinki

男爵府

積分: 9150

9^#

發表於 19-4-28 10:25 |顯示全部帖子

Kingsleypo 發表於 19-4-28 09:06
回覆 prswinki 的帖子

係呀！感受一樣！但係我知自己係無可能追到幾多奶，因為本來就係出奶慢量唔多嘅媽媽 ...

同路人呀！我都係出奶慢，仲要係窮媽。追奶最多都係半人奶咋。

有大仔湊係真係差好遠。我大仔成日要我陪佢玩，一泵奶就扭。有時半夜泵泵下奶佢大叫要媽媽。

私人傳訊

prswinki

男爵府

積分: 9150

10^#

發表於 19-4-28 10:27 |顯示全部帖子

Kingsleypo 發表於 19-4-28 09:27
回覆 prswinki 的帖子

老公好想我停...呢個係一股阻力。

本帖最後由 prswinki 於 19-4-28 10:28 編輯

Me2。老公成日問話你唔係話回奶咩，點解仲泵。我話要俾妹妹腸胃適應咗奶粉先，唔係無便便就慘。
我覺得老公們都係錫住老婆唔想我哋辛苦先咁講

私人傳訊

prswinki

男爵府

積分: 9150

11^#

發表於 19-4-28 15:30 |顯示全部帖子

Kingsleypo 發表於 19-4-28 14:32
回覆 prswinki 的帖子

坦白講，女女出世後，我對大仔的確忽略左，佢唔想我泵奶真係十分正常。為左個家，我 ...

本帖最後由 prswinki 於 19-4-28 15:36 編輯

好明白呀。即係理智上知道為咗頭家要放棄，但係感情上覺得明明人奶最好，可以俾最好bb,但選擇俾奶粉好對唔住個細。

知道奶粉唔係毒藥，但係大仔食人奶時間長過細嘅，好似對細嘅唔公平。

加上窮媽啲奶得來不易先更難捨。諗返起開刀第三日已經凌晨4點泵奶，成個餵奶房得我一個媽媽，為咗追奶咩都得。而家放棄好似之前努力白費晒

私人傳訊

prswinki