goodfuture 發表於 14-5-31 18:40
樓主，好多謝你的出國描述，追看中…
我囡讀中四，我們都有打算送她出國，但好矛盾，原因:
1. 女兒同我及 ...多謝你追看，最近要考試同搬屋未有時間更新呢就咁睇我覺得你個女同當年既的幾似haha１.未出國前有咩問題都係屋企人幫我解決，小六時有人偷左我錢包係媽咪同老師講，中學請病假都係媽咪返去拎功課，有咩大小昆蟲都係阿爸搞店，我小時候所有bb牙都係等5pm阿爸返黎先拔....係溫室成長既９０，００後又點會自己解決困難架...出國初時遇到困難我都會打返去同屋企人講，但佢地話鬼叫你看己唔讀到d書要去到咁遠咩...阿爸話因為我係太遠，佢唯一可以幫我既就係金錢上解決到既問題（老實講我屋企都唔係好有錢），其他就要靠自己啦。所以我學識左做家務，打小強，換燈泡...呢d都係小困難姐不過...你地感情咁好，咁個女都會咩都同你講啦，只不過係你隔住個電腦／電話教佢姐，應該冇咩問題到左一段時間，佢就會自己大事化小，小事化無，唔會全部野都同你報告，雖然係咁唔等於你地感情弱左架，好似你同你媽媽咁，你小時候會同媽媽講今日有同學點點點，你返工後都唔人樣樣野話你媽知架...第一可能事情太小，第２講左都未必幫到你２.我都見唔小，但亦有好多人頂得住。送仔女去留學，同賭錢一樣。好睇你小朋友係咩人...我有個同學佢讀左一年多到因為爸爸有病要返去...留學錢係要用好多的，但呢d經驗真係好難得。如果你付擔得起，我覺得一試無防３.我以前都係冇學習動力架，除左玩外都冇咩堅持。我屋企因為唔係好有錢所以由細到大阿爸都教我地應洗得洗，返左part time後我更加知道搵錢有幾辛苦，我依家每次返工都心諗點解阿爸可以頂到咁多年日日１２個鐘返工...我知道屋企俾我既機會只有一個，我唔好好善用就浪費，所以點都要排除萬難讀好佢....就咁睇你個女都幾識諗呀....平有平生活架姐，冇人叫你餐餐去citysuper買菜架ma，係香港成日出街食飯，係外國我日日就食自己...平好多架....仲有外國未必有香港咁多娛樂，所以要洗既地方冇咁多你女女依家幾大呢，佢想去邊個地方呢？因為我係會考舊制，你講既ive係中六之後讀多１，２年架嗎？我媽果時講，我會考１３分，讀到中６７都升唔到大學，所以俾我早d去。我個人覺得呀，讀完ive後識多好多唔同既朋友仔，有d係出黎半工讀既，對你女女未必有正面影響。同埋難聽d講，ive讀完冇咩用，如果你唔讀落去的話。ive都要錢，女仔時間好寶貴，如果佢心理準備好既，我覺得可以早d去。如果你同你先生有時間，可以係當地開學前同女女一齊去生活１﹣２個星期，等佢ready好，臨走果時一定好傷心架啦，不過總有要放手既一日只要你女女捱得住，４年後一定有所不同!加油，有唔明再問啦
發表於 
返回列表
