吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 有冇媽咪曾嚴重胎盤前置? 很擔心.......

懷孕前後今日: 53|主題: 329736

收藏本版

發帖

返回列表

跳至頁

查看: 9250 | 回覆: 32

有冇媽咪曾嚴重胎盤前置? 很擔心....... [複製鏈接]

vvcc

大宅

積分: 1952

1^#

發表於 08-5-13 22:38 |顯示全部帖子 |倒序瀏覽 |打印

有冇媽咪曾經嚴重胎盤前置, 即係第3-4 期.
你地最後响邊度生產呢?
私家定政府呢?
可以分享一下嗎?
我真係好好好好擔心呀......

mouth:

0 0 0

私人傳訊

vvcc

大宅

積分: 1952

2^#

發表於 08-5-14 22:50 |顯示全部帖子

原文章由 rainrain613 於 08-5-14 12:51 PM 發表

我也是胎盤前置...
之前是胎盤底, 後來才發現胎盤前置有2.1距離, 接著是變了沒距離而且是hi到子宮位, 最後一次胎盤前置是bb的頭已點到子宮位, 這樣是叫嚴重胎盤前置? 跟著大出血便緊急取bb出來, bb出來時只得4.7磅 ...

多謝你既回應呀!!
我個私家醫生都話有可能會大出血, 我真係好驚.....
請問你大出血前有冇啲咩先兆????
請問你有冇接受輸血呢???
你lost 咗幾多血?? 同埋輸咗幾多包血呀???
仲有, 你响邊間醫院生架??
我個醫生話如果响私家醫院生, 要幾十萬!!!!!!!!!!!!!!
我真係冇諗過生bb 要咁貴.....鳴鳴鳴鳴.....

你個手術做咗幾耐呀??
唉, 請你唔好介意我咁多問題, 因為我真係好擔心......

私人傳訊

vvcc

大宅

積分: 1952

3^#

發表於 08-5-14 22:57 |顯示全部帖子

原文章由 winwin815 於 08-5-14 01:10 PM 發表
我生第二胎時係胎盤前置第三期, 算係好嚴重, 我係係PWH生既, 不過我係CONFIRMED係胎盤前置前, 都未流過一滴血, 因為我大囡囡仲好細, 兩個BB只相差13個月, 所以我就算大住個肚, 都照搬車仔, 同大囡囡爭取時間去玩多D, ...

你生咗兩件, 真係幸福呀!!!
我第一胎咋, 好驚到時大出血有咩差池, 要cut 子宮, 唉, 我仲想生多個bb 架......
點解我會咁 '好彩'??????
咁請問你個手術做咗幾耐呢???
你流咗幾多血呀??? 我個醫生話有啲人會流成6-7公升血呀.....
咁你生完住咗幾多日醫院??
最後埋單幾多錢呀??
因為我想比較下公立醫院生bb 同私家生bb呀.....

私人傳訊

vvcc

大宅

積分: 1952

4^#

發表於 08-5-14 23:04 |顯示全部帖子

原文章由 mybabymouse 於 08-5-14 02:48 PM 發表
我4月中係qe開刀生, 係胎盤前置第3 期, 之前一直係胎盤低, 到左34週仍然係低就confirm胎盤前置, 而且係第3期, 覆診時, 醫生話要留院待產 (等足月...即38週, bb身體機能發現好d先開刀), 因為可能會突然大量出血, 大小 ...

嘩, 你好叻呀, 可以捱到38週,
我宜家32週咋, 日日响屋企提心吊膽......度日如年......
請問你大量出血之前有冇啲咩先兆??
有冇話好肚痛呢???
咁你個手術做咗幾耐呀??
你生完後又留院幾多日呢??
你個bb 應該都夠大隻嘞掛?? 佢幾重呀??
唔好意思, 仲有個問題,
你個胎盤响前面定後面架???

私人傳訊

vvcc

大宅

積分: 1952

5^#

發表於 08-5-15 17:03 |顯示全部帖子

原文章由 bb628 於 08-5-14 11:33 PM 發表
我啱啱今日先見完醫生confirm胎盤前置第四期, 仲book咗開刀日子tim.

其實, 我之前都好驚, 又瞓唔著, 成日驚亞b隨時出來. 而家唔好話灰啲講, 呢啲其實係聽天由命, 係呢個時候, 我地係冇野做到的, 只有希望亞b係個肚 ...

呢位媽咪你好呀!!!
你咁快book 定日子開刀既??? 我仲未諗呀, 因為醫生話可能會隨時出血, 如果一出血就要入即入院開刀攞bb 出嚟, 所以我宜家同公司請咗假, 日日响屋企養胎, 希望bb 唔好咁快出嚟啦. 我個私家醫生話如果平平安安, 就要响35, 36 週開刀喎.

我個bb 囡已經32週啦, 佢重4.6磅呀. 我又係好似你咁, 晚晚瞓得唔安樂, 好驚bb 要隨時出嚟, 同埋自己有小小鑽牛角尖, 諗唔通, 點解第一胎都要咁好彩......我睇資料, 話初初胎盤低既人有大約50%, 但到後期胎盤前置既人只有1%, 點解呀????? 點解我會係果幸運既 1% ???? 真係好唔開心......唉......

我宜家都盡量食有益既嘢, 日日食芝士, 牛奶, 雞蛋, 生果同菜, 有時仲飲花膠湯, 希望bb 大隻啲, 出到嚟起碼唔使瞓箱先. 仲日日鼓勵bb 要乖, 要快高長大, 仲要足月至好出嚟, 好彩bb 都好吸收, 醫生話佢係個肥妹喎.

原先仲book 咗响法國生添.....但我個私家醫生都話政府啲設備好啲, 齊全啲, 同有bb 既icu.....有起咩事上嚟, 都會穩陣啲喎. 同埋佢話如果好似我咁既case 响私家生要幾十萬.....好驚.....但係我有一樣嘢擔心, 就係政府醫生開刀既手勢唔夠好, 宜家咁多高級或者有資歷既醫生都離開政府醫院, 投向私人市場, 咁政府醫院入面冇咁高級既醫生都要焗住升職, 但係可能佢地冇咁叻架喎.....

我同老公下星期22 號去瑪嘉烈第一次見醫生, 希望可以探聽到由邊個醫生主持開刀啦, 然後再問下個之前响瑪嘉烈做過嘢既醫生朋友, 睇下個婦科醫生信唔信得過.....

我個私家醫生話我一定要全身麻醉喎, 佢冇叫我入院待產, 只係叫我唔好出街. 仲話有啲人會lost 6-7 公升血, 嚇c 我, 而最嚴重既case 要cut 咗個子宮......一間醫院每年閒閒地有幾個產婦會係咁.......我真係好驚, 好驚做完手術之後醒返, 我個身體要冇咗啲嘢.......我仲好想生第二個.....

唉.....希望大家都大小平安, 生個健康既bb 啦.

私人傳訊

vvcc

大宅

積分: 1952

6^#

發表於 08-5-15 17:20 |顯示全部帖子

[quote]原文章由 winwin815 於 08-5-14 11:43 PM 發表

希望可以承你貴言啦, 我真係好想生2個小寶貝架.....
希望我唔會係果幸運既少數啦, 我宜家日日祈禱, 求天主保佑我同bb 平安無事.
唉, 係啦, 做母親真係好偉大, 為咗仔女真係好大犠牲. 仲要 '養兒九十九, 憂足一百歳'.
正常人開刀生仔都只係45分鐘咋喎, 希望個手術唔會太耐啦.
你由頭到尾冇流過血??? 你真係好叻好叻呀!!!! 好羡慕.....希望我都可以好似你咁叻. 其實同血型有冇關係呢??? 我係o+ 型, 請問你呢???
响政府生真係化算好多喎. 我下個星期22號去瑪嘉烈第一次見醫生, 希望可以打聽到由邊個醫生做手術啦, 我有啲驚政府醫生啲手勢唔夠好......
anyway, thousands of thanks !!!!

私人傳訊

vvcc

大宅

積分: 1952

7^#

發表於 08-5-15 17:22 |顯示全部帖子

原文章由 winwin815 於 08-5-14 11:46 PM 發表
東區唔使係留院咁好, 我個時因為完全無流過血, 而大囡囡只有1歲大, 我死都唔肯住咁耐

我都好驚下星期見完醫生後, 跟住要入院待產呀, 真係好唔想住院, 咁鬼悶.....又無晒自由......

私人傳訊

vvcc

大宅

積分: 1952

8^#

發表於 08-5-15 17:27 |顯示全部帖子

原文章由 jc118 於 08-5-15 12:29 AM 發表

我都係有胎盤前置二期,岩岩係5月1日特然見紅,果日岩岩35W1D,我一見紅用左15MINS去到醫院,姑娘話我有陣痛,我大約等左4-5個鐘就全身麻醉生左,但BB因為呼吸困難要入ICU,第二日就去左兒科病房,因為佢唔識吮奶奶,同自己 ...

响政府生bb 真係好化算喎, 咁抵.....
好彩你可以好快去到醫院, 同平平安安生咗bb.
你講緊4-5 個鐘, 係咪手術既時間??? 如果係, 咁都好耐喎.....

私人傳訊

vvcc

大宅

積分: 1952

9^#

發表於 08-5-15 17:31 |顯示全部帖子

原文章由 maywong223 於 08-5-15 01:31 AM 發表
樓主,妳其實唔使甘擔心既,放鬆D,五好成日唸主,仲有啊,政府D醫生等到28--34週先決定妳究竟繫咪前置胎盤的,妳依傢盡量休息好,唔好成日行同企,多D訓下牀,甘個胎盤有可能會昇返上去的!! ...

好多謝你既安慰呀!!!!
你個bb 好肥好得意, 你真係叻, 可以自己生bb!!
不過, 我前幾日去私家度睇醫生, 醫生同我照陰道, 話個胎盤仲係低喎......

私人傳訊

vvcc

大宅

積分: 1952

10^#

發表於 08-5-16 22:42 |顯示全部帖子

winwin815,

你真係唔好咁擔心, 我當時都好似你咁, 成日問自己點解, 當時有bk mami教路, 叫我入左院, ask for home leave, 我仲一心入去行個轉, 點知話我知我係嚴重既第三期, 唔可以比我home leave, 真係有少少晴天霹靂, 連上黎問下人都冇機會, 靠另外d bk mami問咋,

原來有ask for home leave 呢樣嘢架???, 不過我都係要聽天由命囉, 醫生叫到留院就留院啦, 無計..... 如果有起咩事上嚟, 都可以緊急同盡快處理到既.....

好多人話, 1) 係咪我兩胎太近, 2) 係咪我大住肚都成日抱/湊大囡, 不過我可以好肯定咁話你知, 真係唔關事, 因為我生左後撞到個中學同學, 佢第一胎都係咁, 所以我亦唔覺得關血型事

我身邊啲人都以為同個人體質有關, 我初初都以為, 因為我未有bb 之前得8x 磅, 好奀瘦架, 不過, 應該只係幸運唔幸運既問題.

你真係要放鬆d, 就算要你留院, 咪當休息下囉, bb出世後, 真係週身唔得閒, 想咁嘆都冇機會架, 你諗下我當時咪仲慘, 又要擔心大囡囡, 又唔可以唔理醫生既忠告

咁又係既, 生完bb 邊有時間唞呀???? 宜家又可以唞, 又有人服侍, 成日諗咁多, 又改善唔到啲咩......真係好多謝你既安慰.

[ 本文章最後由 vvcc 於 08-5-16 23:01 編輯 ]

私人傳訊

vvcc

大宅

積分: 1952

11^#

發表於 08-5-16 22:58 |顯示全部帖子

Teresa,

至於手勢既野, 都擔心唔黎. 就算你去私家, 如果指定既醫生手勢有咩差遲, 咪又係一樣! 最緊要係你同醫院醫生配合.

唉, 最弊我驚啲政府醫生既手勢唔得呢!!!! 因為胎盤前置有可能會大出血, 個醫生要盡快同產婦止血, 用針連好啲血管, 其實即係要同流血既情況鬥快囉, 如果個醫生手勢唔得, 我驚會流得更多更快呀......

仲有一樣好處, 就係如果bb早產, 政府醫院會有幾team人跟你bb, follow up佢既情況, 仲好過你既私家兒科醫生.

呢樣係啱既, 請問你知唔知bb 唔夠幾多磅至要瞓箱呢?

仲有, 如果政府醫生認為有需要/你有出血現象, 你可能要入院住到生 (講緊可以係幾個月咁耐), 你要有心理準備. 不過醫院都會到時同你照ultrasound, 日日有醫生巡2次房, 有咩e郁就同你打定強肺針, 插豆仔準備開刀. 初頭入院會好upset, 不過住住下又慣. 總之, 諗d開心野去面對啦.

我宜家開始培養緊自己準備既心理啦, 因為有啲嘢真係唔到我揀......咩叫做強肺針, 同插豆仔呀???

胎盤前置問題可大可小, 你一定要多d瞓, 但係又要做好2手準備, 叫家人幫你買定bb野, 得閒執定走佬袋. plan定開刀後既食譜/護理...

我日日瞓差唔多11-12 個鐘呀, 十足隻豬豬咁呀!!!聽日老公就去買bb 嘢囉, 我更加已經執定走佬袋, 因為真係驚突然有事.....你講得啱, "有心理準備去接受呢一刻, 總好過自己驚餐飽."

[ 本文章最後由 vvcc 於 08-5-16 23:00 編輯 ]

私人傳訊

vvcc

大宅

積分: 1952

12^#

發表於 08-5-17 17:45 |顯示全部帖子

rainrain613,

之前醫生同我說如失去過多可能要全身麻醉和要輸血及cut了卵巢, 當時的感受是死便死喇最緊要是保住個bb喇...
唉, 咁又係, 最緊要保住bb, 我同老公講, 好唔開心, 冇諗過第一胎就搞成咁, 仲諗住生第二胎, 但係都唔知仲有冇咁既機會, 但老公話, 算嘞, 好彩bb 宜家長得好, 最緊要我同bb 健康, 同埋好多人都只係得一個小朋友, 一家三口都好開心.....

而且我也明白醫生的話, 所以也簽了同意書.
嘩, 要簽同意書架?? 好似簽生c狀咁既?? 有啲得人驚.....

最後也是半身麻醉, 而且也不用輸血.
半身麻醉??? 咁好??? 咁你可以睇到bb 出世囉, 好開心呀......

醫生說我失了大量血休息一吓先,
之後check了血色數只是低了小小, 只是得9左右所以吃補血藥也可以喇...
你大量失血都唔使輸血?? 咁請問你坐月期間會唔會特別補呢?? 你有冇餵人奶架?? 我驚如果大量失血, 產後冇得咁快餵人奶呀.....

大出血是無先兆架....
咁咪要拿拿淋墊條產婦m 巾先入院??

因我當初也好似你一樣很怕會再出血,
後來在瑪麗醫院住了1個多月,
看了很多case而且d護士也說bb要出來的話,
你keep也keep不到他在自己的肚裡,
要出的話便要出來喇所以聰了d護士說也有道理...
反而自己太緊張也影響肚裡的bb,
順其自然也是好事...
咁又係.....請問你住院期間係咪一直流血?? 定係已經停咗??

如果因資金問題, 在政府開刀生也會好過私家架?
瑪麗醫院是可在別的區住也可入瑪麗醫院架?
瑪麗醫院是政府生bb的皇牌醫院架,
我是住元朗區架, 嘻嘻哈哈
嘩, 你由元朗入瑪麗, 好遠呀.....我住荃灣, 諗住近近地去瑪嘉烈算嘞, 咁你果時大出血, 係第一時間去瑪麗, 定係後期穩定咗至轉過去架??

你不要太擔心喇...
我也是早產又是大出血而且bb又不足磅出世,
現在回到家也叫安好雖然之前入了箱3天觀察,
但現在也叫沒事喇...
真係恭喜你總算平安無恙度過咗, 希望我都會係咁啦.

推入產房等10多已取了bb出來及清潔好曬比我睇及後等多約20-30後便出產房去了觀察房1hours便推回出來, 前後只不過是最多2個鐘便回病床.
咁請問個手術需時幾耐呢??

[ 本文章最後由 vvcc 於 08-5-17 17:59 編輯 ]

私人傳訊

vvcc

大宅

積分: 1952

13^#

發表於 08-5-17 18:32 |顯示全部帖子

bb628,

樓主, 你最近點呀? 我剛剛係15/5半夜見紅入咗院. 34w3d.
我都係咁上下囉, 嘩, 睇到真係鄧你驚呀.....

我想提你唔好飲薏米, 我唔知係咪咁啱我飲完啲有薏米的湯就見紅.其實, 我一直都知道係唔飲得薏米的, 連我個中醫都叫我唔好飲, 但我果日(15/5)返我奶奶屋企食飯, 食完飯飲湯, 我飲到尾先知死. 因係我見到煲湯內有好多薏米. 點知飲完冇耐就開始覺得個肚有啲抽住, 半夜瞓瞓下覺得有啲唔妥, 起初都唔想理, 諗住瞓阻先算. 後來覺得都係隠陣起見, 起身去廁所. 點知真係見紅, 即刻同老公飛的去醫院.
真係好驚險呀, 點解你99會用薏米嚟煲湯架??? 現階段你都係唔好周圍去囉, 我除咗上次母親節返咗99 度食飯之外, 之前已經冇返去3個幾月, 再對上果次係大除夕食團年飯.....我個醫生都叫我唔好出街, 驚行得多企得多會引發宮縮而出事囉.

住咗兩日, 好彩冇咩, 今朝都有啲啡, 姑娘話係啲舊血. 本來今日醫生都叫我繼續住, 但我又好想走, 因瞓唔到, 聽日又係星期日, 我唔想住咁耐, 好多大陸人,啲大陸人好煩. 醫生見我住得近, 就比我走.
好彩你冇咩事, bb 都冇咩事, 總算大小平安. 你唔係住响瑪麗咩, 瑪麗都有好多大陸人??? 吓?? 果度港島區, 高尚啲架喎.....我以為通常啲大陸人會响新界, 例如北區, 或者沙田既公立醫院多啲咋......估唔到佢地已經殺入港島區......

我而家都成日提心吊膽, 希望唔好再有下次, 希望可以捱到38week開刀, 因我已book了開刀日子, 11/6漫漫長路, 4個星期都唔知捱唔捱到, 姑娘話我已流過一次, 好可能會早?.
咁你真係要更加更加小心呀, 真係唔好出街啦, 除非去產檢, 我都如非必要, 都唔出街, 只係去產檢, 同埋頭先落街剪短咗頭髮囉. 我好明白你既心情, '捱'呢個字真係完全道出咗我地呢類媽咪既心情呀!!! 宜家距離11/6 仲有3個半星期度, 其實都好快過架, 我再上次產檢, 醫生同我講話要等到35-36週開刀, 當時要等個半月, 我都覺得好辛苦好辛苦, 直情係漫長, 無盡既等待同折磨, 度日如年, 點知等等下, 每日時間都過得幾快下, 宜家都過咗2個半星期lu.....最最最緊要你宜家千祈唔好出街, 唔好食錯嘢, 希望可以穩穩陣陣過埋呢3個半星期.

仲有, 今次入院我覺得啲醫生同護士同好好喎. 係有時啲姑娘會忟啲. 因為對住啲大陸人, 佢地真係好煩. 我見到都等啲姑娘慘. 成日都要對住啲咁煩的人. 我都有信心係政府生. 因我由尋日半夜至到今朝短短七至八小時內見到兩個都係胎盤前置需要緊急開刀的媽媽, 我見啲姑娘都好似好純熟同快速. 所以我諗佢地應該見慣呢啲場面. 應該冇問題的.
哦, 咁都好啲, 等你心理上放心啲, 希望我去既瑪嘉烈唔會太差啦, 因為我同老公商量咗, 都希望响瑪嘉烈生, 因為如果去私家實在太貴啦, 雖然我個醫生係醫學博士(因為我之前同老公有生育困難, 所以要揾個好有quali 既私家醫生), 佢好有經驗, 同手勢好好, 但响私家生, 始終好多好多嘢預算唔到, 有可能要幾十萬埋單, 我地唔係俾唔到, 但係都覺得好貴, 聽呢度啲媽咪講, 又覺得政府果邊信得過, 希望冇問題啦.

你自己要小心啦. 希望收到你的好消息.
每一日, 我瞓醒, 就覺得好感恩, 因為我既bb 响肚入面又大個咗一日. 現階段我地要樣樣小心啲呀, 宜家不怕一萬, 只怕萬一, 希望日子一日一日過去, 無驚無險又過一天啦.

私人傳訊

vvcc

大宅

積分: 1952

14^#

發表於 08-5-17 19:04 |顯示全部帖子

bb628,

我其實冇諗過咁快book, 但我尋日去到醫生話係我38week果個星期有公眾假, 而東區只係逄一,三,五,接開刀, 所以早啲book, 我咁早book都已經係第3個啦.
哦, 唔好意思, 睇返呢度先知你book咗東區醫院. hehehe.....

我同你一樣咁諗, 但係你可以同你個私家講叫佢寫病假比你, 你唔洗攞自己假, 留返啲假遲啲用來照顧亞b.但我好唔明, 唔知係咪床位問題, 政府居然答我話而家唔洗卧床喎. 我又住得近醫院, 所以唔洗瞓院喎, 但佢又唔放病假比我. 連我今日去睇私家, 佢都話點解政府唔寫假比我, 奇怪地, 佢話我唔適合返工, 但都唔係好想開,都唔知佢驚咩.
點解政府醫院唔肯開病假既??? 係咪驚啲僱主投訢??? 真係奇怪.....宜家有床位, 你都唔想瞓啦, 係咪??? 點都係响屋企舒服自在好多, 你都好呀, 住得算近醫院, 我由荃灣去瑪嘉烈, 睇怕都要十零分鐘.

你都好過我, 我已經34, 亞b都係4.6咋. 其實, 你真係唔好太擔心, 我而家開始睇開啲啦. 我都覺得成日擔心都冇用, 人算不如天算, 起初我都覺得點解我咁好彩, 六合彩又唔見我中, 我睇書話如第一胎係胎盤前置的機會率係1/1500. 諗深層, 生b的風險真係好大, 以前啲人講, 生仔好似差咗一隻腳落去閰羅王度. 其實我地都算係咁啦, 我同你生於現今咁好醫療科技的社會度, 起碼我地知道最壞係去到邊, 有定心理準備, 安排妥當, 大吉利是都冇咁混亂, 而且醫生都有唔同啲安排. 再諗衰啲, 有好多case仲嚴重過我地, 或者有啲b一生出來就有天生缺陷, 同我地相比, 我地都算係咁啦.

六合彩又唔見我中..... 真係好句呀!!!!!! 夠晒精警 !!!!
你講得啱, 人算不如天算, 我就成日諗起個同事既一句話:'唔使驚, 上天俾既, 冇事既!' 今日睇報紙, 話伍穎薇同老公好恨生bb, 但努力多時仍然未有所出, 跟住伍話如果過咗今年都冇得生, 就, 就同老公二人世界開開心心過埋下半世算數, 睇到呢度, 有啲鄧佢心0翕, 又覺得自己宜家雖然係論盡啲, 但起碼有得生先, 我同老公恨咗兩年至成功架, 宜家就嚟修成正果, 應該感恩至係.

我之前都係咁諗, 好可惜, 我又有糖尿, 唔可以食咁多, 所以真係好矛盾.
咁你個醫生應該有建議你可以食啲咩架痳, 跟住醫生既建議去食, 同埋瞓多啲, bb 就會好好長胎架啦, 同埋你個bb 宜家就嚟5磅啦, 我聽人講話bb 有5磅都隱陣架啦, 已經大大減低瞓箱既機會.

醫生話佢唔擔心個b, 因唔好彩亞b而家出來, 問題都不大, 佢話反而大人的問題大啲.
我個醫生又係咁講.

私家話一定全身, 政府就話要睇到時我啲血係咩情況先決定. 我同你一樣都諗住繼續生, 醫生只係講最差情況比你知啫, 唔代表一定係咁的. 小朋友係個天比的, 隨緣吧.
係啦, 呢啲真係緣份嚟, 整定既, 希望我地都平安無事.

私人傳訊

vvcc

大宅

積分: 1952

15^#

發表於 08-5-17 19:13 |顯示全部帖子

原文章由 jc118 於 08-5-15 10:58 PM 發表

手術時間係半個鐘,待產時間係4-5個鐘,其實待產既時間好快過,因為我當時掛住喊不過D姑娘都好好人,959都會過黎同我講下,開解我,同我講BB有5磅幾都好理想,不過出世後先發現佢唔食吮奶奶,不過情況好常見,唔洗太 ...

吓??? 點解要待產咁耐既??? 你果時有冇流血呀???
好驚架喎.....
你個手術都好快下喎, 半個鐘搞掂??? 好多正常開刀既媽咪都要45分鐘呀!!!
好多謝你既忠告, 希望我生完之後唔會喊啦, 至於擔心一定少不免.....

mouth:

私人傳訊

vvcc

大宅

積分: 1952

16^#

發表於 08-5-17 19:17 |顯示全部帖子

原文章由 winwin815 於 08-5-16 11:44 PM 發表
vvcc, 你可以放心, 如果你係嚴重既胎盤前置, 一定搵大醫生做, 我個時係第三級, 共三個醫生做, 再加埋麻醉師, 護士, 好多人架, 真係可以放心

好多謝你既回覆同安慰!!!

私人傳訊

vvcc

大宅

積分: 1952

17^#

發表於 08-5-18 20:46 |顯示全部帖子

mrs_liu,

我而家第33週,b囡重4磅6, 响廣華睇,醫生話好大機會開刀,但冇講我係第幾期胎盤前置. 2星期後(35週)要再照U/S.
你33 週啦, 同我差唔多喎, 我聽日33 週啦. 我咪22 號去瑪嘉烈睇囉, 可能你個醫生諗住下次同你照, 如果個胎盤真係冇返上去至話你知掛.

本來我好想順產的,但無耐因為胎盤前置而無法如願. 而家只求自己同bb都安全.
我同你諗法完全一樣, 本來又係想順產, 諗住做母親當然要試下果種痛啦, 順產又快啲好, 又可以快啲餵人奶.....點知......

睇左咁多位有相同問題既媽媽分享,我個心都定d, 但產假我只取了前2(後8), 有d擔心會响未放產假前已經要生.
係呀, 自己知多啲, 有多啲心理準備, 會冇咁驚囉, 我都好多謝呢度回應既媽咪呀, 佢地俾咗好多支持我, 等我可以定啲, 同冇咁鑽牛角尖. 就算未到產假已經要生, 咁你個產假係咪自動提早??? 我公司係咁喎, 總之放十星期, 早咗咪照計囉.

你會响邊間醫院生? 執好走佬袋未?我住响荃灣, 諗住响瑪嘉烈生囉, 一早執好走佬袋啦, 有兩袋嘢咁多呀, 尋日我仲特登落街剪短頭髮添, 準備咗先囉. 萬一真係有起咩事上嚟, 都冇咁慌張.

私人傳訊

vvcc

大宅

積分: 1952

18^#

發表於 08-5-18 21:30 |顯示全部帖子

原文章由 jc118 於 08-5-18 09:26 AM 發表

因為我係5月1日生,你記唔記西貢有單大車禍啊!果日又係假期,又有大獲野,所要等手術室,不過有路有姑娘觀察住我!

最重要一點,就係如果見紅你就千萬唔好食左野先入院,好彩我無聽我99講食d先入院,如果唔係分分鐘都仲要 ...

哦, 原來如此.....
咁你咪好驚囉, 又要一路等一路驚.....
哦, 知道, 明白嘞, 好彩你話我知咋, 多謝晒你呀!!!

私人傳訊

vvcc

大宅

積分: 1952

19^#

發表於 08-5-18 21:56 |顯示全部帖子

rainrain613,

你不要太唔開心喇, 之前我也在7週時小產了而且今次這個bb我們也覺得是上天賜給我們所以也很珍惜, 因之前失去了所以現在不論如何也會更加珍惜眼前的BB呀.
係, 我都係咁諗呀, 因為我好似你咁, 兩年前試過6週冇咗bb 架, 今次bb 好叻可以排除萬難, 長到33 週呀, 真係要感恩至得.

是個個大肚婆入產房也要簽紙架. 哦, 咁都冇咁驚.

係呀, 只可惜我老公卻不能陪產看不到呢! 相信佢响出面等都好辛苦下.

我沒有餵人奶因餵人奶是很痛架而且我是有貧血如我餵人奶BB將來也會因我貧血而傳給了BB也貧血架. 同時我個傷口和子宮位又好痛, 所以最後比森永奶粉BB飲, 嘻嘻~~
唉, 睇嚟我都要執生, 如果子宮好痛, 未必合適餵人奶......

我入院是沒有墊產婦巾, 起初是用夜用後來大出血才轉了產婦巾. 因我出入瑪麗醫院有3次喇. 是流一段時間又停吓咁, 但最終也不知是什麼原因喇...哦, 原嚟係咁.

我第一時間是打算入養和醫院, 我個私人醫生他更議我入政府醫院, 因我住元朗, 通常是入屯門醫院但之前屯門醫院前一天死了個小朋友所以不敢入屯門醫院, 所以當晚零辰決定立即叫老公架車送我入瑪麗醫院.
嘩, 屯門醫院咁得人驚???? 但你可以咁樣?? 你有冇响瑪麗攞定個位?? 因為我個私家醫生叫我响瑪嘉烈攞定位喎.....唔知係咪可以自由轉既呢???

我相信你也沒事, 我這樣大出血也BB出到世沒事喇. 你也會沒問題所以你不要想太多不開心事會對BB好D架, 不過近來四川的事真的睇到也會流淚及不開心! 不開心也會影響BB架, 你要多D訓床唔好行太多喇,知道嗎?
多謝你既安慰呀! 係啦, 我日日睇新聞都會流淚架......真係好淒涼......所以都捐少少錢, 同自己同bb 積福囉. 宜家咪日日响屋企囉, 一係攤响梳化, 一係就坐, 盡量行少啲, 企少的.

約30分鐘多 希望我都可以好似你咁, 咁快做完手術啦.