吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 心情極度難過, 好驚係植入性胎盤.....

懷孕前後今日: 13|主題: 329739

收藏本版

發帖

返回列表

跳至頁

查看: 9388 | 回覆: 10

心情極度難過, 好驚係植入性胎盤..... [複製鏈接]

vvcc

大宅

積分: 1952

1^#

發表於 10-3-9 15:53 |顯示全部帖子 |倒序瀏覽 |打印

好想好想借個位嚟呻下.....

第一胎生女時, 好唔好彩係胎盤前置第三至第四期, 即係胎盤完全覆蓋子宮頸口, 首次懷孕就搞成咁既機會係1500之1......係來要响醫院住上成個月, 冇啖好食, 仲有妊娠糖尿.....唉, 好不容易開刀生咗bb, 都流咗幾多血.......

六合彩又唔見我中......

今胎點不知胎盤又係低, 醫生都話我黑仔......我個私家醫生係醫學博士, 又响港大教書, 佢都話好少好少人好似我咁......依家最驚就係, 個胎盤生長既位置同上次好接近, 會比較容易有植入性胎盤, 即係胎盤會同子宮壁生得好緊密.....到時要切除個胎盤會好難.....又會流好多血......如果難以止血, 就會有可能切除個子宮......

我上網睇資料, 話如果係植入性胎盤, 一半人要切咗個子宮囉......

今日先睇到報紙話浸會有個產婦因為剖腹生產, 子宮大量出血, 跟住醫生同佢切咗子宮, 生完入咗深切治療部, 冇幾日就去咗.....真係好慘.....

睇完真係好驚好驚......自己個心好擔心, 又冇得同人講, 又唔敢同阿媽講......唉.....我老公仲話, 不如睇多個醫生, 睇下點, 但我自己去產檢, 個醫生都指過比我睇, 我自己都清清楚楚咁睇到個胎盤係蓋住子宮頸口架......

睇住阿女可愛既樣, 我好驚一入手術室生完bb跟住就.....一諗到咁, 我就忍唔住喊, 個女仲咁細......

唔好意思, 比較長氣, 但我真係好驚, 今次懷胎既風險大過上次好多好多.....

0 0 0

私人傳訊

vvcc

大宅

積分: 1952

2^#

發表於 10-3-9 21:32 |顯示全部帖子

吓??? 唔好要??? 我真係冇諗過呀.....

其實尋晚我老公都有建議, 會唔會諗下唔好要, 但我唔想咁樣唔要個bb 呀......嗚嗚嗚.....自己骨肉嚟架......

原帖由 cayi 於 10-3-9 06:50 PM 發表

我都覺得你看多個醫生問下其他意見,看看是否有其他方法補救,如果真係禁嚴重不如吾好要,自己生命緊要D呀!!!!

私人傳訊

vvcc

大宅

積分: 1952

3^#

發表於 10-3-9 21:33 |顯示全部帖子

唉, 又唔知可以睇邊個......

原帖由 hellomag 於 10-3-9 07:16 PM 發表
我都覺得你睇多個醫生, 無論你睇開個DR係博士又好係權威都好, 睇多個DR無壞。

私人傳訊

vvcc

大宅

積分: 1952

4^#

發表於 10-3-10 16:52 |顯示全部帖子

唉, 真係估唔到呢一胎係揾命搏.....

我老公都有話: 其實我地兩個都夠晒啦. 其實無論點, 我原先都諗住收工架啦, 兩個好夠, 生三個就養唔起架啦......我都想搏一鋪囉......唉, 好似賭大細咁.....

原帖由 shootingstar 於 10-3-10 02:08 PM 發表
真係太難太難決定, 如果換轉係我, 我一定唔會放棄, 寧願博一博, 因為我今次唔要個bb, 我良心一世唔安樂.

而且每個手術均有風險, 我自己都係開刀生仔的, 知道就算你生之前乜事都無, 都有可能在開刀時流血不止. 至 ...

[ 本帖最後由 vvcc 於 10-3-10 17:02 編輯 ]

私人傳訊

vvcc

大宅

積分: 1952

5^#

發表於 10-3-10 17:01 |顯示全部帖子

好多謝你既祝福呀! 我依家咪18w囉.....

醫生都有同我講過, 希望個胎盤遲啲會上返去. 但我自己就不存厚望lu......因為上一胎, 我响屋企係咁瞓, 但胎盤由始至終都係咁低......所以我覺得我既機會微啲囉.

唉, 你都講得有道理, 但真係好難好難決定......點解要發生响我身上???????

原帖由 小曳人 於 10-3-10 02:39 PM 發表
你e+第幾週?
医生有無提過.. 中期過後, 胎盤有機會上返d? 咁你嘅情況有無希望?

我係一個比較現實嘅人, 我會問埋医生如果做termination嘅風險, 如果都有風險嘅, 咁當然會堅持到底啦~
但係如果風險只响後期生得嗰時.. ...

私人傳訊

vvcc

大宅

積分: 1952

6^#

發表於 10-3-10 17:12 |顯示全部帖子

係啦, 見到浸會單嘢真係好驚好驚呀......尋日我老公朝早見到報紙, 仲特登收埋果張報紙添....... 唉, 我都瞓得唔好呀, 一想瞓覺又諗起.....又唔知同邊個講好, 心情真係好鬱悶......

其實我早期都睇過兩個醫生, 又係一個話唔低, 依家呢個話低.....但我明明睇到個us 畫面, 個胎盤蓋住子宮頸口, 我冇理由唔信一個專業醫生, 兼且唔信自己對眼架麻.....

依家覺得好辛苦, 有時會一個人無端端喊.....

原帖由 ylmoonmoon 於 10-3-10 04:03 PM 發表

我都係第一胎胎盤底攪到bb早產, 而家第二胎巳經32週睇過兩個醫生一個話底個又話唔底, 都唔知信邊個, 講真真係好擔心早拜仲成日訓唔著添, 見到浸會單case都好驚好驚, 但我都無諗過唔要佢, 而家成日同bb講叫佢叻叻拉 ...

私人傳訊

vvcc

大宅

積分: 1952

7^#

發表於 10-3-11 20:36 |顯示全部帖子

你既想法好正面呀! 多謝你既鼓勵!

醫生又冇叫我考慮咩.....喎, 佢只係笑笑口同我講: 冇事既, 唔好咁擔心啦! 但個風險始終存在囉......

依家咪時常祈禱囉, 只有宗教信仰可以俾到我小小慰藉......

原帖由 小曳人 於 10-3-10 05:36 PM 發表

認真同医生傾傾風險問題, 同埋同老公傾吓.. 佢都係事主之一! 決定咗就唔好再諗! 因為你嘅情緒會好影響bb架!

平常心.. 其實你都未絕望架, 你又點知佢真係唔會升返上去呢?! 但搏唔搏, 就睇你兩個點諗喇!

記住~ 無 ...

私人傳訊

vvcc

大宅

積分: 1952

8^#

發表於 10-4-6 22:56 |顯示全部帖子

一排沒見呢個TOPIC, 諗住可能我個CASE太特別, 個TOPIC已經淹沒係茫茫大海中, 估唔到因為某個講座, 又會俾人摷返出嚟.

好多謝各位媽媽 / 準媽媽對我既關心. 我上次去C+照結構, 估唔到醫生話我個胎盤有小小小小上返去, 佢仲強調咗好多次話唔係'TUMP'我開心. 咁我上星期又去政府度照結構, 醫生話我個胎盤唔低喎, 我話個胎盤邊緣同子宮頸口有一段距離, 佢話如果就嚟生都係咁, 先至叫做低......仲好仔細咁指俾我睇添, 我同老公不知幾開心, 幾安樂......

真係好多謝天主, 我晚晚祈禱, 祈求天主為我同BB 安排最好既一切, 估唔到個胎盤真係開始上返去, 真係非常非常感恩......因為我上一胎瞓足全程, 個胎盤都係由頭低到落尾......仲有, 好開心就係, 如果個胎盤到後期都唔低, 咁就唔使住醫院......太好啦.......

如果各位媽媽 / 準媽媽响懷孕早, 中期胎盤仲係低, 都唔需要擔心太多, 其實亦都唔擔心得咁多.....無論如何, 好多謝各位响度留言既BK SIS.

原帖由 Gift@20100101 於 10-3-29 12:15 AM 發表
今晚聽講座時醫生提到有植入性胎盤及胎盤前置等導致母體大量出血ge問題, 於是上網search吓資料, 無意中見到你呢個topic, 也為你擔心呢...

我搵到一d文章, 希望可以給你參考, 有案例係剖腹產子後，醫生把胎盤留在子宮 ...

私人傳訊

vvcc

大宅

積分: 1952

9^#

發表於 10-4-6 23:00 |顯示全部帖子

睇返你既分享, 嘩, 真係好驚險呀.....好彩大步欖過......

祝願你同BB 健健康康, 平平安安.

原帖由 bunnyslover 於 10-4-5 10:44 PM 發表
之前已經知道會有機會2%. 但估唔到第二胎都係胎盤前置 .到第約34wks個月已經confirm 胎盤植入子宮. 點知有日出血. 同e生傾過先到威記住到37wks再算( 之前都出血去仁安住了2wks, 好貴!).

點知當日下午宮縮,在當日要 ...