Baby Kingdom - 親子王國 香港 討論區 › 首頁 › 想生BB› 好怕, 我會否再度小產呢?

想生BB

收藏本版
發帖
返回列表
跳至頁
好怕, 我會否再度小產呢?   [複製鏈接]

首頁
1

尾頁
   0
ivylai530


大宅

積分: 1863


1#
發表於 11-3-25 17:49 |顯示全部帖子
各位JM, 我於上年8月小產後, 今年再次懷孕, 本身已經好大壓力, 今胎一路都好正常, 但尋日9WEEK , 醫生話照到個胎心跳好弱, 抽左血, 一星期後再抽血同照, 期間, 醫生只係話可以休息, 無其他野可以做, 我好擔心, 請問有無JM試過這種情況? BB心跳會正常返嗎? 除左等, 我還有甚或可以做呢? 好怕, 我會否再度小產呢?
私人傳訊

ivylai530


大宅

積分: 1863


2#
發表於 11-3-26 19:15 |顯示全部帖子
奀b豬媽咪 : 醫生無話比我知心跳幾多, 只係話好弱, 唉, 真係好驚呀!!!

mandymak915 , BOBO6 :ＴＨＡＮＫ　ＹＯＵ，　我而家都係屋企盡量休息, 但心入面真係好不安!!!
fongkpk : 得同你個CASE都好似, 都係上年8月小產, 我而家都9WEEKS了, 有時心諗, 點解兩次都發生你自己身上, 點解要係我, 點解比左一個希望人又要收返????? 呢一星期真係好難過, 要下星期四先覆診, 其實, 我都做好心理準備,只是, 我想好難再面對第三次懷孕了!!!!
私人傳訊

ivylai530


大宅

積分: 1863


3#
發表於 11-3-28 10:45 |顯示全部帖子
Thank you 大家, 有你地支持, 個心真係舒服好多!! 醫生有開安胎藥比我, 另外我都有睇中醫, 希望盡量可以幫到佢啦!!!
一路都以為自己好堅強, 不停想好多理由去安慰自己, 以為可以好似上一次咁捱得過,但原來人可以承受既壓力真係好有限, 漫長既7日真係渡日如年, 還有4日, 但尋日發現身體方面已經回覆正常, 不再想嘔, 谷胸了, 我既情緒亦已經失控了, 滿腦子都係負能量, 只係不停大喊, 嚇到身邊愛我既人, 但亦可能因為發洩左D負能量, 今天輕鬆了很多!亦準備好去接受, 是好消息還是壞消息也需要去面對!!
私人傳訊

ivylai530


大宅

積分: 1863


4#
發表於 11-3-29 23:11 |顯示全部帖子
fongkpk 加油呀！
我剛剛証實，小b已俏俏走了，而沒家係醫院留醫，但反而感覺輕鬆了！未有再想下一次，一切都順其自然吧！

私人傳訊

ivylai530


大宅

積分: 1863


5#
發表於 11-3-31 08:05 |顯示全部帖子
我係政府做刮宮，下星期三返去見醫生同麻醉司，約埋期做！尋晚同老公同女女出左去行下，心情輕鬆左好多，可能因為呢段時間壓力太大，而家反而如釋重負，希望快些做埋刮宮！
我同老公都傾過，我地會睇中醫調理下，同想搵西醫檢查下，再訹試一次，萬一失敗便放棄了！有沒有西醫介紹呢？
私人傳訊

ivylai530


大宅

積分: 1863


6#
發表於 11-4-1 00:57 |顯示全部帖子
好呀，麻煩你pm我！thank you
私人傳訊

ivylai530


大宅

積分: 1863


7#
發表於 11-4-1 08:07 |顯示全部帖子
thANk you
私人傳訊

ivylai530


大宅

積分: 1863


8#
發表於 11-4-2 19:21 |顯示全部帖子
政府真係好睇情況咖, 上一次12WEEK1DAY出血即日可以做埋, 但今次無出血就星期三見克醫生安排一星期內做!!!
想問問各位JM, 你地會唔會覺得好大壓力呀, 我上次小產之後, 今次再懷孕, 壓力勁大, 到知道佢心跳開始出現問題, 就直情完全崩潰, 明知情緒都好影響BB, 但真係控制唔到,最後, 小B走了, 反而只是覺得心痛同喊, 但有一種如釋重負的感覺,所以都對再懷孕存有陰影。
私人傳訊

ivylai530


大宅

積分: 1863


9#
發表於 11-4-8 21:47 |顯示全部帖子
HIHI, 係呀, 我今日出院呀!!! 但好驚險呀!!!
原本6/4去博愛CHECK好曬D野, 7/4 7:00AM做刮宮, 佢比我先返屋企, 7/4早上入院, 於是我同老公走啦, 點知搭搭下車, 感覺到宮縮, 仲越來越勁, 好似生BB咁, 到左站, 落車已經行唔到了, 於是飛的入急症室, 一瞓上急症室張病床, 竟然係穿左水, 我地完全唔知點算, 人又暈, 我唔知小產會穿水咖嘛, 急症室醫生即刻幫我打止痛針, 直上婦科, 可能太緊急, D醫生勁緊張, 入到檢查房過床, 好似睇電視咁成地成腳都係血, 真係好驚好驚, 好彩遇到一個好好既醫生, 佢一路問野一路檢查, 轉頭佢話亞B自己排到子宮頸口,係佢問我野果時佢已經係不驚不覺之下幫我夾左出來, 打左支宮縮針就OK!!!
7/4早上再照超聲波, 發現仲有好多組織係入面, 所以最後都做左吸宮手術, 今日CHECK左OK就出院了。 唉, 好彩老公果日陪我, 如果唔係, 一個人都唔倌點算好!!
唔知係唔係吸得清, 今日已經只係得好淺好淺既粉紅色了, 我都好似大家咁, 決定明天去睇中醫調理, 養好身體先再接BB返來, 務求唔再發生第三次了!!!!
私人傳訊

ivylai530


大宅

積分: 1863


10#
發表於 11-4-8 23:00 |顯示全部帖子
本帖最後由 ivylai530 於 11-4-8 23:01 編輯

係呀, 我都未聽過會穿水咖, 嚇得我呀, 開頭FEEL到一大灘野流出來, 心諗, 唔係咁大灘血嘛, 起身見到係一灘血水, 但話口未完, 就成地都係血喇!!!
fomgkpk, 今次真係畢生難忘, 我可能流血太多, 前後住左3日2夜, 不過無食抗生素!! 同埋可能之前又流又吸, 都7788, 今日都無流啡, 只係間唔中有小小好淡既粉紅, 所以諗住睇中醫, 清埋D尾, 補得好D嘛!!!
媽咪都有叫我食薑醋, 所以我打算叫老公去八珍買喇, 我都知食雞酒好好, 但我唔識煮, 麻煩你地可唔可以教教我呀!! THANK YOU VERY MUCH!!!!
我有一星期假, 下星期先正式返工, 係呢段時間, 盡量休息啦!!
私人傳訊

ivylai530


大宅

積分: 1863


11#
發表於 11-4-9 00:03 |顯示全部帖子
本帖最後由 ivylai530 於 11-4-10 13:45 編輯

delete
私人傳訊

ivylai530


大宅

積分: 1863


12#
發表於 11-4-10 14:06 |顯示全部帖子
Thank you fongkpk, 等清惡露煮來補一補先!!!
Thank you 各位JM呀!!!之前係等做手術果時期, 個肚成日都唔係咁舒服, 所以好小上嚟呀!!!
唔知點解, 之前我都係清左, 但可能尋日出左街, 又去睇中醫, 又去陪個女返芭蕾舞, 今日又有返小小紅了, winiy, 睇怕我地真係應該要乖乖地, 唔好四圍去, 休息多D先得喇!!!
其實講開政府可以選擇塞藥 or 做刮宮, 真係好難選擇咖, 塞藥, 自然D, 同感覺上無咁傷, 但有2成機會排唔清, 到時可能都要刮宮清尾, 而做刮宮始終全身麻醉, 係手術, 有風險!!!! 但我上一次塞藥, 就偏偏係果2成機會排唔清, 結果到頭來又係要做手術, 所以今次唔理了, 直接要求做手術, 但又天意弄人, 佢又自己排出來!!!!
想請問各位JM, 尋日中醫開藥, 佢話係先清惡露, 慢慢先調理, 但我想問問, 如果一路食中藥, 自己又一路煲湯呀, 雞酒, 食薑醋咁, 會唔會太補?需唔需要同中醫講, 夾一夾呢?
私人傳訊

ivylai530


大宅

積分: 1863


13#
發表於 11-4-28 18:31 |顯示全部帖子
Hi HI, 各位JM, 好耐無上嚟喇, 因為返工後好忙好忙, 好古怪既公司, 我半年小產兩次, 每次放成3星期假, 竟然會有機會升職?!?!?!攪到好忙, 不過, 我唔會俾壓力自己, 都唔諗咁多, 真心升又好, 迫我走又好, 到時先算了!!!
先說說現在的情況先, 小產後去睇了中醫, 第一星期後, 即第7日已經清曬惡露了, 第二星期開始補身, 都係睇中醫, 到第三星期覆診時, 中醫話因為我小B自己出, 唔太傷, 身體都開始OK, 話可以自己決定, 忙就兩星期覆診, 有時間就KEEP住每星期睇啦, 我見唔貴, 約$170//每星期, 所以都係KEEP住睇好D喇, 另外, 中醫亦提醒我M來時要停藥唔好補, 24/4CHECK到紅D有線,希望快D M COME 啦!! 至於DODO方面, 我地今星期都有開始了, 而會唔會咁快開工, 就隨緣啦, 唔去想太多了, 但我倆都READY好, 我亦有朋友小產後未嚟M DODO就有左,女女而家一歲了, 但我上次隔了3個CYCLE再BINGO亦一樣小產, 而家不再想太多, 保持輕鬆心情, 隨時WELLCOME小B回歸!!!
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見