嬰兒用品今日: 0|主題: 93239

收藏本版

發帖

返回列表

跳至頁

樓主: Sbaby

我對孖囝出世啦 [複製鏈接]

小耳瑪姬

別墅

積分: 721

1^#

發表於 11-6-23 18:58 |顯示全部帖子

我對孖女都喺6月16日喺pwh出咗世啦, 住咗6日5夜醫院, 其實第四日姑娘都叫我走架啦, 不過我話想等拆埋線先, 佢又肯俾我留喎, 所以住咗咁耐. 因為我老公係公務員, 所以住咗二等房, 真係好滿意pwh啲姑娘0既服務, 大部份都好好人好幫忙. 因為係第一胎, 所以乜都唔識, 呢六日我學咗好多嘢, 雖然第一日出院返屋企都係乸手唔成世, 又係冇覺好訓, 第二日仲要橫風橫雨帶bb去母嬰健康院檢查, 不過第二日已經好咗啲啦,起碼bb唔會成晚不停咁喊. 不過我大孖得2.275kg, 真係俾細孖細粒好多, 又唔多願食奶, 每餐都係食得果30ml奶度, 好驚佢追唔上啊! 請問sbaby你對孖每餐食幾多奶同一日幾多餐0架?

私人傳訊

小耳瑪姬

別墅

積分: 721

2^#

發表於 11-6-25 10:01 |顯示全部帖子

MeowMa 發表於 11-6-23 22:32
我下周一會係PMH開刀生孖女啦！希望我都可以好似你2位一切順利啦！想問下你地開刀既問題，請問手術做幾耐呀 ...

詳細情形同sbaby差唔多. 我係手術後第二日落床的, 要好慢動作起身, 不過一起身行路真係超暈, 要休息咗一陣先可以行路. 關於止痛方面, pwh會俾個你自己可以人手控制的按鈕經手背上的喉管輸入體內的, 不過我個人覺得對子宮收縮痛唔係咁有效, 因為我覺得子宮收縮仲痛過個傷口, 但係啲姑娘都會定時定候俾特效止痛葯你食的. 係呀, 姑娘會按你個肚check子宮收縮, 果下係我覺得最最最痛的, 我真係忍唔住按住佢隻手話好痛呀, 痛過個傷口好多!!! 我插完尿喉感染咗大腸干菌, 因為我以前試過尿道炎, 可能係咁所以容易入菌, 但係插尿喉真係唔痛, 因為係打咗麻醉葯後插的. bb即日待你清醒後換咗床冇耐就會交番俾你, 佢會問你餵唔餵人奶的. 如果你話你想休息, 佢都可以幫你照顧. 我同sbaby一樣, 因為大孖唔夠重要訓箱, 所以只推咗細孖俾我喺床度俾佢試食人奶. 半麻個人係由頭到尾都完全清醒的, 手術大概半個鐘就完成, 其實真係好快, 只要你個人放鬆啲, 其實都唔係想像中咁可怕, 佢會俾你老公陪你的, 但一定要事先同醫生傾好先.