吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老豆包二奶，俾我捉到，我打左個女人一餐 ...

夫婦情感今日: 12|主題: 42446

收藏本版

發帖

返回列表

跳至頁

樓主: POLLY922

積分: 2439

1^#

發表於 11-7-23 08:12 |顯示全部帖子 |倒序瀏覽 |打印

話說幾個月前，我老豆（64歲)行為古古怪怪，成日話冇錢，但佢自己一個月搵兩萬，家庭支出都唔會超過萬三蚊，而且我同細路都有準時交家用俾佢，理所當然有錢剩，但成日開口問我同細路借錢，咁我就開始懷疑，我同細路一齊查佢銀行記錄同電話記錄，發現佢近lee一年每個月洗三萬五，仲有一疊簽咭嘅收據，先發現佢成日同個女出街食飯，成日買野俾個賤人，又每一早都會陪個女人食早餐同每晚都會同個女人傾完電話先訓。咁我同細路就搵佢問佢依家想點，係唔係要個女人，但佢死口都唔認，話只係朋支，一齊食下飯傾下電話唔得咩，叫我唔好理，我再問佢，你意思係唔要lee個家，唔要我阿媽，揀個果女人？佢冇答，佢大我，叫我話俾阿媽知囉，我唸唸再認一排，睇下佢會唔會同個女人分開，因為我唔想我阿媽老左先冇左個伴。
之後，我就係佢架車裝左個偷聽器，睇下佢仲有冇搵個女人，點知都係有。咁我就同我老公開始跟跡佢，睇下個女人住邊，但有兩次都跟唔到，但lee件事已經影響到我嘅情緒，成日訓唔到，又嘔，我怕我有產前抑鬱症(我有左BB 6個月)，我老公叫我認下，話生完先再跟，我話唔得，我晚晚都訓唔著，我要將lee件事盡早解決，否則我會痴線。咁7月21日一早，我就

點評

guji 同問...家用5好比佢發表於 11-7-27 03:05

BOBO6 唔明點解家用比你老豆,唔係比你阿媽發表於 11-7-25 02:29

0 0 0

私人傳訊

POLLY922

大宅

積分: 2439

2^#

發表於 11-7-23 08:49 |顯示全部帖子

回覆：POLLY922 的帖子

咁7月21日一早，我就搭的士跟跡我老豆去到慈雲山毓華里，我見到佢係架車度等人，過左一鎮佢收到電話就落左車，我估係個女人叫佢係邊度等，一齊食早餐，可惜我跟不上，為有係佢架車附近等，過左半個鐘終於返黎，我見到個女人上車，我火都黎埋，我上前拉開車門不停打個女人，我老豆見到即刻落車，拉開我，我同佢係毓華里大嘈，我話要用部相機影抵個賤人張相俾阿媽睇，我老豆就出手搶我部相機，不停打我隻手。之後個女人走人，我就上左我老豆架車再嘈過，我最後一次問佢，你會唔會同個女人分開，佢話唔會，佢鍾意個賤人，我一聽即刻打俾我阿媽，話俾我阿媽知佢包二奶，但當時我阿媽反應不來，有少少不知所醋，但我一路講電話時，我老豆不停打我隻手，又打電話俾我老公，話我痴左線，叫我老公快d來接我。係度等老公來之前，我不停鬧佢賤人，佢又不停打我隻手。
之後，我老公黎到接左我返屋企，佢不停打電話黎惡客我，話唔會放過我，好似要同個女人出氣咁，話我夠膽再搵個女人，小心後果。我個刻先發現，佢變左好多，同佢之前慈父形象差天拱地，冇得救。
我阿媽好傷心，想趕佢走，但佢死都唔走，話佢冇做過，佢做乜要走，佢話以後都唔會俾家用。我依架想唸辦法趕佢走，大家有咩方法，另外我懷疑個女人其實有老公的，所以佢驚我上去佢屋企搵佢。

點評

小花媽咪樓主, 陀緊B真係唔好咁火, 否則將來阿B發火對住你. 小心保重! 發表於 11-7-26 21:42

oolong817 美亞講得岩!! 發表於 11-7-24 16:21

ccwife how can he hit u!!!!!!!!! you are pregnant!!! is he crazy!!!! 發表於 11-7-24 00:45

美亞咁.一定要俾佢老公知.順便叫你老豆小心收尾果幾年.無人邦佢養老~ 發表於 11-7-23 22:13

私人傳訊

POLLY922

大宅

積分: 2439

3^#

發表於 11-7-23 08:50 |顯示全部帖子

引用：Quote:原帖由+POLLY922+於+11-07-23+發表話

原帖由 lamyungyu 於 11-07-23 發表
追~~~~

追乜？

點評

lamyungyu 追~~~你個post . 發表於 11-7-23 10:19

私人傳訊

POLLY922

大宅

積分: 2439

4^#

發表於 11-7-23 22:22 |顯示全部帖子

回覆：老豆包二奶，俾我捉到，我打左個女人一餐

多謝大家關心，其實lee次已經係第二次，十八年前已經捉過一次，果時我哋仲細，我阿媽只好選擇原諒，果時佢餐餐都哩係廚房食飯，眼淚一滴滴，滴落碗飯到，當時情景我至今瀝壢在目，冇辦法忘記，不過當時我只有十歲，冇辦法解決問題，經過兩年多佢吔先可以好番，不過始終心入面有一根刺。
今次我阿媽比上一次平靜，佢一d都冇發現我老豆出軌，因為佢覺得大家都老啦，而且我老豆日日都接送返工放工，仲買埋餸，冇時間出去攪攪震，可惜原來佢大把時間，成日同我阿媽講有貨送入飛機倉，需要大約八點先到屋企，其實佢早上十點過後已經送完貨，由朝到晚都陪住個女人，晚上7：30先食完飯，送完個女人番歸，佢自己先番屋企。番到屋企話唔舒服冇胃口食唔落，事實一早就食飽。
Lee件事發生之後，我阿媽話點解唔一早話俾佢知，叫埋佢一齊捉姦。
我老豆嘅意思，你做人仔女應該隻眼開隻眼閉，放生老豆，俾佢出去玩，佢會日日返屋企顧家，何必督爆佢，攪到今時今日嘅局面，話我係攪

私人傳訊

POLLY922

大宅

積分: 2439

5^#

發表於 11-7-23 22:24 |顯示全部帖子

回覆：老豆包二奶，俾我捉到，我打左個女人一餐

話我係攪屎棍，我想大家我究竟有冇做錯，如果你地會點樣處理？

點評

林小虎做得好發表於 11-7-31 17:35

bongbongpatty 做得好..做咩要忍佢.. 發表於 11-7-28 02:01

coco1234hk 做得好..做咩要忍佢...不過你都小心身體發表於 11-7-27 16:34

happyhelen Well done x 1000... 發表於 11-7-26 11:22

AAmother well done 發表於 11-7-25 18:26

VKwan 隻眼開隻眼閉冇錯係其中一種方法，但仔女亦要扞衛亞媽做人的尊嚴！發表於 11-7-24 22:49

jastangtang 錯又冇錯既~係激動左D~知你唔開心好難控制,但智取會好D 發表於 11-7-24 02:57

私人傳訊

POLLY922

大宅

積分: 2439

6^#

發表於 11-7-24 10:22 |顯示全部帖子

引用：樓主，除左要+take+care+自己外，要你媽咪

原帖由 pp6113 於 11-07-24 發表
樓主，除左要 take care 自己外，要你媽咪睇實D錢呀，尤其是聯名戶口，媽咪住緊間屋係邊個架？ ...

我阿媽佢住公屋，戶主係老豆，如果真係要離婚都唔知點樣安排分戶！

點評

bongbongpatty 佢通姦佢要走..... 發表於 11-7-28 02:03

私人傳訊

POLLY922

大宅

積分: 2439

7^#

發表於 11-7-25 00:25 |顯示全部帖子

引用：現在最重要是保胎，有時感情的東西不是別人

原帖由 DonaldTsang 於 11-07-24 發表
現在最重要是保胎，有時感情的東西不是別人可明白，你的偷聽器是怎樣買？

...

偷聽器鴨寮街同淘寶都可以買到，只要係淘寶打"個人定位GPS"就可以搵到，好平百幾蚊有交易。

私人傳訊

POLLY922

大宅

積分: 2439

8^#

發表於 11-7-26 19:28 |顯示全部帖子

回覆：老豆包二奶，俾我捉到，我打左個女人一餐

啱啱我阿媽問佢想點，仲要唔要lee頭家，佢拋番個波俾我阿媽，佢話你想要咪要，你唔想要咪唔要囉，但佢死口都唔認同隻狐狸有上過床，每朝同隻狐狸食早餐，送隻狐狸返工都係好平常嘅社交禮儀，真係吹佢唔脹。
我打咗俾區議員問公屋分戶問題，議員話因為我老豆已經64歲，我阿媽同細路一齊搬走，佢都可以繼續住係現址，直至百年歸老。唉，我阿媽同細路就要用綠表重新申請公屋，點解個天咁唔公平，冇做錯嘅人就要走？仲有咩辦法呀？我阿媽受唔住啦......