早兩日帶阿女去睇醫生,
診所入面有兩母女,
阿媽50歲左右,
阿女14歲左右.
個女仔咀唇都白哂,
應該幾辛苦.
個媽媽一路都好緊張個女,
但係個女仔就唔多啋佢媽.
我女睇完出0黎就到佢0地,
佢0地出0黎個女仔就嬲爆爆,
個阿媽話,"咁都唔係好嚴重..."
個女仔就發晦氣:"係啦,依家係我唔想返呀,扮0野丫嘛!"
阿媽:"我唔係話你唔痛呀,係好彩你唔係好嚴重咋!"
跟住個阿媽0係個女耳邊細細聲講0野,
好似係話陣間唔知去邊度食埋0野先返屋企啦.
點知個女仔突然彈起身話"我走呀!"
阿媽"你唔食都等埋藥同我一齊走啦!出面落緊雨呀!"
點知個女就咁就走0左,
個阿媽跑出去想叫住佢都唔得,
阿媽返入診所係咁打電話(應該係打俾個女),
打極都無人聽,
佢自己擰擰頭好心痛咁.
見到呢件事,
我好怕第時個女大個都會咁樣對我,
1句講唔埋就走0左去,
有時望住阿女,
真係唔想佢大得咁快...
係咪做人父母都會咁呢...
版權所有,任何傳媒論壇未經本人同意,不得擅自轉載!
發表於 
返回列表
