我有朋友喺美國，佢媽媽住喺老人屋，我去探過伯母，環境不錯，伯母而家能夠自理，自己住一個一房單位，定時有人來清潔家居，唔想煮飯可以落去 canteen 食，每日有幾種唔同食物可以揀，定時有 van pool 車老人家去教會／睇戲／shopping，等等，又定時邀請唔同嘅人來開講座，安排節目，老人屋有護士長駐，定時有醫生來，亦定時車老人家返醫院／診所復診，睇來照顧得唔錯。我問朋友，如果到有一日伯母不能自理時，點安排，佢話到時會轉 assisted living，唔使搬，會有護士 on site 照顧，好似住醫院咁，直到終老。聽起來比香港嘅老人院好好多，不過我知呢 d 老人屋都唔平，朋友話伯母幾年前搬入來時，entrance fee 都成三十萬美金，然後再每個月四千美金月費，不過咁睇，伯母有間屋，老左自己住唔方便，仔女都唔放心，賣左間屋，用呢筆錢比老人屋嘅費用，其實可以自給自足，仔女唔使點負擔，我覺得唔錯，而家儲定錢，老左都可以考慮呢個方案
發表於 
返回列表
