成屋都係嘢要做，周未好多時要留係屋企執下呢樣果樣weekday積埋未做嘅嘢，大屋靚屋係要付出勞力去服侍維持，大把中國人屋企得個大字又亂又污糟，買返時好靚，唔做住住下好快走樣。
帶住香港果套未必壞事，外國小朋友自己唔上心讀書冇人會迫佢地，功課又冇，當你身臨其境難免覺得呢種教育方法輕鬆得滯有少少誤人子弟，我仔放學之後每日都有安排，兩日私人補習，1日學音樂，2日運動，空余時間參加樂隊訓練⋯⋯有過來人男仔，比我仔大幾歲就黎入大學，佢話佢啲同學就係因為太得閒成日開P飲到啤啤夫亂搞男女關係。
有套劇集「fresh off the boat」講80，90年代美國中國移民家庭，某些方面幾寫實值得一睇，特別文化方面
So far我係享受移民生活的，但攰到似隻狗又冇人可以幫手䏲住屋企讓我出去鬆下時，難免時常掛住香港的工人姐姐，懷念有人服侍的生活。自認叫幸運中的幸運，有part time幫手清潔，有幾個gardener幫手搞掂花園，可以去full time讀書，每日送走大爺小爺就匆忙執自己去返學，放學撲返屋企又開始冇停手，有少少時間就去做運動，因為老媽子一定要夠強壯唔可以病，病左都要C頂。一個星期有幾日5.30半起身，6點去到gym，7點返屋企煮早餐，8.30之前所有人出門，，我要磨打手收拾殘局梳洗自己去返學。返屋企又係忙，大爺6點幾先返屋企，我要督住小爺們做所有嘢直到他們上床，先有時間睇下功課，電視機是裝飾邊有時間睇，第二日又係5.30⋯好處是一定唔會失眠
我搵嘢做先有借口將懒得做的屋企嘢工序外判，讀書比返工輕鬆
發表於 
返回列表
