吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 小天使(天盛)幼稚園

香港18區媽媽會今日: 5|主題: 156884

收藏本版

發帖

返回列表

跳至頁

樓主: lun_shan925

[元朗區] 小天使(天盛)幼稚園 [複製鏈接]

kennis328328

複式洋房

積分: 410

1^#

發表於 10-10-18 00:38 |顯示全部帖子

坦白講~間間學校都有好有唔好既....我本身有2個仔仔都讀緊安泰,我又唔覺得有咩大問題.....
雖然校舍係細d,但相對小朋友又不是太多.....病菌都少d,老師都ok,我覺得唔係太差喎~起碼我兩個小朋友都鐘意返,好少喊......d老師佢地都鐘意!
之前都睇過天樂,學費比較貴,學生都比較多....好似有上,下,全日班咁.....當然,校舍環境各方便都比較好!

其實我覺得最好比小朋友周圍行下,佢地都表達到喜歡與否的,我認為他們開心就好了!我d小朋友宜家返到屋企,都有唱下學校d歌,表演下咁,我知道他們返學其實真的很開心..........

私人傳訊

kennis328328

複式洋房

積分: 410

2^#

發表於 10-10-18 00:47 |顯示全部帖子

原帖由 bastet 於 10-10-7 13:35 發表

depends佢地收唔收插班生囉!
到30號我都要問下佢係4月定8月收我囡囡!
不過我覺得佢地d校服幾靚, 而且佢地仲有fb page, 有相upload 左, 睇到小朋友的活動相! ...

係呀~佢地足2歲就可以讀n1,咁您都可以揀4月或8月入學,o個陣我個細仔8月中先2歲,我就9月先入,我大仔4月2歲,我就揀8月先讀.........我都幾鐘意佢地fb,睇到d小朋友都幾開心.......我最鐘意佢地幫n1小朋友介片,同埋教佢地自己食飯,我d小朋友都好有進步!!!

私人傳訊

kennis328328

複式洋房

積分: 410

3^#

發表於 10-10-18 21:50 |顯示全部帖子

原帖由 sn0629 於 10-10-18 09:53 發表
請問學校幫n1小朋友介片要介幾耐才成功架?

因為我自己從來無幫佢地介,所以耐少少....我唔係好記得確實時間.....我只記得我細仔初初返去就著學習褲.....佢地就定時去廁所既.....咁都好少濕....之後,大約一星期左右,就著底褲仔,佢地一開學就要求放兩套衫係學校替換..因為都有機會濕......不過係一,兩個月之內,小朋友就會識同我講要去廁所.....我大仔慢D,細仔反而快D,個個小朋友唔同既.....

講真,我之前搵NI班既時候,都問過幾間,佢地大部份都會話:"最好介埋片先返啦......"所以我見呢間話可以幫介片,就報左呢間,佢地仲有家長觀課(睇小朋友上堂),講座,就算帶小朋友參觀,我地都可以做義工一齊去......我覺得幾好!

私人傳訊

kennis328328

複式洋房

積分: 410

4^#

發表於 10-10-19 09:45 |顯示全部帖子

原帖由 sn0629 於 10-10-19 08:26 發表
好丫, 有得幫介片
咁係咪即係返學第二個星期就開始唔再著片架啦?
你指果D義工活動是否在星期一至五架?
如果星期六日去旅行果D父母可唔可以一齊參加架?
你仲記唔記得安泰面試會問D乜? 考小朋友D乜架?
又可唔可以父母 ...

我大仔因為屬於大b(即同齡比較早出世),佢一返學就著底褲仔.....細仔就係細b,佢著左一星期左右學習褲,之後著底褲仔,不過中午訓覺就換番學習褲,兩,三星期之後就只著底褲仔.
係呀~義工活動多數係星期一至星期五既,不過n1好似無乜,n2之後就有.n3-n4多d.
學校一年有2次旅行,一次係學生攪,一次係家教會攪,父母當然可以去,佢按人數收費,讀緊既學生免費...百幾元左右.仲可以帶其他家人,小朋友去......(照俾錢o者)
佢面試好簡單,同你傾下計,叫下小朋友玩下,攞下野咁~無壓力,好輕鬆既.父母可以一齊去.
而我既小朋友宜家仲讀緊,未升小學......但我見佢普遍入伊小分校,當然有人入到天天o個d,佢有份表貼係學校出面咖,您可以自己去睇......
希望幫到你啦~~

私人傳訊

kennis328328

複式洋房

積分: 410

5^#

發表於 10-10-20 01:15 |顯示全部帖子

原帖由 sn0629 於 10-10-19 14:37 發表
學生點會識攪旅行呀? 唔明!
家教會是什麼來架?
原來你小朋友仲讀緊, 咁請問有冇外籍老師教英文架?
你的小朋友有冇普通話學架?
我仲想知如果打三號風球/紅雨/黃雨學校係咪真係唔開門冇得返學架?

...

SORRY~打錯左,係學校攪先岩,家教會即係家長教師會,可能係俾埋家長參與討論,就唔係學校決定晒咁....主席就係學校內既學生家長.
有外籍老師,普通話老師,不過唔係駐校既~一星期一,兩堂....如果有家長觀課,您可以揀番時間(手冊內有時間表寫埋星期幾,幾點上)去睇小朋友上外籍老師堂.我上次睇大仔上,佢都幾開心呀!
學校就睇情況既,好似上次早上教育局話上午班同全日制幼稚園停課~(當時係無打風,已經除左風球)我見學校都有開,仲有,就算上上下堂掛3號~佢都唔會要家長即刻接既,佢仍然開放...直到6點,咁如果未返學之前掛風球,紅雨...正常就唔開喇~~為左小朋友安全.

您有無上學校網址睇過~裡面有好多其他資料~有餐單,有校曆表(您都可以睇到大約有咩活動),有相.....您打"幼聯"就可以找到了.

私人傳訊

kennis328328

複式洋房

積分: 410

6^#

發表於 10-10-20 09:38 |顯示全部帖子

原帖由 sn0629 於 10-10-20 09:13 發表
我仲想知這間學校有冇默書/試驗/考試架?
唔知今年N1佢地收到幾多位小朋友讀緊呢?

應該無咖~~我個仔n3都無.....佢始終唔係d咩國際學校,私立幼稚園,所以相對係淺d既....
今年n1好似20幾人,因為佢地會陸續收足2歲既小朋友......我細b 初頭o個陣讀收左10幾個,之後都有20幾個,但係佢一級得一班.

私人傳訊

kennis328328

複式洋房

積分: 410

7^#

發表於 10-10-20 10:02 |顯示全部帖子

原帖由 sn0629 於 10-10-20 09:48 發表
冇默書/試驗/考試又好似唔係幾好喎!
咁佢地係咪即係活動教學呀?
我想問....咁你覺得你小朋友讀書叻唔叻呢?
你平日有冇自己考下佢D字點寫架?

咁睇下您點睇啦~~我自己覺得如果要默書/考試,幼稚園黎講又好似好辛苦,不過唔知n4有無....佢地應該係活動教學既,我見佢地都有帶小朋友出去附近參觀學習.
我大仔宜家學緊寫d中文,英文字咁,佢都認得.
坦白講~您要比起其他人講國際學校或者私立既,咁佢地睇起黎一定好似無咁叻,唔會開口埋口講英文,但我覺得我自己可以接受佢地宜家學既野,起碼佢地返到屋企講起學校既野都開開心心先,佢地識既野可能係一般.....至於您問我佢地叻唔叻~我覺得ok啦!有d野我認為佢地未識,但佢地原來係識既......學校又有d自費既課外活動,好似繒畫,拉丁舞,合唱團,大d有珠心算...俾佢地學既野都ok足夠!

私人傳訊

kennis328328