在職全職

收藏本版
發帖
返回列表
跳至頁

首頁
1

尾頁
   1
corn819


大宅

積分: 1491


1#
發表於 13-7-19 15:06 |顯示全部帖子
由我舊年大肚開始, 公司既HR已經好唔妥我。因為我未過試用期就大肚, HR試過暗示要我自己走, 又暗示我老闆唔鐘意我, 總之咩招數都出齊, 就係想我自動消失。我有咁大個擋箭牌就梗係唔走啦。到我放完產假返黎, 我老闆(係鬼佬黎)簡直係當我完全透明。近排, 有時我朝早撞口撞面見到佢, 會同佢講聲「morning」。但佢, 明明係望前方見到我既, 都會突然望另一邊, 行過就算。你想點呢? 你咁憎我既咪炒我囉, 點解要咁對我?

因為咁, 我都覺得唔可以再咁落去, 我日日都要自己搵野比自己做, 佢地D野出左事就賴晒比我。我唔會死, 只係會極委屈。咁我咪搵工囉! 好啦, 有份見到有眉目啦。今個星期三打黎, 同我傾好晒價錢同福利, 就話比佢地大老闆endorse埋就可以正式出offer比我, 叫我等多一兩日。我日日就望住個電話, 佢地幾時打比我呢? 今日已經係第三日啦。宜家個電話每響一次我個心都好似跳左出黎咁, 可惜都等唔到最想要等到既電話。大家覺得點? 係我心急姐, 應該無問題架嘛? 唔會傾好晒都有變卦嘛? 我真係再受唔起咁大既打擊啦! 我好辛苦呀!!!!!!!!
私人傳訊

corn819


大宅

積分: 1491


2#
發表於 13-7-24 18:03 |顯示全部帖子
多謝各位姐妹關心同支持, 我終於得左啦! 可以離開呢個鬼地方。雖然我唔知新公司好唔好, 但總算係間大公司, 應該會好少少嘛! 其實我宜家個間都已經係上巿架啦, 但D架構真係衰到無朋友囉!

其實, 比老闆當透明都無問題, 學JM話齋, 鬼叫我等份糧開飯咩! 最慘係, 堂堂一間上巿公司, 三個月唔埋兩個月就話炒人, 都唔知有無搞錯。咁我梗係自己快D搵返法走, 好過坐以待斃嘛! 比人劃花個底就唔好啦!

新工呢, 人工好D, 福利好D, 但就會辛苦D。但我唔介意架, 唯一就係無一間可以比我隨時泵奶既房囉。我有問佢地HR, HR只係話, 我可以book conf room去泵, 但就無特定一間房。我都唔知第一日返工點算? 人生路不熟, 又無book房。第二日重慘, 要去做orientation, 肯定無得泵... 點算好呢? 唔通真係要掛泵? 到我返新工, 仔仔已經9個半月了。希望可以堅持到仔仔一歲啦!
私人傳訊

corn819


大宅

積分: 1491


3#
發表於 13-7-26 10:48 |顯示全部帖子
回覆 kaka1226 的帖子

呢份工未過試用期大肚係意外, 人算不如天算, 你想要個時就無, 唔想要住既時候就有。我老闆係鬼佬, 全team同事都係鬼佬, 佢地其實一D都唔介意。介意既係公司個HR, 佢地最憎大肚既同事, 會不斷同你講, 你工作唔理想, 返黎都未必有得做架啦。已經唔知有幾多個同事, 放完產假第二日就消失左, 就係因為呢位HR。

其實我從來都唔會係準時走個隻... 大不了6點係公司泵多次, 做到咁上下先收工。新工呢, 係好辛苦架, 但有樣好就係個老闆話因為工時太長, 佢都唔會要求你係公司OT咁耐, 叫你不如攞返屋企做。其實我個仔到我返新工個時已經9個月, 我都有諗過, 如果真係唔許可, 我咪掛泵囉。距離原本想餵到一歲都唔差幾遠。我只望今次可以做長D, 我都唔想成日轉黎轉去。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見