夫婦情感

收藏本版
發帖
返回列表
跳至頁

首頁
1

尾頁
   0
mingdo


複式洋房

積分: 277


1#
發表於 10-2-11 13:47 |顯示全部帖子
我同個人渣中學時代已認識,我倆差不多拍了8年拖在1996年結婚,之後生了囡囡,囡囡現在已經13歲了.雖然人渣長期都在大陸工作,但大家感情一直都很好,逢星期五至日都會見面,如果人渣工作繁忙未能回港,我會同囡囡上大陸與他共渡週未.由於農曆年人渣才有長假期,所以都趁這段時間一家人跟團出外遊玩.
直至2007年初,人渣工作上有轉變,原本的合伙人要退走,當時餘下人渣自己打理.那時我同他講,不如我辭去份工,上大陸幫你一齊打理生意,而且大家不用再分隔兩地,起碼個家庭會正常啲.不過,他話我份工做了咁長時間,亦做得開心,叫我唔好辭職.人渣話佢自己攪得掂,還叫我不用擔心.
至2007年尾,大家開始爭執多了,之後人渣成日話間廠忙,未能回來,我都喺體諒,包容佢.加上囡囡功課亦很繁重,我都不能成日同她上大陸探爸爸.其實我咁多年一直都好信任人渣,如果大家成日有猜疑,根本不如結束這段婚姻,就因為這個信念,所以自己一直堅持下去,我相信婚姻喺一生一世,細水長流.大家一起這20多年內,我間中都會當說笑好認真好,問人渣大陸有無女人?如果有第一時間話我知,我覺得攬住一個已經唔愛自己嘅人喺極痛苦嘅事.不過每次人渣都話無.
2008-2009年就算大家見唔到面,在電話都會大吵大鬧,人渣會為少少事同我嘈,到星期四開始嘈,之後星期五就人又唔見,電話又無.咁又過咗個假期唔駛現身.這段期間,我一直很辛苦,自己身體也逐漸出現毛病,成日要睇醫生,甲狀腺出現問題,情緒很低落.囡囡見到我唔開心,她同樣唔開心.就算他肯返香港,亦多次在囡囡面前向我們發脾氣並連門鎖都踢難,我囡囡驚到大喊大叫.
問人渣既然無第3者,點解咁樣對我倆母女?(我一直只有體諒佢可能工作上嘅辛苦,所以諗唔通發下脾氣),但他答唔出!
到2009年10月,人渣終於開口話要同我離婚,因為人渣有第三者,而且人渣同個女人已經有個仔喺中山小欖,個仔當時已1歲有多(佢個仔喺08年7月出生).聽到突如其來嘅消息,我記得當時我驚到不懂做反應,好像突然什麼都無晒!點解我盡晒力換來這個結果呢?自己坐下來諗完一大餐,那一晚喺我這三年來最熟睡嘅一晚,原來自己成身輕晒,困擾自己很久的情緒終於可以有解脫!之後嘅日子幸好有家人,朋友開解,支持,他們很疼愛我同囡囡,有時朋友聽我吐苦水,講電話一講可能幾個鐘,但我講了出來真的舒服很多,我都很感謝他們.另外因為自己健康及囡囡感受,我對人渣一直都無再大吵大鬧了,怎至人人都話我對他很仁慈.到現在雖然短短4個月時間,但情緒上還算可以,始終二十多年感情,一下子無咗都幾傷!
之前同人渣講好囡囡生活費,但只比了10月同11月份.之後更玩大逃亡,玩失蹤.人渣已經由11月尾至現在無同囡囡聯絡,不聞不問,如果人渣經濟上有問題,可以大家商量,但囡囡都唔搵,我絕對不能原諒,有時自己諗原來人話變就變,都幾恐怖!
凡事都有第一次,由舊年聖誕開始,以後大節日都喺自己同囡囡渡過了!
私人傳訊

mingdo


複式洋房

積分: 277


2#
發表於 10-2-11 14:55 |顯示全部帖子
好多謝您哋嘅回覆及鼓勵!
看見您哋對我嘅回應,我很感動,多謝晒!
我同自己講過我同囡囡一定活得比佢好!
私人傳訊

mingdo


複式洋房

積分: 277


3#
發表於 10-2-11 15:53 |顯示全部帖子
tcftcf :

多謝您!
由於囡囡由細到現在,事無大小都喺由我,及我爸爸媽媽照顧,所以我哋感情非常好.她什麼事都會同我講,我知道她很錫我.她早幾年前還細時,見我唔開心,會懂得逗我笑,囡囡見到我開心,她也很開心.所以我知道她很懂事,她一直都好比心機讀書,做好自己本份,不用我去粗心.



原帖由 tcftcf 於 10-2-11 15:26 發表
加油~我個所謂老豆都好似個人渣咁，包二奶生埋仔女，同媽咪離婚之後就失左蹤無理過我同媽咪~
你最緊要堅強D，好好生活，唔好衰俾個人渣睇。
囡囡大個一定會好鍚你，正如我好錫好錫媽咪咁~ ...
私人傳訊

mingdo


複式洋房

積分: 277


4#
發表於 10-2-11 16:04 |顯示全部帖子
yan_man :

我身邊朋友都有比意見,可告人渣重婚,通姦等罪.但自己精神及健康上能否承擔到?我自己都唔知道!

請問有無朋友有這方面嘅經驗分享?


原帖由 yan_man 於 10-2-11 15:31 發表
佢有個仔:;pppp:
你告佢從婚

私人傳訊

mingdo


複式洋房

積分: 277


5#
發表於 10-2-11 16:41 |顯示全部帖子
oct27_2008 :

人渣同二奶應該未註冊結婚.但在大陸告通姦罪可成立嗎?二奶未婚產子有罪嗎?

另外,後來從人渣間廠嘅員工得知,當二奶懷孕時,人渣已經有另一情婦三奶了!

我都好想知,男人嘅心態,既然做錯了第一次,一次出軌同一千次出軌喺咪都喺一樣?身邊個男人變到咁樣很可怕.

原帖由 oct27_2008 於 10-2-11 16:18 發表
佢有冇同個女人結婚 ?
定係同居 ?

如果同居無得告喎
私人傳訊

mingdo


複式洋房

積分: 277


6#
發表於 10-2-11 17:29 |顯示全部帖子
oct27_2008 :

多謝您及其他朋友的回覆!我會加油,努力去面對前面嘅路!


原帖由 oct27_2008 於 10-2-11 17:16 發表
樓主 sorry 我唔知大陸 d 法律
但通姦唔會好大罪 (我諗)

如果通姦要坐牢, 我諗大陸起碼
有 好多人要坐

你要加油
d 咁衰人 , 實有天收
私人傳訊

mingdo


複式洋房

積分: 277


7#
發表於 10-2-12 11:47 |顯示全部帖子
多謝您哋嘅鼓勵!

我囡囡近兩三年都感覺到佢爸爸對自己已經無咁重視.就算學校考試考第一,個人渣見到成績表都好似無感覺,半點興奮都無,依然木口木面.再加上囡囡見到爸爸咁樣對媽咪,自然地覺得有爸爸喺屋企,家裡氣氛反而更唔開心.因為人渣又唔笑,又唔講嘢,又唔睇囡囡功課,又唔幫手做屋企嘢.淨喺睇電視,睇報紙,講電話,訓覺.

有人渣喺到,佢只有比到大家唔開心.無人渣喺到,大家唔會有機會唔開心.

所以我都要去學識放下,放手,放鬆.
私人傳訊

mingdo


複式洋房

積分: 277


8#
發表於 10-2-17 12:44 |顯示全部帖子
我很慶幸當年無辭去份工,如果唔喺我諗更不知所措.我由細到事情發生前,我並唔喺一個獨立,堅強嘅人,我喺一個大喊飽,亦因為大家相識時間很長,所以個人渣會覺得我係佢嘅掌握內.係唔開心嘅日子入面,我有諗過攬埋囡囡去跳樓,當時情緒極低落,有一段很長時間,自己喺唔識笑,忘記咗點樣去笑.直至有一日,囡囡同我講,"媽咪你好耐未笑過!"我才記起我嘅面容原來一直都好緊張.

幸好身邊朋友嘅聆聽,開解,鼓勵之下.成個人真的可以企返起身.如果當年我同囡囡去尋死,個人渣絕對唔會傷心.但我爸爸媽媽及一班錫我哋嘅朋友就肯定痛心.

農曆年,我同囡囡到了台灣玩了四日,買了一本書"勇敢去愛,勇敢離開"當中有遭到無情離棄的女性真實的情感經歷.我見到內裡嘅目錄都很吸引,拋開傷痛向前走,謝謝你離開我,放手原是一種獲得.希望看完這本書後,自己變得更堅強,甚至比之前活得更快樂,更充實!
私人傳訊

mingdo


複式洋房

積分: 277


9#
發表於 10-4-12 18:16 |顯示全部帖子
昨天,剛剛分開咗半年時間,自己情緒早在過農曆年後已經平靜.不過,早幾日在人渣嘅親友口中得知,他的三奶已經懷孕,並且預產期在這個月.人渣還將三奶介紹比親友認識,親友們看見都覺得驚訝萬分.但那個二奶由始至現在都未見過人渣任何親友.
其實當時人渣要逼我同佢分開,其實喺三奶剛剛得知自己有咗,可能三奶要個人渣同佢結婚.我聽到這個消息,都覺得有無攪錯,攪完一個一個,一腳踏幾船,個個攪完都生番件.道德何在?不知濫交後果嗎?當時我還是他太太,有無顧及我同囡囡感受?至於還有幾多攪完無上身嘅,我諗數目都唔少!
我現在嘅心情很唔舒服,我都唔知點去消化?如果當囡囡知道佢爸爸啲私生活咁唔檢點,同一段時間同幾個異性有關係,我都唔識解釋!!!我想日後人渣想見囡囡,我會找藉口,因我怕人渣連個女都唔放過,我好驚!!!!!
私人傳訊

mingdo


複式洋房

積分: 277


10#
發表於 10-4-14 12:19 |顯示全部帖子
原帖由 qc1995cheung 於 10-4-14 01:08 發表

我同你case係好似,但你比我好,你有個體諒你嘅女,但我個仔一點都不體諒我,還對爹地好過我,只有一個人傷心.


qc1995cheung :

可能女孩子會比較早熟.另外,人渣近幾年放在囡囡身上嘅時間很少,導致囡囡愈大同人渣感情愈薄.

你都要努力,加油!當仔仔再長大時,他就會明白媽媽當時嘅感受.不要灰心,始終做錯事唔係自己,對得住天地良心,問心無愧!
私人傳訊

mingdo


複式洋房

積分: 277


11#
發表於 10-4-22 23:42 |顯示全部帖子
原帖由 krissie0622 於 10-4-22 17:29 發表
好老實,我會同個女講,個老豆已經死咗...一來,唔想比佢知有個咁既老豆.二來,我估以後都唔會同佢見面...呢D咁既人,等天去收佢啦....有二奶已經夠衰,仲要三,四奶..

...


首先很多謝各位回應及鼓勵．

我本身早就已經當個人渣死咗．不過，至於囡囡對佢爸爸嘅情感，我相信佢會懂得應對．由舊年十一月中到今年三月中，足足四個月後個人渣無端端打囡囡手提電話．問囡囡你有無掛住我？你訓醒未？你考試未？你得閒就打比我啦！我個女就很冷淡地逐一回應佢啲問題．問一句就答一句，仲要得一粒字，”掛””醒””未””哦”之後拜拜！
（我心諗個人渣咪當個女”傻”！幾個月後至記得自己有個女至識得話掛住個女！我哋個個一直都醒，唯獨係佢未訓醒！考試講緊上次定嚟緊呢次呀！（囡囡上次考試前夕，我Send SMS比佢，叫佢鼓勵個囡，佢什麼都無做過！）呢啲人渣就算得閒都唔會搵佢！）
經過呢次電話後，我見囡囡對佢一啲熱情都無，所以我相信囡囡自己會識去處理．但我有同囡囡聲明，如果佢爸爸問有關自己嘅學業，健康情況，我話你自己可以回應佢．當佢問到其他事情時，我教囡囡答”我唔清楚”就算了．至於見面我一定吾比，呢個男人已經唔係以前認識嗰個，現在變成個淫魔，我真係驚囡囡同佢見面有危險！

[ 本帖最後由 mingdo 於 10-4-22 23:46 編輯 ]
私人傳訊

mingdo


複式洋房

積分: 277


12#
發表於 10-4-23 11:41 |顯示全部帖子
原帖由 cheukwing媽咪 於 10-4-23 00:08 發表
一個咁既爸爸....佢唔搵你囡囡其實都未必唔係好事！
努力加油！


對呀!所以我都有同我班朋友商量,我話想通知個人渣以後唔好再搵囡囡,你比我哋安靜地生活.我亦想同人渣講有可能將來囡囡會跟我姓!
但我班朋友話阿女電話中對佢咁冷淡,佢打多一兩次見無引就唔會再打,至於改姓咪等阿女到18歲時自己才決定!
私人傳訊

mingdo


複式洋房

積分: 277


13#
發表於 10-4-23 17:26 |顯示全部帖子
原帖由 plee 於 10-4-23 17:17 發表
很欣慰你可以重新站起來，因為真是不容易的事，人要變起來真的好可怕。女女的問題真要小心處理，在保護她之餘，也小心她對異性及婚姻有陰影，影響將來她的終生幸福。 ...


多謝您的提點.我之前都有詢問過我一位讀心理學的朋友,因為我都怕自己處理不好會影響很大.聆聽過他的意見後,我大致上都知從何入手去處理.
私人傳訊

mingdo


複式洋房

積分: 277


14#
發表於 10-4-30 16:26 |顯示全部帖子
原帖由 豬包ma 於 10-4-30 11:35 發表
加油呀!!睇個人渣好得幾耐,放長雙眼.多數b6女人攞晒佢d錢就會走人嫁喇~


舊年10月人渣迫我要分開時,大家已經把資產分配好,當中有部份是留比囡囡將來出國讀書用的,亦已放入囡囡銀行戶口,只是暫時由我看管.
昨天收到人渣電話,佢話要攞返囡囡銀行戶口內一半金額,佢話要分返一半!如果唔比,人渣話後果自負!點解連留比囡囡出國讀書嘅學費都唔放過?點解事件發生後都成7個月,都唔可以比我哋平平靜靜過生活?還要打電話來騷擾,我唔聽手提電話,人渣就打來我公司,我唔想影響其他同事只好接聽,一開口就大大聲,句句都粗口,全部歪理,仲話自己一直都無做錯事!(事實就是佢同二奶個仔已經一歲10個月,同三奶嗰個就快出世),這樣都叫做無錯!!!!!(我唔聽電話係因為大家已經無野好傾,佢對囡囡已經莫不關心,生活費比到舊年11月已經一蚊都無比.既然如此,大家各行各路,以後無必要再聯絡算罷!)
所以我都很驚,我怕佢會傷害囡囡及我父母.
私人傳訊

mingdo


複式洋房

積分: 277


15#
發表於 10-4-30 23:33 |顯示全部帖子
既然當時資產已經分配好，我無打算作出改變，所以一毫子我都唔會比個人渣。我要為囡囡爭取到底，我要她得到保障，她是最無辜的。

這個人渣已經變晒，以往對住我唔會講粗口，今次係電話裡，人渣句句粗口，同我講佢爛命就有一條！好似變咗第二個人咁，聽完這個電話，我只覺得他很可悲！大家既然分開咪分開囉，點解攪到自己唔似個人？仲係唔係男人？有大好家庭點解唔好好珍惜，身在福中不知福，依家嘅生活真的開心？！做咗咁多壞事，良心唔會受責備嗎？？
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見