自由講場今日: 3659|主題: 1303489

收藏本版

發帖

返回列表

跳至頁

樓主: elaine329

支持MTR前線職員！！！請大家入o黎SUPPORT佢地！

[複製鏈接]

elaine329

子爵府

積分: 11755

1^#

發表於 12-7-25 11:02 |顯示全部帖子 |倒序瀏覽 |打印

本帖最後由 elaine329 於 12-7-25 12:27 編輯

O係FB睇到有人POST左當晚情況同佢的感受～如下：

先講明我極不同意港鐵嘅有加冇減機制，但坦白針對單一事件，見到「鄭家富批評港鐵危機處理手法差劣」，實在慶到暈！我相信每樣事都會有改善空間，但作為一個不在現場嘅人，用「手法差劣」黎形容一件佢見唔到嘅事，我只覺得佢「抽水手法差劣」！

由紅磡一路上，車不時停下開下，亦經常有廣播話因暴風雨而有機會停駛，當去到大圍站嘅時候，天文台話掛１０號，港鐵職員已經即刻出曬黎安撫乘客，亦講明因安全理由停駛，叫大家等！但一埋有如暴民嘅香港人：「仲咩唔比我返屋企」、「你唔開得唔早ｄ講」、「要等到幾時」、「仲咩冇接駁巴士」、「開一班車車我地返屋企駛死」、「你收得錢就預左送到我返屋企」……望住一班職員，一手拎住對講機同控制室聯絡、等指示又要安撫乘客、仲要比人圍住用粗口問候，我心諗「你地咁叻不如沿路軌行返屋企啦！嘈！」

大約十幾分鐘，職員已經安排水機、開晒所有出閘位等大家自由出入，又派紙皮，仲不停廣播發夢都記得嘅「十號暴風信號現正生效，所有列車暫時停止服務」。我同朋友曾經出閘望過出面，除左用「惡劣」同「恐怖」之外，真係冇其他形容詞用得，小學開始老師教「打風嘅時候要留喺安全嘅地方」！我肯定o個班暴民一定覺得有樹幹嘅電纜、會行行下停電嘅列車、成街樹支垃圾桶亂咁飛嘅接駁巴士係最安全啦！

到今日仲要鬧點解新聞稿話繼續仲有車，我人在電台嘅時候，睇住８號升９號好趕，９號升１０號仲要冇咩通知，你估港鐵有個電話打比風眼叫佢hold一hold送左你班暴民返屋企先再黎咩！架車喺紅磡唔郁，鬧、郁得但行得慢，鬧、到大圍１０號波唔郁，鬧、送唔到你返屋企，鬧、唔早ｄ通知唔郁，鬧……說真的，我好想依班人行出去比風吹走咪唔駛再嘈lor！一群不理自己同他人安全、只懂發洩、自私地趕住返屋企嘅暴民，仲要問人地拎返２舊水？比風吹走實在便宜左你地！

咁大個仔第一次十號風球滯留街上，親眼睇住街上打風嘅恐怖，雖然我地敵唔過自然災害，但人性羞惡原來比大自然更恐怖！香港真可悲！

計對依件事，實在有１００個唔明白點解鄭家富要求港鐵道歉。道歉姐係認錯？在我立場道歉直接話比全世界嘅人聽佢地職員處理手法有問題！客觀地睇，一班員工通宵工作，不停比人鬧，有港鐵朋友講１０號風球有同事仍然喺出面緊急修理……依個對唔住雖然只係象徵式，但今次我掉返轉強烈反對港鐵道歉（哈，有趣）！

「鄭家富批評港鐵危機處理手法差劣」？！我會改成「強烈批評鄭家富批評港鐵危機處理手法差劣」

各位MTR前線職員，辛苦了！！！