婆媳關係今日: 0|主題: 27700

收藏本版

發帖

返回列表

跳至頁

樓主: asyura

唔想因為唔想俾小朋友99湊而唔生...但係......(長篇) [複製鏈接]

asyura

複式洋房

積分: 455

1^#

發表於 10-9-8 09:23 |顯示全部帖子 |倒序瀏覽 |打印

未結婚前99已經聯同佢地既親戚向我地施壓, 要我地早日結婚生仔
又話咩有仔趁嫩生, 趁99仲後生可以幫你地湊大..........
我同c6一早有共識唔想請工人湊, 但都唔想俾雙方父母湊........
我梗係最想自己湊啦, 但在公在私, 我都冇可能辭工唔做, 至少未來三至四年都唔可能
而我99本來幫開佢個女湊既, 後尾個外孫女大個升小學,99已經睇唔到佢既功課, 佢個女就請工人湊同請補習老師, 雖然佢地都住得近, 但99仲係好唔鐘意, 又成日怪個女做咩唔請補習老師去99屋企, 等佢可以繼續湊
唔知係咪咁, 我99更加希望我地早日生仔, 成日叫我地生, 又話生左後可以點湊點湊, 但根本係佢自己一廂情願係到講
而我c6又唔知係咪見佢媽冇左個外孫女湊覺得可憐 (其實我唔明有咩咁可憐, 但99又係c6面前喊晒咁), 同埋99冇咩朋友, 佢好似想生左後俾99湊.......

我好唔開心, 我係絕對唔會俾99湊的
1. 我地一個住新界, 一個隻九龍, 我同c6工作時間唔穩定, 好多時都好遲先走得........我唔想星期六日先見自己個仔
2. 先唔好講新式同舊式湊法, 我見佢湊外孫女時, 有好多教法我都唔認同, 我好驚我小朋友第時會俾佢地寵壞兼變得毫無公德心可言, 但c6唔覺得啲教育方法有問題.........但明明結婚前佢都話過唔想我地個仔, 好似99寵個外孫女咁寵壞晒..........

我又擔心過多三至四年先生, 年紀大已有心無力了.......而且過幾年我都未必辭得工.......

放育嬰院真係唔駛諗, 佢地一定唔會俾我咁做

我本來諗過俾自己媽咪湊, 因為我媽咪管教好嚴 (當然對住外孫會唔會變未知啦), 但至少自己媽咪, 有咩事可以開聲

但媽咪本身有工返緊, 雖然我開聲佢實肯辭職, 但99實大條道理要我地俾小朋友佢湊

我有諗過唔生算了, 但我本身好鐘意小朋友, 見到自己個妹個仔咁得意, 都好想生, 但一諗到湊仔問題就唔想生了

如果生左後我一意孤行, 一定會破壞我同c6既關係, 亦會破壞左我同99間平靜既關係 (不過俾佢湊都一樣會)

佢地而家越係逼得我緊, 我就越想反抗同反感......

請問可否分享如何才可獲得c6支持??

0 0 0

私人傳訊

asyura

複式洋房

積分: 455

2^#

發表於 10-9-8 10:30 |顯示全部帖子

唔好意思, 可能頭先太急同亂所以自己都講得好亂
基本上生仔呢樣野由我地結婚前到結婚後, 我地計劃都有所轉變, 諗法都變左
我係好鐘意小朋友, 好想自己湊, 但我目前冇法子做到呢樣野
我同c6本來諗住呢兩年生的了, 但暫時未講到邊個湊, 但都有共識係呢兩年既事
因為佢堅拒工人關係, 而我地同媽咪住同一個屋企苑, 我諗住由媽咪日頭湊, 夜晚同放假都自己湊, 後尾睇呢到知道育嬰院都有諗過, 但因為我地工作唔定時, 俾育嬰院個機會好細
但唔知點解自從99冇得湊外孫女後, 我c6諗法變左好多
我知道99好多時會打電話俾c6, 我唔知佢講過咩, 只聽過c6打電話俾佢家姐, 叫佢有工人都要成日帶個外孫女過去俾99見, 又成日同我講99點慘, 仲有意無意間講到好似俾我地個仔99湊都冇所謂咁
c6之前都覺得99同62寵壞個外孫女, 但有次個外孫女當眾扭玩具, 扭到喊晒, 6299即刻順晒佢意
之後我同c6講, 佢地太錫個外孫女, 我c6即刻話唔錫佢錫邊個?
以前佢一定會認同, 同覺得佢地太寵個小朋友........
而家佢好似好認同99佢地管教方式, 又唔覺有問題, 又唔再聽到佢覺得6299太寵小朋友......我好驚........

雖然話仔女係我生梗係我話事, 但盡可能都唔想破壞同c6關係

如果c6唔想俾99湊, 咁99除左俾說話我地聽, 親戚向我地施壓, 我都冇所謂

所以我好想可以令c6回心轉意

琴晚同6299食飯, 佢地先又話邊個邊個又生左個仔, 個位又抱孫.......99又係到幻想到時點幫我地湊, 我地賣左而家呢到搬近佢地 (佢已經成日話我地層樓升左幾多, 而家放賺幾多, 又成日講佢個區邊到賣幾錢........), 我c6冇點醒佢不特止, 仲講笑話到時你唔好話湊又嫌困身, 我地唔理架啦......

我唯有即刻話邊有咁快呀, 我地而家生啦咩?

跟住99又繼續催生仔........我唯有扮睇電視唔應佢.........

私人傳訊

asyura

複式洋房

積分: 455

3^#

發表於 10-9-8 17:06 |顯示全部帖子

唔好意思, 冇講清楚
其實係我地住新界, 6299住九龍
我同c6係港島返工
我地未結婚前同居過一段日子, 由c6求婚後買樓自住同搞結婚既野
一開始冇諗過買近我父母, 當然亦冇諗過買近佢父母, 本來諗住買港島
後尾c6同我睇過而家住緊到, 我幾鐘意, 但冇諗過買, 因為我覺得對我同佢都應該要公平, 不過個時我地港九新界都有睇, 當拍拖節目同增加經驗啦
點知c6偷偷地落左訂
佢話知我同屋企人關係好好, 唔捨得離佢地咁遠, 咁佢不嬲唔點痴屋企, 所以就我冇所謂
我個時好感動架, 雖然99知道後好唔鐘意, 又試過俾說話我地聽 (但其實買樓前問過雙方父母都話由得我地架.......跟住買左佢又有所謂......), 但我都冇所謂, 因為有c6支持
後尾經歷過問99拎返key事件, 裝修傢俬事件, 結婚擺酒事件等, 都有因為咁同c6嘈過, 但佢始終有幫我做野, 我都好感激佢

但唔知係咪搬開左住, 同埋99而家成日係c6面前扮孤獨老人吧? 我開始覺得c6越來越覺得99咩都岩 (定唔敢開聲話佢)

其實結婚前c6係唔想生小朋友的, 佢唔鐘意小朋友的, 反而好鐘意小動物, 我同佢掉轉
結果佢完全冇養小動物, 就算我話養, 佢都話唔好, 因為我本身好易敏感 (皮膚, 鼻同氣管都係)

c6都算幾就我的了, 所以我唔想破壞我地之間既關係, 亦唔想逼迫佢
在c6來講, 可能我同佢講唔生仲易過生左後堅持唔俾99湊..........因為c6不嬲都覺得冇小朋友都冇所謂

我諗我真係要好好諗清楚..........我唔想生左個小朋友出來做磨心, 或者要佢係吵鬧中成長

不過現階段我真係冇可能唔做野......

私人傳訊

asyura

複式洋房

積分: 455

4^#

發表於 10-9-10 13:35 |顯示全部帖子

我今年29, 都唔細了
以前成日想30前生仔, 逼於無奈都延遲到希望32前生第一個.........
都有諗過不如再等5年, 到時99都60了....大條道理話佢年紀大照顧唔到.......但5年後都唔知自己身體點..........

層樓係我同老公名, 我地兩個俾錢買的, 咁當然老公俾大份啦, 因為佢人工高過我, 而家佢負責供樓, 我負責水電煤之類既雜費, 佢冇俾家用我, 不過好多時買野都佢俾錢, 又會送我鐘意既野俾我, 唔知99心目中呢啲叫唔叫佢個仔養我啦, 但好肯定佢覺得層樓係佢既仔即係佢既

因為初初入伙佢來得好密, 又帶親戚來參觀

本來佢以為係我父母逼老公買呢到, 又方死我父母會成日來, 後尾日子耐左, 佢發覺根本我父母要返工好忙, 只係入伙時來過一次, 同埋我父母俾好大自由度我, 我乜都自己話事, 佢先改觀

如果第日我有個女, 我一定教佢做女人最緊要有儲畜同本事搵錢, 一定要自己錢買層樓俾自己

我唔想俾小朋友99湊, 除左係呢到見過太多媽咪既苦況, 我媽媽都係受害者, 後尾我父母要拎返細佬來湊時, 幾乎搞到家變, 我祖母開晒家族會議要趕我媽走呢......

亦都眼見姑9湊返個女之後, 同99既關係差左.........

我99份人其實冇咩野, 但就麻煩, 小氣同咩都要加意見, 又成日想人接受佢既意見......所以我一向主張同佢保持適當既距離, 如果佢介入來, 我諗我同佢開片都似.........

我會睇多啲關於湊小朋友既野, 同埋計劃好自己既財政

你地講得岩, 我要自己諗好同計劃清楚

而家先同老公埋手, 等佢清醒, 要我個仔俾佢媽湊係冇可能既事.........