婆媳關係

收藏本版
發帖
返回列表
跳至頁

首頁
1

尾頁
   0
asyura


複式洋房

積分: 455


1#
發表於 10-10-18 10:31 |顯示全部帖子
唉......今日拎左假, 諗住琴日同老公入長州玩, 點知99又是失驚無神殺上來.......
佢又係來到我地屋企附近先打上來, 本來老公唔想佢上來, 同左佢講我地要出去, 99可能又係電話入面嘈老公, 咁雖然99打來時我同老公已經預備出發, 但因為佢已經來到附近又咁煩, 諗住同佢飲埋茶先出發........
點知冇耐99就係我地門口...........話同佢飲茶又唔駛, 原來佢食左早餐.......跟住自己拎埋佢自己買份報紙坐係沙發睇......
個刻真係勁無奈, 老公同佢講話我地陣間要入長州, 話佢一係而家食, 唔係陣間我地走.......跟住99係到問長問短, 又話我地浪費$, 突登走入長州過夜, 根本就係想我地係到陪佢.......
老公突然間發火 (我都估唔到), 話99過來唔早啲講聲之類, 又話我地去邊做咩唔駛佢理之類........
我99仲突然.....喊!!! 跟住話我地趕佢走..............又喊又鬧我老公........又扮晒野開門走.......我就走入房費事理佢地.......
因為62返左大陸拜山, 99又因為大煩關係同其他仔女一係嗌咬, 一係避開佢.........所以佢琴日冇人陪.......
最後老公先放棄, tum返99, 我都冇晒mood去長州.........冇耐99都走左............
不過老公都再次同99重申, 佢下次過來前一定要提早打電話俾我地, 我地唔得閒佢唔可以發難或死都要上來........
本來99諗住由早坐到晚, 想食完晚飯先返去 (62夜晚先係大陸返來)!!! 但搞到咁, 大家都冇晒心機........我同老公都冇去長州, 夜晚老公帶左我去我鐘意既餐廳食飯補數.......
唉, 希望有用啦~ 又睇下來緊呢個星期六日點.........
私人傳訊

asyura


複式洋房

積分: 455


2#
發表於 10-10-18 11:37 |顯示全部帖子
我地入左伙兩年, 最初99唔會架, 因為個時佢幫我姑9湊女, 最近呢一年佢同姑9關係開始轉差 (因湊女關係吧?), 多左星期六日過來, 直到姑9請埋工人唔俾佢湊, 佢就幾乎個個星期六日來 (通常來其中一日....好少來足兩日, 或者佢自己有野做咪唔來咯)

開頭我有同老公嘈, 我唔介意佢過來, 但我介意佢唔講聲一來就已經話係我地屋企附近, 試過晨早嘈醒我地, 試過我地趕返去開門, 試過我地約左人搞到我地遲到..........

我係呢一個topic都有講過後尾我等老公自己感受, 因為之前老公覺得冇問題的, 話佢媽不嬲係咁............結果慢慢我老公都開始唔耐煩......

以前同老公嘈完後, 99又咁老公都會輕輕講句來之前打個電話嘛, 但99一話打左啦 (佢係來到先打.......), 老公就唔再出聲的了, 老公未試過好似今次咁認真咁大脾氣咯

本來我應該開心的, 但琴日見99咁, 我知佢冇得救的了.........除非真係同佢反面......因為佢真係好"文"塞, 講極都唔明.......

例如老公話佢做咩又唔打電話講聲就自己過來?
99: 我咪打左咯 (佢係到我地屋企附近先打.....)

又例如老公話我地要出去呀, 你來到我地唔係到點呀?
99: 你地唔得閒我咪自己四圍逛咯 (但佢根本唔想我地過長州, 以前亦試過我地係街催我地返屋企, 又試過搞到我地約左人遲到, 根本佢就係來到就要我地係到陪佢........)

仲有好多........根本同佢講就係對牛彈琴, 唔知佢真唔明定假唔明啦.......佢完全唔覺自己有問題, 佢返屋企之後仲要係62, 姑9佢地面前話老公鬧佢.....想趕佢走........好彩姑9佢地身受其害, 打來安撫左老公兩句都冇怪我地........
私人傳訊

asyura


複式洋房

積分: 455


3#
發表於 10-10-18 11:53 |顯示全部帖子
原帖由 irisflower 於 10-10-18 11:47 發表
深深明白樓主o既感受,我99都係咁,星期一至五趷上o黎仲唔夠,星期六日放假仲要走o黎睇雜誌報紙,真係當我屋企係圖書館!!!

佢連中藥都要o係我屋企煲,跟住o係度飲埋,扮Q晒o野大嗌"好苦呀好苦呀"!不過連c6都唔問 ...


圖書館!!! 形容得好呀!!! 我99走上來睇報紙雜志架!!!! 再唔係攤沙發睇電視訓覺.........

佢又係成日來到就同老公話呢到痛個到痛, 又呢到病個到病.......

不過你仲慘......咁你咪一至日都要對住佢咯? 仲要煲中藥......成間藥都嗅死........

咁你老公有冇諗住開口話佢?
私人傳訊

asyura


複式洋房

積分: 455


4#
發表於 10-10-18 11:56 |顯示全部帖子
一係你聽錯, 一係佢講漏左個字, 係一年唔上來一次.......

之前聽你咁講, 我唔覺你未來99會一年先上你地個到一次........

私人傳訊

asyura


複式洋房

積分: 455


5#
發表於 10-10-18 12:07 |顯示全部帖子
原帖由 hellomag 於 10-10-18 11:54 發表
比著我，我就話已經出咗街，吾係屋企，費事煩。


試過係街啦......跟住佢會問長問短又呢又路搞到我地要返去........應該話.....我地唔返佢就會死等.........

同埋佢又會話呢到個到又病又痛又唔舒服, 因為我地個區佢冇定去......所以令你唔忍心佢一個係街, 又會返去.........
私人傳訊

asyura


複式洋房

積分: 455


6#
發表於 10-10-18 16:09 |顯示全部帖子
原帖由 戲如人生 於 10-10-18 15:21 發表
鬼唔望你第日係呢度爆版
咒死你

(講笑 )




唔好呀.....唔係我驚親子王國連server都摺埋咁我地就冇掟吐苦水架啦
私人傳訊

asyura


複式洋房

積分: 455


7#
發表於 10-10-18 16:12 |顯示全部帖子
原帖由 戲如人生 於 10-10-18 15:09 發表
咁咪衰心軟LAW
其實真係呢度病果度痛, 就咪鬼出街啦
你地一次又一次咁就佢...
佢點會反省呀?


唉.....冇用架
大姑9同佢嗌架, 佢仲係我地面前數大姑9, 但佢數個啲我覺得大姑9冇問題, 好多時係佢自己問題, 佢唔會明架
我同老公又做唔出要佢一個人係街遊盪................
其實我99份人又唔係咩陰毒黑心, 係煩咯.........
私人傳訊

asyura


複式洋房

積分: 455


8#
發表於 10-10-18 16:14 |顯示全部帖子
原帖由 crystals 於 10-10-18 14:38 發表
我最"興"係佢地上o黎咁多次都冇次話搵襯家食飯~我同bb係公公婆婆度先至"不如今晚同襯家食飯~"所以食飯其間我有我同阿爸阿媽有講有笑~阿b坐係我同阿媽中間玩~佢地咪好似搭枱咁囉~ ...




真係好討厭又唔通氣呀!
所以我而家都好驚如果我生小朋友, 99會日日中上來.........
私人傳訊

asyura


複式洋房

積分: 455


9#
發表於 10-10-18 16:16 |顯示全部帖子
原帖由 irisflower 於 10-10-18 12:33 發表
係呀因為佢間屋好似狗竇咁!佢成日咁得閒死o黎我屋企坐,都唔執吓佢自己間屋,姑仔頂佢唔順,兩年前已經搬咗出o黎,不過都係住附近,平時都會返吓o黎食飯,不過最近話業主賣樓,佢寧願搵過間屋再搬遠d,都唔返去同99住,你話我 ...


同asyura個99一樣,連佢姑9都唔想俾細路佢湊,自己個女都頂個阿媽唔順,更可況我o地呢d"外人"呢?


完全同意呀!!!!! 真係搵著我地來搞......
私人傳訊

asyura


複式洋房

積分: 455


10#
發表於 10-10-18 16:28 |顯示全部帖子
好似56? 總之未夠60.....
同佢係講唔到道理架, 一係好似62大伯咁一唔岩心意就鬧佢, 咁佢就會收聲
大姑9都好聲好氣勸過佢好多次, 佢唔會聽架, 要搞到姑9發火同佢嗌架, 佢先會收聲唔理 (當然背後就數姑9啦)
佢同我媽差不多年紀, 但99好早冇做野, 以前湊仔女, 女仔大左都做過一陣, 但又冇做.........後尾索性幫姑9湊女
佢冇朋友冇嗜好的, 親戚又係鄉下

好似呢件事咁, 我地根本唔係唔俾佢來我地屋企, 佢都可以演譯成: 我地唔俾佢來, 要趕佢走..................
我地叫佢早啲單聲, 佢又話打左俾我地 (已經幾乎來到......)
話我地唔得閒可以唔駛理佢, 但佢會俾好多說話做好多野令你一定要陪佢.............
姑9都係咁頂佢唔順

佢真係好煩的, 咩都想理咩都想管, 但又唔理自己係咪識, 亦唔理人地係咪想佢理..........所以佢啲仔女都唔俾佢知咁多佢地既野, 費事佢多多聲氣..........
私人傳訊

asyura


複式洋房

積分: 455


11#
發表於 10-10-18 16:34 |顯示全部帖子
同埋我地已經盡量一個星期得的話同佢食一至兩次飯....
但因為我同老公好多時收工或者放學都成十點幾十一點 (雖然我成日係bk......), 所以星期六日真係好想訓晏啲, 好好休息下, 又或者溫下書, 有時候我地星期六日都要開工的 (不過depends on 每隻job).........
同埋我都要陪我父母架嘛
唔係我地唔想, 係我地都要係陪各自父母, 自己休息, 各自進修 (我地都進修緊的)間拎個平衡........
但佢一來就會留好耐.............真係由朝到晚.........
姑9而家全職湊女啦, 又有工人做家務, 佢都唔想對住佢阿媽, 都唔話陪佢媽多啲, 你可想而知佢有幾........ ..............
私人傳訊

asyura


複式洋房

積分: 455


12#
發表於 10-10-19 09:09 |顯示全部帖子
原帖由 戲如人生 於 10-10-18 17:22 發表

似我媽呀...又係好聲好氣就得寸進尺..
講極都唔明道理
但一發火炳佢, 先知衰
係咪一定要搞成咁先安樂呢
當然..又係會係背後數第二個唔岩果隻LAW )

呢樣又係似我媽喎....咩都要理
我話要出街, 又問你同 ...


好彩係你阿媽唔係你99......唔係實 都似......
私人傳訊

asyura


複式洋房

積分: 455


13#
發表於 10-10-19 09:15 |顯示全部帖子
原帖由 irisflower 於 10-10-18 16:49 發表
50幾歲人好後生啫,都咁唔通氣?我o個件70幾歲,都話望佢快d...

仲有呀如果你有咗bb,唔係嚇你,你真係唔駛驚唔驚,
99 o係大廳喇!!!

原帖由 戲如人生 於 10-10-18 17:19 發表
放心....我可以肯定答你...
日日都會上硬黎
家陣已經咁...如果有個B...
除非你地反左面
否則....佢無可能唔日日上黎


所以我打死都唔生住.....至少呢兩年都唔會生......
99而家都成日想我地生, 生完就俾佢湊 (佢真係想得美)
佢同佢個親生女都搞到咁.........如果我生左一定日日同佢....

irisflower 你99至少都70幾啦........我而家生佢分分鐘可以睇埋個孫成家立室..........諗起都癲.......唔係唔想佢長命百歲, 但諗起佢同姑9既爭執, 仲要一啲BK媽咪既命運將來會發生係我身上.........


我唔想長駐BK.......

[ 本帖最後由 asyura 於 10-10-19 09:19 編輯 ]
私人傳訊

asyura


複式洋房

積分: 455


14#
發表於 10-10-19 09:25 |顯示全部帖子
原帖由 戲如人生 於 10-10-18 17:17 發表
咁你地注定俾佢食硬都得喇
因為你地兩個都衰心軟..
不過睇你C6忍得幾耐啦
佢今次都忍唔住發脾四了
我諗過多幾次...
你C6有機會反枱GA
其實趁關係未搞差前
你99再唔識諗...
我怕你地會步你D大姑9/姑仔的後塵呀
到時真 ...


未必既......
老公雖然會發脾氣, 不過都好易心軟
我而家反而等99撞板
因為我地公司接左隻新job, 遲下我星期六都要返工, 為其至少三個月
老公又開始斷斷續續咁出trip
如果99仲唔改又來到先打電話, 佢實中招........
我地又唔係去玩佢冇得話我地, 到時真係咪當俾個教訓佢咯.......
私人傳訊

asyura


複式洋房

積分: 455


15#
發表於 10-10-19 09:30 |顯示全部帖子
原帖由 qoorknm2004 於 10-10-18 17:16 發表
睇見你地既 case, 唔好意思, 好簡單直接咁講就係 "兩個女人爭一個男人",
d 99 真係唔化成咁. 佢地覺得d新抱搶左佢個仔, 咁佢當年又咪一樣搶左人地個仔做老公.:;pppp: ...


哈.....可能我99根本係要老公, 女, 女婿, 孫, 仔同新抱個個圍住佢吧?
佢唔止對我地係咁, 佢對姑9都係咁架
之前姑9未辭職時, 難得有family day (姑9同姑爺都係返一至六), 99都要跟埋去......一係湊走左個孫, 搞到姑9打來要人 (姑9同99住得好近, 因為以前姑9個小朋友係俾99湊)
唔係姑9點會成日同佢嘈呀........
私人傳訊

asyura


複式洋房

積分: 455


16#
發表於 10-10-19 10:09 |顯示全部帖子
原帖由 jesuslovesyou 於 10-10-18 16:47 發表
所以若果d 老人家 通氣d.......

我地做後生既，真係好辦好多

又唔係 唔陪佢地, 又唔係 唔理佢地......


只係, 我地都想安排好自己個schedule je~~ 以及有番d 生活空間.......

一星期食一兩次飯已ve ...


所以你99咪一年先上你地屋企一次咯
因為其他日子都係你地日日上去食飯呀嘛..... (講笑)
我姑9個時俾個小朋友99湊, 姑9同姑爺都係日日上去食飯架, 想見個女呀嘛
可能咁寵壞左99, 令佢個覺佢一至日都要有兒孫相伴吧......

所以你都要小心呀
唔係陣間你未來99老奉你好似佢個女咁日日都要上去食飯你就慘啦
私人傳訊

asyura


複式洋房

積分: 455


17#
發表於 10-10-20 13:50 |顯示全部帖子
冇用架.....同99講左唔止一次啦
不過佢唔係針對仔同新抱, 佢對個女同女婿都係咁架
有次佢自己走去姑9到 (又冇預先通知), 俾姑9話, 之後仲要同62同我地話姑9趕佢走, 唔俾佢上姑9屋企..............

不過我而家都再加強對老公既思想改造
始終佢對左99幾十年, 唔會覺得有問題的

至少老公都由最初唔覺有問題搞到我同佢嘈, 到今次佢開聲話99, 已經係一大進步了........不過估唔到99竟然喊.......仲喊左好耐..........唔知真係以為我地蝦個老人家.....

我而家灌輸緊有節目就推99唔俾佢上來, 同埋出左去唔會趕返來既訊息俾老公, 希望會慢慢改善啦.........
私人傳訊

asyura


複式洋房

積分: 455


18#
發表於 10-10-20 13:59 |顯示全部帖子
同埋來緊至少有三個月既周末我都要返工, 老公又到出trip旺季, 如果99再唔改, 我唯有好衰咁等住睇佢摸門釘............我係絕對唔會係公司趕返去開門俾佢的 (我係港島返工)

當然我唔希望要個老人家白行一趟啦, 話晒我地住新界, 佢住九龍, 來我地到都要成粒鐘.........

同埋佢雖然係好煩, 真係好煩, 婆媳間相處有時難免都會有不合既地方, 不過佢唔係陰毒既人咯, 所以都唔想整鬼佢........

只係逢周末都咁樣俾人打擾法, 真係好激氣..........
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見