Baby Kingdom - 親子王國 香港 討論區 › 首頁 › 自由講場› 我係咪好過份

自由講場

收藏本版
發帖
返回列表
跳至頁
我係咪好過份 [複製鏈接]

首頁
1

尾頁
   0
~仔仔媽咪~


水晶宮

積分: 51912


1#
發表於 10-3-26 00:28 |顯示全部帖子
始終佢都已經廿歲...你仲管佢咁多...真係過哂火囉...叫佢唔番屋企瞓或者夜番就打電話番黎講聲呢樣我都覺得OK又合理,但管埋佢去邊,仲要管埋佢女朋友仔..呢樣相信無後生仔女仲可以接受....

坦白講,我廿歲就閃去結婚都係皆因屋企有個管家仔(我大佬),嗰時我只係同公司成班(真係十幾廿個架)放工去食dinner直落一齊飲野或者唱K,我老豆要我每日放工後八點前要番屋企,跟住我個管家仔大佬限我十二點前番屋企,打電話番黎講話番唔切黎都唔得,話要鎖門添!試過幾次D同事送我番屋企時,我哥係可以鎖哂門,我按幾次門鐘佢至開木門,然後隔住個鐵閘(記住嗰時係深夜十二點幾)好寸咁同我鬧:"係咁架啦,一早講咗十二點前番唔到屋企我就會鎖門架啦!",搞到我班同事好尷尬又唔知我入唔入到屋企門,結果我係成為咗全公司既笑柄囉!次次八點幾食完晚飯個電話就黎嘈,個個同事(包括D日本人同事、上司、老細)都知咩事當場反白眼....

我哥玩咗幾次呢下野後,我係索性真係玩唔番屋企囉!還掂佢都鐘意鬧鐘意嘈鐘意玩鎖門咯,我又清清白白,又唔係同D唔三唔四既人冷街或做D咩唔見得光既事,佢咁唔信我又咁唔信我班同事既,佢係咪都嘈,咁我又做咩仲咁乖趕頭趕命好似灰姑娘咁番屋企啫?!我都廿歲都出黎做野啦(仲要係日本大公司D文職,唔係M記亦唔係夜總會囉)...結果後期我都係玩到天光直接番工,佢地咪無哂聲出囉.


樓主係咪想個仔以後會咁睇你同對你?我覺得廿歲真係已經好大個仔架喇,廿歲仔係要自己識得管理自己而唔係受亞媽管,用咁既方式教個仔點樣做人.廿歲仔已經係要對自己既人生負責/交代,而唔係向亞媽交代或者亞媽負埋佢個責任.

佢廿歲成年人搞大人地個肚咪由佢負責囉.做咩又攬上身話要養埋人地個女同個B?個女仔仲好細個?仲讀緊中學? 如果唔係,佢地既然已經大學,咪叫佢地自己出黎打工搵錢養家囉.自己搞出黎既野就要自己承擔.因為佢地已經係成年人,而唔係十幾歲無能力搵工做既花靚.

樓主,你真係要調節下自己思想,唔係老唔老土問題,而係你未識得放手.你再係咁管,分分鐘可能原本你囝好識諗,好有計劃佢既人生,變成因為你迫佢令佢有壓力而做咗D你最唔想佢做既野...依家佢咪係做咗一樣俾你嘆囉!咪係唔番屋企囉.
私人傳訊

~仔仔媽咪~


水晶宮

積分: 51912


2#
發表於 10-3-26 00:31 |顯示全部帖子
原帖由 patpat234 於 10-3-26 00:11 發表
咁咪好聲好氣同佢講,唔返來訓唔緊要,大個仔喇,不過打個電話返屋企話比阿媽知,等阿媽唔洗心掛掛唔知你係咪有咩意外...

另外,同佢講千萬唔好搞大人地個肚之餘記得帶套,最怕惹到唔知咩病...
咁大個仔已經有幾次冇返黎 ...


你完全簡短濃縮咗我既意思...(我又打咗堆千字文... ),實情樓主同個仔咁樣講,已經好夠.再管真係反效果係咁黎.
私人傳訊

~仔仔媽咪~


水晶宮

積分: 51912


3#
發表於 10-3-26 00:41 |顯示全部帖子
原帖由 patpat234 於 10-3-26 00:36 發表
我16歲已經久唔久唔返屋企,去左同學屋企打通宵牌..
到17歲讀完中五,係明愛讀個垃圾課程,我讀讀下無讀我媽都唔知,我果時已經搬走左...

我媽管我唔算緊,當年已經叫好鬆,係我老豆麻煩,搬走左無眼睇~~~


...


咁我都係去到十八歲後至試過同同學通宵唱K同傾偈囉.之前都有試過唔番屋企訓,但都係會事先問准屋企人至會响同學(我讀女校,個同學係教友)屋企過夜囉,都係一晚半晚,大家都係傾心事(你知嗰個年代我地班女仔老友鬼鬼幾咁多野傾架啦 )~~~
私人傳訊

~仔仔媽咪~


水晶宮

積分: 51912


4#
發表於 10-3-26 02:17 |顯示全部帖子
原帖由 patpat234 於 10-3-26 01:22 發表
大學生其實足夠有能力半工讀，仔女錯唔可能父母下下都攬上身,咁大個人要憧得自我解難，乜都係父母解決,到最後只會令到仔女過份倚賴而唔識得如何面對挫敗.
出事後,最傷心的只會係你自己.

當然要係佢去到呢步前提醒佢

...


呢樣正正就係我想講既,你明你擔心D咩,但好現實嗰句,個仔唔可以俾你照足一世嘛!佢有選擇權有能力去決定自己係走邊條路,佢係玩野玩搞大人個肚唔讀書走出黎做人老豆搵工做,你都無辦法架噃.呢條路係佢揀,唔理你依家鬧定佢先抑或係等佢搞大人地個肚決定唔讀書出黎做野搵食至鬧佢唔生性,你都係無佢符,個人生係佢既,在於人角度或者你仔角度,廿歲仔真係已經大個,唔會接受到俾亞媽干涉佢生活去到咁既地步囉.

佢真係搞大咗人個肚,如果佢到時係旨意亞媽養埋佢老婆同個B,呢樣佢就真係唔識諗,亦可以話佢唔生性囉.你再攬哂上身話養埋佢...咁樣做係咪真係鍚仔呢?現實講句,你年紀都過半百啦,可唔可以照住個仔照到老?萬一你早過佢升天堂,突然要佢自己一個DIY(食自己),佢俾人養慣,你估佢到時捱唔捱得起?養兒長憂九十九,無一個亞媽會覺得個仔係大個仔架,呢樣大家都好明白,個仔九十歲,你都仲在生既,你都仍然會覺得個仔係細路仔...咁點呢?係咪即係要你照佢一世?有時要後生面對呢個現實世界時,媽媽都需要囉,你係愛佢,但真係要調節下自己要用咩方法黎愛佢,就咁管束佢唔等於真係愛佢幫到佢囉.

雀仔出世都係唔識飛架,但總有一日佢都要離巢離開父母要飛走,咁雀媽媽如果好似您咁,因為太愛雀仔又怕佢跌親又怕佢走失又怕佢唔識得搵食,咁雀媽媽又會唔會咩都唔教,叠埋心水日日搵虫虫DARM番黎俾雀仔食,而唔教佢飛又唔俾佢飛咗去唔番黎呢?如果雀媽媽真係咁做,隻雀仔往後既日子都只能依靠媽媽維生,媽媽一唔响度,斷水斷糧,到時隻雀仔都老喇,仲識唔識得自學去學飛去學自己搵食養活自己呢?答案係唔會囉.明白做亞媽對兒女既憂慮,但同時為人父母亦應响適當時候懂得放手,讓子女學習獨立,佢地未跌過又怎能知道痛?唔知痛又點會進步同學會長大?個仔無得俾我地攬一世架.

私人傳訊

~仔仔媽咪~


水晶宮

積分: 51912


5#
發表於 10-3-26 02:37 |顯示全部帖子
原帖由 chinatea 於 10-3-26 02:07 發表

唔係老唔老套思想,d仔女未到20歲d亞媽就唔好話:一次半次唔返屋企冇所謂,都唔好話20歲就係叫做"唔細",大家個家庭觀念唔同,唔可以咁講者.

做父母係想自己仔女成長都係有規有矩,唔係話一識左女朋友就可以唔返屋企,都 ...


你可以同佢開心見誠講,但唔能夠管得太緊,講真鬧住咁講既忠言,無人會聽得入耳,就算忠言有幾道理都好...

規矩係要有,但都真係要同個仔去傾去講囉,而唔係佢一唔番屋企瞓或者有咩依郁就照舊好似教緊小學生時期既佢咁,嘈鑊金鬧到快起囉.作為亞媽個出發點係無錯,但方法用錯唔識得調節番啱個台,個仔根本唔係咁諗,覺得個媽當佢三歲細路,唔認同佢係一個識諗而成熟既成年人,走去認為佢係一個唔識諗既幼稚小朋友,講真呢個年紀,幾唔識諗都好佢都有自己一套諗法,佢地點都會覺得自己有自制能力識得諗,佢地係咁既心態架噃,呢樣亞媽無得推翻唔認囉.所以唔可以再用番上對下(亞媽對仔女)既態度黎'管教'佢,反而大家好似朋友拍哂膊頭咁既態度慢慢去傾,咁至係溝通到囉.


好似我媽同佢依家老公個大仔(前妻所生)咁,嗰時我呢個哎吔大佬十幾歲已經去加拿大讀書,我契爺(即係我媽依家個老公)又係嚴父一名黎,鑊鑊郁少少就打長途電話鏟鑊金佢個仔,兩父子關係唔好,個老豆又猛話個仔唔生性唔識諗,個仔又話個老豆根本唔知佢(個仔)諗乜,都唔明佢,結果次次兩父子通電話,一個就訓話,一個就永遠KEEP住DEAD AIR 乜都唔發表唔講,有咩諗法有咩心事都唔話俾佢老豆知...嗰時佢老豆都話個仔無得救.

但反而呢個哎吔大佬同我亞媽,雖則無任何血緣關係,我媽嫁俾佢老豆時,佢已經過咗加拿大讀書,但佢同我媽傾到偈不特只,仲要係好fd,乜心事乜諗法都只同我媽講,唔同佢老豆講,我媽從來無鬧過佢一句,乜事都好,都係拍住膊頭平起平坐,大家好似交流意見咁好好傾,佢又好願意聽我媽分析事情,好聽我媽話,我媽從未擺過任何亞媽威嚴出黎,只係keep住我就係你朋友,係best friend.

唔知樓主同大家明唔明,要個仔生性識得諗又無行差踏錯,想提醒佢想教好佢唔係淨係一味靠管束就得架.我媽咁多年都從未管束過我呢個哎吔大佬,但佢完全唔會頂我媽頸,反而佢同佢自己親生老豆嘈交多過食飯,原因係,個老豆成世都覺得個仔係細路,唔長大唔生性唔識諗...咁仲有無得同個仔好似朋友咁互相尊重咁去傾呢?查實去到呢個年紀,仔女反而係想父母尊重番佢已經係一個成年既人,想父母信任佢地會好好計劃自己人生,想父母信任佢地唔會辜負父母既期望.如果連呢d都唔放手唔去相信佢地,要佢地去聽你地話去接受你地既要求,我相信難過登天囉.

(純綷個人睇法...唔認同唔緊要既...都係討論下啫. )
私人傳訊

~仔仔媽咪~


水晶宮

積分: 51912


6#
發表於 10-3-26 02:42 |顯示全部帖子
原帖由 oct27_2008 於 10-3-26 01:08 發表
我個仔頭先同我 say 左 sorry
話以後唔會做d 傷我心的事,
登時笑番~~

仔仔媽咪:
個仔係你自己的, 佢做錯野, 點錯你都要攬上身同佢解決o架啦. 點會要佢出黎做野而唔讀書o架

好多謝各位 mami 意見
我會重新諗下點同 ...


其實個仔真係好着緊你好鍚你架..至少都睇得出佢係一個孝順仔黎,試下同佢傾下偈,聽下佢講先啦,信任佢能夠好好管理好自己.呢樣你都要同番囝囝講,至少要佢知道媽咪係信任佢,呢樣亦會成為佢心中既一個好好既提醒.
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見