吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› [分享] 自行入睡方法, 不打不罵教孩子及夫婦關係與孩 ...

嬰兒醫護今日: 0|主題: 79099

收藏本版

發帖

返回列表

跳至頁

樓主: pyjess

[分享] 自行入睡方法, 不打不罵教孩子及夫婦關係與孩子

積分: 1190

21^#

發表於 13-6-2 15:54 |顯示全部帖子

回覆我係sasa 的帖子

我家小氣豬又係唔識自己瞓落下一個 sleep cycle

健康院姑娘教我可以聽到佢就醒 (e e or or 果陣) 或者大約 30 分鐘左右去拍下佢, 叫做襯佢未醒之際幫佢轉落下一個 sleep cycle. 兩個方法都試過, 我隻小氣豬一拍即醒多兩錢

. 所以我繼續 control crying. 不過你可以試下有冇用.

私人傳訊

LaineyLan

大宅

積分: 1190

22^#

發表於 13-6-3 06:01 |顯示全部帖子

回覆我係sasa 的帖子

睇黎我地兩個 bb 係 friend 黎, 因為我個仔小睡果時又係一時可以自己 wear 兩聲就可以瞓番, 但係大多數係大喊要拍/抱

你個女都好叻喎

我個仔 13 weeks, 通常 10:30 瞓, 近兩個禮拜可以一覺瞓到 6:30 (第一餐奶). 不過佢開始啜手, 佢唔係啜住瞓, 而係瞓瞓下要啜, 又啜到好大聲, 搞到我地兩公婆 sleep quality 麻麻. 健康院姑娘話呢 d 係 self soothe 嘅行為, 由得佢喎

....我同老公諗緊搬張 bb 床去個細房等佢自己啜飽佢, 而我地就用個 baby monitor 黎裝下佢

私人傳訊

LaineyLan

大宅

積分: 1190

23^#

發表於 13-6-3 11:10 |顯示全部帖子

回覆我係sasa 的帖子

起初我地都驚唔包住隻小氣豬佢會瞓得唔好連帶我地都冇得瞓, 所以我同老公喺'扎定唔扎' 都掙扎左好幾日. 但係隻小氣豬晚晚都 prison break, 所以我地星期六晚開始俾佢自由地瞓, 但係造就左佢啜手

我隻小氣豬兩個月左右就介左夜奶. 佢未介之前 last feed 係 10:00, 呢餐奶我由佢啜到夠為止, 佢由 3 點幾醒, 漸漸一晚比一晚遲醒, 到依家 6:30am 至食第一餐. 佢有時 5 點幾都會𠵱𠵱哦哦嘈醒我地, 但係見佢未開眼同唔係喊所以我由得佢

12 weeks 唔扎只係 recommendation, 我有朋友 d bb 扎到 over 4 個幾月, 不過淨係夜晚扎. 你亦可以試下放一隻手先, 佢慣左再放另一隻手.

我記得有個母乳姑娘同我講過, 要清楚知道 bb 係肚餓至好餵, 有時佢喊唔代表佢要食. 起初我都係一喊就餵, 但後來知道我隻小氣豬原來係眼瞓唔識瞓/瞓唔到至喊.

如果你囡囡今晚喊, 試下睇下佢有冇其他需要. 我記得有幾晚我隻豬仔係扭計而唔係餓.

祝你成功!

點評

pyjess

發表於 13-6-4 22:25

私人傳訊

LaineyLan

大宅

積分: 1190

24^#

發表於 13-6-3 11:47 |顯示全部帖子

回覆 pyjess 的帖子

你個小朋友係咪啜住手瞓? 佢去唔去到 deep sleep?
我裝左隻小氣豬兩日, 佢唔係啜住手瞓, 佢係中途醒左瞓唔番先搵野啜

我覺得佢啜緊嘅時候係停留喺 rapid eyes movement stage, 落唔到去 deep sleep. 咁樣有冇問題呢?

私人傳訊

LaineyLan

大宅

積分: 1190

25^#

發表於 13-6-5 06:00 |顯示全部帖子

回覆 pyjess 的帖子

睇緊咩書咁好睇? 我諗我都要重拾返自己有小氣豬前 d 興趣, 因為我發覺自己越黎越唔識放鬆

尤其係小氣豬開始啜手, 佢啜手嘅音量大聲到我連續四晚冇覺好瞓

再加上同老公都決定唔到係咪應該俾奶咀代替啜手, 擔心第日難介 etc, 琴晚終於頂唔順攬住個老公喊

依家諗番都覺得自己 over reacted 左.

我地呢幾日/晚試過唔同方法唔俾佢啜手, 例如加手套(其實係怕佢凍多 d), swaddle 番佢一隻手, 用佢條 comfort 毛巾仔包住佢隻手, 全部都失敗

我今日放自己一日假, 由佢想點就點吧~

私人傳訊

LaineyLan

大宅

積分: 1190

26^#

發表於 13-6-6 09:16 |顯示全部帖子

回覆 pyjess 的帖子

希望本書真係可以幫到你啦

其實生 bb 之前, 同老公已經有共識我地唔會為左 bb 而完全放棄我地原有嘅生活模式. 我地明白係會有某程度嘅影響, 所以現在學緊 compromise 同 balance. 例如生 bb 前, 我地每個星期五晚都會同一班朋友出街食飯. 我地都幾開心呢兩個星期五都 manage 到. 下一個 challenge 係可以請朋友返屋企玩

我非常認同小朋友唔應該係媽媽嘅全部. 我媽媽就係一個例子, 我地四姐弟妹係佢嘅全部, 依家我地長大左有自己嘅家庭生活, 佢覺得我地唔理佢. 所以我會由得我老公打機, 同同事出去飲野 etc, 只要唔係太過份. 而我亦有約朋友行街, 食 lunch, high tea.

我地早兩個禮拜都去拍拖睇 iron man 3, 果種感覺真係好爽!

琴日我同老公繼續討論啜手呢個問題, 係, 我地係怕第日難介, 手指肉酸. 但係每個小朋友都唔同. 我妹手指肉酸, 但係老公個妹手指 ok 喎. 有朋友嘅 bb 一歲前自己介左添. 一路以黎我地都想小氣豬瞓好 d, 而佢開始啜手的確係瞓好左, 唔通我地為左將來嘅 unknown 去 interfere 依家嘅 fact? 最終我地嘅結論係 '隨緣吧'.

不過我地唔知好唔好俾奶咀佢, 淨係夜晚瞓覺用, 跌左唔會執, 個 purpose 係等佢隻手可以休息下. 琴晚半夜試過俾佢, 但係好快跌左.

每朝嘅 3-4 點係小氣豬之前起身食奶嘅時間, 而我為左 keep 奶量一路都呢個時間起身泵奶. 呢排天氣凍所以轉左小氣豬食完早餐至泵, 費事半夜起身冷親. 應該係習慣左呢個時間要起身多過擔心, 因為佢瞓覺不嬲都好嘈, 我之前可以過濾佢 d 𠵱𠵱哦哦, 唔喊唔醒架!

琴晚我試過睡前飲暖鮮奶, 聽 relaxation music, 同埋唔上網黎等自己 relax d, 不過都係 3:30 醒左, 5 點幾至瞓番. 或者我都係辛苦命要半夜起身架喇. 遲 d 試下搬小氣豬去佢自己房瞓睇下會唔會好 d 先. 你點 overcome 半夜起身呢個問題?

私人傳訊

LaineyLan

大宅

積分: 1190

27^#

發表於 13-6-9 21:02 |顯示全部帖子

回覆 pyjess 的帖子

呵呵~ 你誤會喇, 我地兩公婆係貪玩多 d

不過多謝你讚我地啊

呢兩晚我地見小氣豬啜手而成個禮拜瞓住一邊唔另頭令到塊面俾口水 up 到生粒粒, 所以我地試下扎返佢啜果隻手等佢塊面可以 recover. 意外地我地全家都可以由 last feed 瞓到 first feed

簡直係超開心!!

真係搞唔清楚隻小氣豬究竟需唔需要啜住手黎瞓

出街果時佢都唔使啜手架

見佢塊面好番 7788, 今日我地都俾佢自由地 nap 左兩覺

私人傳訊

LaineyLan

大宅

積分: 1190

28^#

發表於 13-6-10 06:30 |顯示全部帖子

回覆 pyjess 的帖子

呵呵我都諗緊幾時可以再同個老公拍拖去旅行唔帶個仔. 我奶奶仲擧手話幫我地湊, 不過我仲係佢嘅 canteen

等佢大個 d 先啦.
嘻嘻, 你個小朋友真係超醒目

我地依家都有洗腦式地同小氣豬講唔好瞓覺啜手, 講完佢會扮識聽咁俾個甜美笑容我, 不過我隔一陣就會聽到佢啜手啜到 dark dark 聲

.

我有睇過一篇文章話盡量喺小朋友清醒嘅時候俾佢摸多 d 野, 介紹下手嘅用途, 令佢知道手唔係用黎啜嘅. 小氣豬仲細未識控制 d手指去摸野, 通常係好粗魯咁一拳辨埋去

不過我都會試下, 希望有幫助啦.

私人傳訊

LaineyLan

大宅

積分: 1190

29^#

發表於 13-6-11 08:42 |顯示全部帖子

回覆 pyjess 的帖子

我真係超愛你嘅生活/育兒態度

咁啱嘅, 我老公又係好鐘意影相, 而我就幫佢整 photo book.

琴晚矇矇濃濃聽到 d 啜啜聲跟手今朝起身見到隻小氣豬擺晒 pose 招積地啜住隻左手 (因為右手扎住左)而條 comfort 毛巾仔唔知點解去左床尾, 真係忍唔住一路笑一路同佢洗腦話手指唔係用黎啜 etc

希望我個啜手洗腦計劃 work 啦!

私人傳訊

LaineyLan

大宅

積分: 1190

30^#

發表於 13-6-13 15:29 |顯示全部帖子

回覆 pyjess 的帖子

私人傳訊

LaineyLan

大宅

積分: 1190

31^#

發表於 13-8-14 08:38 |顯示全部帖子

本帖最後由 LaineyLan 於 13-8-14 09:47 編輯

Pyjess 你好啊~
我隻小氣豬又有新搞作, 我同佢 battle 左差唔多成個月都未成功, 希望你可以俾 d 意見.

時間表係:
06:30 feed
07:15 - 10:30 nap
10:30 feed
12:00 - 14:30 nap
14:30 feed
16:00 - 18:30 nap
18:30 feed
**新搞作時段**
21:30 bath
22:00 feed
22:45 sleep

Total sleep/nap time = 15-16 hours

呢個時間表由小氣豬 3 個月用到依家 5 個半月, 一路都冇大問題. 之前佢食完 18:30 餐奶奶玩到 19:30 就去 nap 到 21:00, 我地兩老就可以煮飯食同撐枱腳.

**新搞作**
差唔多一個月前小氣豬食完 18:30 餐奶奶開始越瞓越短. 19:30 放佢落床仔 20:00 就醒.....瞓得果半個鐘我連飯都未煮熟, 開頭差 d 俾佢餓死我地兩老. 我留意到佢係未眼瞓, 咁我就開始遲少少放佢落床, 點知情況一樣, 無論我幾點放落床仔, 半個鐘一定醒. 佢醒左唔係大喊, 只係好似好慘咁喺度 '嗚嗚~~' 俾我地知道佢醒左.

我以為小氣豬唔需要呢個 nap, 咪試下佢 ready 睡前清醒 4 小時未, 我試過由佢自己玩, 我地如常煮飯食飯.....點知沖涼果時扭眼瞓.

我仲有咩可以試? 定係佢大個左時間表要改一改?

講件好笑事你聽, 小氣豬唔使啜手指瞓喇~ 不過佢要一隻手自己摸住自己個光頭, 另一隻手掂住個咀瞓.....瞓著左會變港鐡 logo, 不過一扎醒又擺番同一個 pose 自己 tum 自己再瞓過.....我同老公成日笑佢笑到肚痛.

私人傳訊

LaineyLan

大宅

積分: 1190

32^#

發表於 13-9-13 07:59 |顯示全部帖子

回覆 shuhaha 的帖子

真係橋, 我隻 6 個月嘅小氣豬又係咁!
之前我都有向 Pyjess 求救, 我地係 22:00-22:30 俾 bb 瞓, 所以 Pyjess 佢建議我地餵完 18:30 果餐盡量 keep 住睡前清醒 4 小時. 星期一開始試, 但係小氣豬就開始 05:45-06:00 醒....同你囡囡一樣, 有時可以自己玩到瞓番, 有時玩到 06:30 起身食奶.

我都有 d 擔心佢會唔會唔夠瞓

私人傳訊

LaineyLan

大宅

積分: 1190

33^#

發表於 13-9-27 07:57 |顯示全部帖子

回覆 pyjess 的帖子

Pyjess, 你呢一篇寫得真係好!! 仲好合時.
咁啱呢排我又係有悶氣, 心情超差, 仲因為 '飲水' 呢個問題鬧小氣豬

同埋搞到自己夜晚瞓唔好, 連續幾日重複呢個 vicious cycle. 琴晚自己諗深一層, 我唔可以再咁樣, 因為一, 我唔想小氣豬學左一唔順心就發脾氣/鬧人. 二, 佢咁細個, 鬧佢識聽咩?

今朝起身我同自己講每日都一定要平心靜氣. 加埋見到你呢一篇, 我決定每次想發脾氣/生悶氣時就 '停一停, 諗一諗', 希望做個好 role model 俾小氣豬.