嬰兒醫護今日: 0|主題: 79099

收藏本版

發帖

返回列表

跳至頁

樓主: Candybear

2歲半B蛀牙要聞氣麻醉整怕唔怕有副作用 [複製鏈接]

Lovelycuby

大宅

積分: 1289

1^#

發表於 15-1-17 17:14 |顯示全部帖子

引用：蛀左3隻,一隻補牙上面2隻正門牙蛀得較多建

原帖由 Candybear 於 15-01-16 發表
本帖最後由 Candybear 於 15-1-16 09:30 編輯

蛀左3隻,一隻補牙上面2隻正門牙蛀得較多建議整牙套同麻醉 ...

我女5夠2歲蛀左3隻，都係要聞氣。

我一樣5想但醫生同家人傾過呢個問題，但講真要補點都冇可能令一個甘細既小朋友5好驚5郁仲乖乖劈開口俾醫生整至少半個鐘，其間又有機器聲又冇媽媽在身邊，5落藥仲危險。如果5整，你又5知個B蛀牙既情況會發展成點，幾時先換，到時又怕蛀得太深入牙根影響埋齒仲大鑊。另外又怕阿女返學俾同學笑影響埋佢心理，因為都成日俾大人問係5係偷懶冇刷牙，但實情一日刷幾次~

最後都係決定俾佢聞氣補牙。

過程順利，我同老公就陪佢聞氣同入睡，爸爸瞓係牙醫床抱住佢，我足住佢手仔，姑娘就拎個好似吹波波既儀器套住佢個鼻，我地一齊唱歌仔話吹波波，另外有個IPad架播卡通，阿女10秒左右瞓左，四肢無力軟晒瞓左係爸爸度，呼吸平和，嗰刻好心痛，好似佢走左甘(睇得電視劇太多，哈哈)。姑娘跟住抱起阿女，我同爸爸手術室外等。

大概1個鐘，麻醉師會通知我地睇牙同測試阿女自然反應正常，話藥力大概5~10分鐘就過，叫我地等阿女慢慢自然醒。醒左之後就可以慢慢俾佢飲返水，食下野，醫生俾左盒BB蘋果汁我地氹阿女，我自己就預備左清旦糕。不過之後個1~2個鐘佢好忟同4肢無力甘，想行但5係好夠力，飲醉酒甘款，呢個係副作用，最好帶定BB車俾佢坐或預左要手抱~
大概半日就冇野啦~

我自己搵左個名醫，老實好好好貴，成皮野埋單!最貴係麻醉師，只包1個鐘，超時仲要另計。不過醫生好少超時，3隻大概45分鐘已完成。