婆媳關係今日: 7|主題: 27701

收藏本版

發帖

返回列表

跳至頁

查看: 3622 | 回覆: 4

99忽然認同我原來都有阿媽生，而且我好叻好能幹 [複製鏈接]

LuyiuLady

男爵府

積分: 5982

1^#

發表於 14-11-3 17:45 |顯示全部帖子 |倒序瀏覽 |打印

本帖最後由 LuyiuLady 於 14-11-3 20:43 編輯

我99似乎一直唔知我係有阿媽生既! 例如佢自己生日就請哂假之後「通知」其他人同佢慶祝，而新抱幾時生日佢從來無問過，因為新抱都無阿媽生，點會有生日! 我99咁considerate又點會問令我尷尬既問題呢!
另外，大時大節正日做節，99永遠唔會理新抱得唔得閒，因為新抱係石頭爆出黎，都無女家，正日唔同男家做節，新抱咪孤苦伶仃好淒涼囉!

仲有，我一向係99眼中係唔成熟既小妹妹，做親無好野，錢又搵得少，邊有佢個女咁非凡出眾!
當年姑9大肚，要搬屋裝修，99話大肚一定好辛苦、好累，因此姑9不能勞動，所以命令我老公同我呢個下人務必協助姑9，仲要隨傳隨到，兼且要明白可以助姑9一把係我地榮幸，唔好旨意有人會同我地講唔該之餘，仲要恭恭敬敬同醒醒目目!

依家到我有左bb，經已7個月喇，我同老公買左新居，正忙緊裝修搬屋~
咁耐以黎，99無問過我一句陀b陀成點，呢層唔緊要，而最神奇既係佢無啦啦讚我，話我陀仔好叻、陀得好好! 受到99讚賞我真係受寵若驚! 係99眼中，就算我陀住8、9個月肚裝修搬屋都無難度，皆因我係佢心中忽然變得好能幹，打不死! 所以99無問過一句裝修搬屋要唔要幫手，可見佢好信任我兩公婆既能力! 而且，99仲無啦啦誇讚我地兩公婆搵到錢添，又斷言我地供樓、請工人、養小朋友綽綽有餘，意味我地無可能需要減家用咁話，多謝99頂高帽!

而最最最令我驚奇既係，99主動提及我娘親，兼且好尊重我娘親添! 佢話幫坐月、湊孫呢d野交俾我娘親最好，我地母女情深必定合作得好好咁話!

99我知錯了，原來你咁睇得起我同我娘家! 之前你話「一家人，自己人，邊個有需要都一定要幫」，係我誤會左你「有需要」既定義，搞到我地兩公婆自以為是幫你做左咁多濕碎野! 如果令你覺得被睇低真係唔好意思!
日後，我都會信任你既能力同財力，即使你好謙虛地話唔識得係日本城買電苾、沐浴露都唔識開、自己屋企條窗簾壞左又唔識處理等等，我都會鼓勵你一句「你得既，你搞得掂既!」