論盡家傭今日: 1|主題: 133741

收藏本版

發帖

返回列表

跳至頁

查看: 1971 | 回覆: 1

就快5個月，仲覺得個工人好唔順眼，係咪要換? [複製鏈接]

LuyiuLady

男爵府

積分: 5982

1^#

發表於 15-5-5 15:52 |顯示全部帖子 |倒序瀏覽 |打印

本帖最後由 LuyiuLady 於 15-5-5 16:05 編輯

我屋企個菲姐，上年12月入職，當時我就生bb，請佢返來係湊bb的，因為我要返工
佢自己有兩個仔，但佢地湊b果套根本唔適用於香港，例如夜晚攬住個b訓、一歲都未戒夜奶因為揭起件衫就餵人奶太方便...

我三個月產假，日日嘔心瀝血教佢點湊b，但佢都好似拿手唔成世咁，個b餓又去tum佢訓，個b扭眼訓又走去撩佢玩...

佢表面好勤力、好肯做、好肯學，但睇得出佢骨子裡係懶、無耐性、星期一等星期日、起身等訓覺，而且好鍾意發夢、做野那西...

例子一：bb 3 個鐘食一次奶，佢可以餵完個半鐘，就再餵第二餐，原因係佢記錯時間喎!!! 但已整左個表俾佢自己mark時間，幾時換左片、餵左奶全部都有紀錄，但佢咁都可以記錯!

例子二：餵b飲奶又成日chok到個b，餵一餐奶chok 3次，仲要若無其事咁既樣，個b chok緊都繼續餵

例子三：成日發夢，陪我帶bb去健康院，成個魂魄唔知去左邊，問佢攞針卡無反應、攞紀錄冊又見我唔到。放個b係bb車叫佢睇住，佢對眼望住天花板，我行左埋去放低埋個手袋係車底佢都唔知...

例子四：用來抹窗個把，佢可以成個頭由幾十樓飛左落街

例子五：廁所板多次出現m血

例子五：朋友上黎我屋企後，就問我做咩個工人黑面! 事關個工人無同客人主動打招呼之餘，仲坐係sofa抱住個b神態自若，唔知以為佢係女主人! 到個b俾我抱走左，佢就即閃左入房發mo，水都唔識斟杯俾人! 佢個樣，只要唔笑就係黑面樣一個，天生黑面...

更厭重既問題係，佢份人唔誠實，大大隻眼講大話!!!

1. 用我把生果刀開罐頭(行為本身已經好低能)，結果斷左...之後將把刀條屍放係灶底!!!仲要落街買過把唔同款既刀放返係廚房當無事發生! 一日後俾我發現，跟住就話自己打算同我講架喇，不過唔記得左講咁話喎!

2. 有次我係cam見到bb喊但個工人唔見人，於是我開個喇叭聽下咩事! 點知俾我聽到個工人唔知係邊個位置傾緊電話，我清清楚楚聽到佢係到搵緊工! 之後我打俾佢，問佢頭先係咪傾緊電話，叫佢bb喊要睇左bb先，唔好掛住傾電話! 佢竟然誓神劈願話自己無傾電話! 最好笑既係，果晚返到去，佢主動走過黎話，係d朋友打俾佢，佢只係接電話叫d朋友咪再打黎阻佢專心工作!

我同我先生都唔太滿意個工人，星期日見佢唔到人都開心d!

但佢都有好處：

1. 食野好隨便，無要求
2. 襟話，永無駁咀
3. 好緊張份工，好怕俾人炒

我係咪應該考慮換過個工人?