原帖由 littlesnow 於 09-1-5 14:14 發表 
各位姐妹, 我做o左二十日半奶媽, 我琴日決定放棄啦. 以下係我既分享, 大家可以汲取我失敗既經驗, 餵緊全人奶既, 你地好叻呀! 唔好放棄呀! o岩o岩開始補奶粉既, 盡快轉返全人奶啦, 睇完你知點解我咁講. 全bump媽咪, ...
littlesnow,
你好, 我都係24號生咗, 今次好好彩的是做到半麻, 於是爭取到生完1小時後埋身餵奶, 又同姑娘講咗會餵奶, 固bb房沒有給阿仔一口奶粉. 我又醒目地全時間交bb比姑娘, (咁我盡量休息, 因手術後都累的), 除了餵奶時間, 頭兩2未上奶, 啲姑娘問我駛唔駛補奶粉, 因冇換過片, 我好肯定咁答我未上奶, 固冇換片好正常, 但3天便要換6次胎便片了. 冇姑娘再問我此問題了.
你的問題, 我都有谷奶問題, 但我係第2個了, 所以有些經驗, 希望幫到你, 最衺我都要坐月, 唔係我定過來幫你, 你唔好覺得內疚先, 餵奶都要學的, 話難唔難, 話易唔易, 過咗頭一月, 會好啲, 我第1 個時要到第3個月先叫舒服啲, 之前全靠堅持, 又揾健康院姑娘幫手通奶, 又請私家母乳顧問上門教路和通奶, 還有忍痛, 捱眼瞓等等, 日子唔易過, 但過咗又唔覺得乜嘢一回事.
谷奶, 點可以鬆啲, 首先你叫老公/家人幫你去jusco $10店買個熱full的墊, microwave丁熱可用一段時間, 好好用, 餵奶之前full咗先, 按摩後才餵, 餵約30分鐘, 完咗之後再繼續清後乳, 即硬的地方, 不能一次過清晒, 請分開清. 不要飲咁多谷奶的湯水先, 等清咁啲硬先, 不是未清又谷過, 會好辛苦的.
解決阿b的乳頭混淆問題, 呢個先係大問題, 話晒佢都食咗咁多日奶樽, 真係要用杯餵返先得, 因用樽太易食喇, 啲bb咁醒點會同你出咁多力埋身食呀! 不過你放心, 當日我都係第2 個月才揾母乳顧問上門的, 佢見到阿囡食奶的咀型都話唔得, 比我努力底下, 都餵到歲半至有咗. 其間, 第2-4個月每日補1次奶粉, 其餘都係人奶, 我都係返工媽咪, 朝朝邊餵邊泵, 食完晏用半小時泵, 放工又用半個鐘至1個鐘泵先返屋企又邊餵邊泵, 以上試試吧! 唔係比壓力你, 比多個方法你參考, 如有需要可找我. 我會盡力幫你. 唔好喊或者內疚呀! 唔餵奶都唔代表你唔係好媽媽.
親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。
發表於 
返回列表
