吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 成日因為網上功課而同阿女嘈.......

自由講場今日: 890|主題: 1303405

收藏本版

發帖

返回列表

跳至頁

查看: 2999 | 回覆: 30

成日因為網上功課而同阿女嘈....... [複製鏈接]

嵐嵐mimi

大宅

積分: 3640

醒目開學勳章

1^#

發表於 09-11-10 10:13 |只看該作者 |正序瀏覽 |打印

我個女係一個脾氣差, 硬頸, 成日同我玩對抗既人, 我每日都要又打又鬧佢至會去溫書、食飯、沖涼、訓覺, 每一樣野都唔會叫一次就去做, 一定要講到又打又鬧, 喊晒至去做…..由於我自己、老公 & 我阿媽都覺得再係咁打同鬧都唔係辦法, 佢都係唔聽, 所以我已經採取, 佢一發脾氣, 我都唔會理, 由得佢嘈, 同發癲, 之後發覺由佢嘈多兩嘈, 佢就會當冇事發生, 走過黎同你講野

阿女今年讀小一, 學校有好多網上功課同遊戲, 基本上, 每日都要做既就只有
“每日一篇”, 佢太鐘意上網玩學校俾既遊戲同練習, 所以我每日放工返到屋企, 佢就第一時間同我講話要做, 因為佢想每日都攞到第一名, 而我自己每日都希望佢做左自己既功課同溫左默書先, 每次我話要佢做晒功課 & 溫好默書就可以做網上功課, 佢就次次都發脾氣, 話要做左網上功課先, 當然, 我係唔會妥協, 佢就會開始發脾氣。尋日又係咁, 咁岩我阿媽又係屋企, 佢就話我太執著, 俾佢做左先都得, 不過就係因為我知道, 就算俾佢做左
“每日一篇” 之後, 佢都唔會放手, 佢只會想做埋其他練習, 所以我一定要佢做晒d應做既家課

真係我太執著???

0 0 0

私人傳訊

嵐嵐mimi

大宅

積分: 3640

醒目開學勳章

31^#

發表於 09-11-11 09:36 |只看該作者

原帖由 november11 於 09-11-11 09:29 發表
點解你地可以咁仁慈對d細路 ?
駁咀 ? 同我發脾氣 ? 無可能

我會 "置諸死地而後生",
一駁咀, 發脾氣, 我會唔比佢做網上功課

用老師黎大我, 唔會有用,
我會同佢講你唔交功課, 老師問責, 你可以照講"呀媽唔比我做", ...

有一日我真係嬲都爆炸, 個日我真係冇俾佢做, 因為 "每日一篇" 係唔可以做番之前個日既, 所以個個小朋友每日都有做, 係佢有一日冇做囉.....

私人傳訊

november11

複式洋房

積分: 159

30^#

發表於 09-11-11 09:29 |只看該作者

點解你地可以咁仁慈對d細路 ?
駁咀 ? 同我發脾氣 ? 無可能

我會 "置諸死地而後生",
一駁咀, 發脾氣, 我會唔比佢做網上功課

用老師黎大我, 唔會有用,
我會同佢講你唔交功課, 老師問責, 你可以照講"呀媽唔比我做", 叫老師 call 我, 重好

你最好唔做功課 tim, 罸你唔係罸我, 你瘀唔係我瘀, 比番個責任佢

睇你懇唔懸到心, 比佢衰幾次

學琴唔學咪算 law, 同佢講係佢自己放棄, 大個d, 同學仔個個琴到一手好琴, 你要記住你今日自己的決定

"愛"仔女, 係要使佢地明白, 不是幫佢做埋 .

私人傳訊

terrorist

男爵府

積分: 6468

29^#

發表於 09-11-11 09:19 |只看該作者

我個女同你個女d性格,態度好相似,我都時時發脾氣,有時都叫自已唔好發脾氣,但真係頂佢唔住,做mug野都慢吞吞,你緊佢唔要咁,唔緊佢咩,佢真係唔緊,咁死味,eg,趕校車,佢都唔理時間觀念(唔係唔識),食又慢,每食一口飯都要叫,set timer,30mins到,又話d飯多,話明食唔哂要倒,佢就cry...宜家小二,見佢瘦,唔想見佢咬一小丁口bread就番學,所以極度不願意,都餵佢食,不過只跟早餐既粉/粥.唉,同佢講time table,都試過唔知幾多次,但佢咪又係無跟........

[ 本帖最後由 terrorist 於 09-11-11 09:20 編輯 ]

私人傳訊

christy1012

水晶宮

積分: 65910

2024年龍年勳章 2023年兔年勳章醒目開學勳章畀面勳章 BK Milk勳章

28^#

發表於 09-11-11 09:11 |只看該作者

原帖由 嵐嵐mimi 於 09-11-11 08:59 發表
尋晚佢又好少少, 佢知道自己要做晒功課至可以做網上功課, 冇再同我拗, 可能就係前一晚佢做晒功課之後, 就衝左去做網上功課 & 練習, 就攪到尋日唔記得帶四方紙, 又有一樣功課原來係未做既 (因為個樣功課學校係冇叫佢 ...

其實你咁樣可能會ok,
好多小朋友都唔受父母打鬧,
但係可能受老師教,俾老師話仲緊要過俾父母話,
有時俾少少挫敗佢,都係好事

私人傳訊

嵐嵐mimi

大宅

積分: 3640

醒目開學勳章

27^#

發表於 09-11-11 08:59 |只看該作者

尋晚佢又好少少, 佢知道自己要做晒功課至可以做網上功課, 冇再同我拗, 可能就係前一晚佢做晒功課之後, 就衝左去做網上功課 & 練習, 就攪到尋日唔記得帶四方紙, 又有一樣功課原來係未做既 (因為個樣功課學校係冇叫佢地寫係家課冊, 所以如果佢唔講, 我係唔會知有呢樣功課), 咁我當然係串佢啦, "抵死啦, 成日顧住做每日一篇, 攪到乜都唔記得晒, 我都講左叫你做好晒d野, 執好晒個書包, 就可以去做網上功課, 你就求求其其, 咁好啦, 依家乜都唔記得晒, 等你返到去俾老師鬧都好", 佢睇落好唔開心, 可能就係咁, 我尋日返到去, 佢就同我講做晒d功課就可以做網上功課.....而我尋晚都盡量去控制我既情緒, 唔好又打又鬧....希望可以維持耐d啦........

私人傳訊

大頭蝦

男爵府

積分: 7342

26^#

發表於 09-11-10 22:32 |只看該作者

其實我覺得你個女跟本就係想話事, 你叫佢做的事, 佢偏唔做, 但相反佢要求你做的事, 佢就 expect 你即刻做, 你搵次認真同佢講, 佢點對你, 你就會點對佢, 佢若果肯配合你, 你亦會就佢, 相反, 若果佢咩都要叫到喊, or 要打要殺先肯做, 你就一一照辦, 佢叫你比佢做每日一篇, 你就連 password 都改埋佢, 唔好比佢 login 得咁易, 話比佢知, 指定時間內做唔晒份內事, 佢休想去同人競賽 ! 解釋比佢知, 咩野都慢人半拍 = 輸 !

<div><a target=_blank href=http://www.pregnology.com/pregnancy/02/14/2012><img border=0 width=450 height=185 src='http://www.pregnology.com/preggoticker2/FF00CC/330000/My%20pregnancy/02/14/2012.png' alt='Pregnancy%20ticker'></a><br><a style=font-

私人傳訊

粟米豆

子爵府

積分: 11766

醒目開學勳章

25^#

發表於 09-11-10 18:22 |只看該作者

原帖由 嵐嵐mimi 於 09-11-10 14:17 發表

老師都係建議家長們要擦功課, 家長會個時話, 功課一定要靚, 不過考試個時就一定要快, 當然快得黎, 都要睇到個字係寫得岩既......如果個女寫得好少少, 我都唔會擦, 而且仲會讚佢寫得好添, 仲同佢講下笑 "乜今日學校 ...

老師的提意係善意...但每個小朋友都唔可以用同一個方去教,每人老師同家長都想d小朋友又叻又聰明又唔駛勞氣,事事滿意...但得唔得..你地自己諗囉
本人都唔讚成你擦佢d功課,佢做得咁辛苦當然係想你讚佢,而唔係要再做多一次啦...如果佢堅持覺得無問題的話,我會由得佢...等老師鬧佢好過你鬧佢

私人傳訊

mandyyee

子爵府

積分: 10930

好媽媽勳章

24^#

發表於 09-11-10 17:53 |只看該作者

其實你set好左一定要佢做完功課同溫完先可以上網玩~~我個囡都係咁~有時太多功課佢又好比心機做~我都可以唔洗佢溫完就有得玩~~如果你就佢一次~之後佢次次都係咁~

~我eq都係一樣好低~但我會搵唔同方法黎同佢相處~希望唔洗下下又鬧又打

~我都好似熙敏媽咁~做得好真係要多d讚佢,讚多左佢又真係會好好多.加油啊

私人傳訊

patpat234

水晶宮

積分: 63663

好媽媽勳章

23^#

發表於 09-11-10 16:54 |只看該作者

嵐嵐mimi

我估我仔個情況會比你囡囡嚴重.佢有自閉症傾向,非常固執,硬頸,而且脾氣相當大.
佢今年都係剛上小一.

舊年k3時,情況同你囡囡一樣"每日都要又打又鬧佢至會去溫書、食飯、沖涼、訓覺,每一樣野都唔會叫一次就去做, 一定要講到又打又鬧, 喊晒至去"

同樣,今年都一樣有"每日一篇",係小朋友最鐘意的功課.

不過,佢現在情況,已經比之前好好多.

依家我同佢講明,每做完一份功課可以儲10mins 玩電腦時間,一日有4,5份功課,就可以玩4,50分鐘.(不過佢無乜時間觀念,多數我會set鬧鐘30mins就要佢停)

呢個方法好work,
另外,就真係要多d讚佢,我eq都係一樣低,但最近讚多左佢又會再乖d.
有時d字寫得靚dd唔洗擦,我就已經會大大力咁去讚佢,第二次佢d字又會keep住好靚.
功課多而又做得快而準,我又會出力讚.

食飯果到,真係要睇下點解要食1hr...一路食一路睇電視?
d送唔o岩送飯?

我果2個(3歲,6歲)食飯好快...快到有d唔正常....我地由開飯到收晒檯多數都係20-25mins.
我d送好簡單,2送1湯,無電視睇(平時都無)

試下了解一下點解囡囡"每日都要又打又鬧佢至會去溫書、食飯、沖涼、訓覺,每一樣野都唔會叫一次就去做, 一定要講到又打又鬧, 喊晒至去"

原帖由 嵐嵐mimi 於 09-11-10 10:13 發表
我個女係一個脾氣差, 硬頸, 成日同我玩對抗既人, 我每日都要又打又鬧佢至會去溫書、食飯、沖涼、訓覺, 每一樣野都唔會叫一次就去做, 一定要講到又打又鬧, 喊晒至去做…..由於我自己、老公 & 我阿媽都覺得再係咁打同 ...

「知足者，常樂也；不知足者，富亦憂。」

私人傳訊

reego

伯爵府

積分: 18035

2024勳章育兒性格勳章好媽媽勳章醒目開學勳章畀面勳章

22^#

發表於 09-11-10 16:54 |只看該作者

你個女都好硬頸，佢接唔接受你話佢！(睇咗你學鋼琴果編野)依+d靚真係好難教，話又唔得，打就更加唔得！

大帽山下某條村落黃色的小屋，住有羊爸爸ammy、羊媽媽sandy、羊哥哥reego、羊細佬ricky！

私人傳訊

joey_23

公爵府

積分: 29452

好媽媽勳章醒目開學勳章畀面勳章

21^#

發表於 09-11-10 16:32 |只看該作者

原帖由 嵐嵐mimi 於 09-11-10 14:17 發表

老師都係建議家長們要擦功課, 家長會個時話, 功課一定要靚, 不過考試個時就一定要快, 當然快得黎, 都要睇到個字係寫得岩既......如果個女寫得好少少, 我都唔會擦, 而且仲會讚佢寫得好添, 仲同佢講下笑 "乜今日學校 ...

我會咁睇件事,由於學校無帶一個正面既訊息比家長及小朋友,令好多人都唔明點解佢地有咁既建議!有小小心得同大家分享下!
阿女細個,K1開始,我睇得佢功課好緊,D字唔靚擦左再寫,日日如是!直到開始轉變同改善,佢自己會好認為去做功課,然後,我會叫佢比我睇一下,再叫佢自己CHECK下有無唔靚既擦左重寫,再比我CHECK多次,久而久之,小朋友做功課會小心D!一來係比佢自己獨立,二來係比佢自己知道,有要求只係希望有進步,而唔係挑剔!仍地一路長大,係會明白父母心意既,當然,由細到大要解釋得好清楚比佢地知道寫字功課既重要性啦!

我記得,有時都會都會話阿女D字唔夠靚,要佢用筆套練字一個鐘架,雖然佢口口聲聲話唔制,但係又會自己主動去用筆套套住筆做功課!

原因係老公寫字好靚,我個女想學law,但係老公無迫過佢架,小朋友大左,同學之間有比較,自然就會有自己一套寫字方法同埋基準。

私人傳訊

canies

翡翠宮

積分: 93425

20^#

發表於 09-11-10 16:18 |只看該作者

若果係學校俾既遊戲同練習,咪由佢。總之功課要幾点前做好比你過目。

私人傳訊

joey_23

公爵府

積分: 29452

好媽媽勳章醒目開學勳章畀面勳章

19^#

發表於 09-11-10 15:20 |只看該作者

原帖由 嵐嵐mimi 於 09-11-10 14:07 發表

我成日都同個工人講要早d食飯, 最好就到7:30 - 7:45, 講一次佢先做一次, 唔講個日, 佢又係遲, 有時講左都係做唔到, 我屋企又唔係日日要整"九大鬼", 成日係屋企都叫佢早d整定d送, 咁咪可以早d食囉.....佢又係唔聽, ...

我諗你同老公一齊,拉姐姐坐底同佢傾下,整一個時間表比佢,比埋每一日既菜單佢就重好,咁就唔會比佢有任何籍口推遲你地既晚餐時間啦,耐心同佢講,如果一星期超過一日唔遵守時間表食飯(出街食例外),你地會同僱傭公司商討換一個有時間觀念既工人姐姐,希望咁樣令佢重視番晚餐時段係好重要依個訊息啦!

私人傳訊

SK1

大宅

積分: 2989

醒目開學勳章

18^#

發表於 09-11-10 15:01 |只看該作者

妳可以定一個時間比佢,如我仔仔咁九點至十點先至可以login入到部電腦,其它時間係入唔到.咁就大把時間做完功課先做電腦功課.如果電腦功課做得快重有時間打機添.

原帖由 嵐嵐mimi 於 09-11-10 10:13 發表
我個女係一個脾氣差, 硬頸, 成日同我玩對抗既人, 我每日都要又打又鬧佢至會去溫書、食飯、沖涼、訓覺, 每一樣野都唔會叫一次就去做, 一定要講到又打又鬧, 喊晒至去做…..由於我自己、老公 & 我阿媽都覺得再係咁打同 ...

私人傳訊

嵐嵐mimi

大宅

積分: 3640

醒目開學勳章

17^#

發表於 09-11-10 14:17 |只看該作者

原帖由 Ivyyim 於 09-11-10 14:09 發表

係啦, 我都唔明, 點解小朋友寫字唔靚, 要家長來擦.
係都由小朋友來擦...而且小朋友剛學寫字尼幾年, d字都沒定性, 都沒有自己風格..
對小朋友真係有d打擊...
想佢寫得靚..不如多寫...好似英文抄寫本咁....國內都係 ...

老師都係建議家長們要擦功課, 家長會個時話, 功課一定要靚, 不過考試個時就一定要快, 當然快得黎, 都要睇到個字係寫得岩既......如果個女寫得好少少, 我都唔會擦, 而且仲會讚佢寫得好添, 仲同佢講下笑 "乜今日學校冇打風咩", 但係有時, 真係成個字斜晒, 英文字又出晒界, 咁都要佢再寫過嫁啦.........

私人傳訊

嵐嵐mimi

大宅

積分: 3640

醒目開學勳章

16^#

發表於 09-11-10 14:12 |只看該作者

原帖由 joey_23 於 09-11-10 12:34 發表
我建議你叫工人姐姐提早煲落飯,湯,準備好配料先,到你返黎先落鑊抄,煮,蒸...等等,叫工人姐姐掌握在特定時間晚餐,那就會容易控制!小朋友食飯食得慢這一點,如果在一個鐘內完成,基本上對佢地來講係健康既,超過一個鐘就令 ...

你講得好岩, 依家當佢發脾氣既時候, 我都係採取唔理佢既態度, 過一陣, 佢又會當冇事發生走黎同你講野, 我都知自己有好時都好唔冷靜, 佢一唔聽話, 我就想鬧佢, 我 d EQ 真係越黎越差.....

等我都試下同佢坐低傾下個時間表, 等佢知道邊個時間可以做網上功課.....其實佢依家都有一個時間表嫁啦, 不過就冇寫明做功課既時候係做D乜, 依家咁樣, 我都係同佢協議左先, 睇下佢做唔做到.....有時鬧完佢, 都真係有D心灰意冷嫁, 攪到自己真係唔識點教女好

私人傳訊

Ivyyim

大宅

積分: 2323

15^#

發表於 09-11-10 14:09 |只看該作者

原帖由 SmileFoReVeR 於 09-11-10 12:52 發表
前排有教處既人嚟學校搞講座, 話就算小朋友抄寫既字幾唔靚, 都千祈唔好擦晒佢, 因為咁會令到小朋友有挫敗感, 漸漸會唔鐘意做功課喎, 頂多擦咗少部份D寫得太差既字好啦
...

係啦, 我都唔明, 點解小朋友寫字唔靚, 要家長來擦.
係都由小朋友來擦...而且小朋友剛學寫字尼幾年, d字都沒定性, 都沒有自己風格..
對小朋友真係有d打擊...
想佢寫得靚..不如多寫...好似英文抄寫本咁....國內都係咁習字....成效好好...

私人傳訊

嵐嵐mimi

大宅

積分: 3640

醒目開學勳章

14^#

發表於 09-11-10 14:07 |只看該作者

原帖由 joey_23 於 09-11-10 12:34 發表
我建議你叫工人姐姐提早煲落飯,湯,準備好配料先,到你返黎先落鑊抄,煮,蒸...等等,叫工人姐姐掌握在特定時間晚餐,那就會容易控制!小朋友食飯食得慢這一點,如果在一個鐘內完成,基本上對佢地來講係健康既,超過一個鐘就令 ...

我成日都同個工人講要早d食飯, 最好就到7:30 - 7:45, 講一次佢先做一次, 唔講個日, 佢又係遲, 有時講左都係做唔到, 我屋企又唔係日日要整"九大鬼", 成日係屋企都叫佢早d整定d送, 咁咪可以早d食囉.....佢又係唔聽, 次次都係等到我返黎至洗菜, 煮飯, 真係講極都唔聽嫁........

私人傳訊